Nehemia 2:18 - BAIBLO ALOO NGMAMI KLƆUKLƆU Ɔ

¹⁸ Lɔ ɔ se ɔ, i sɛɛ mɛ bɔ nɛ Mawu nyɛɛ ye se, nɛ́ e piɛ ye he, kɛ nɔ́ nɛ matsɛ ɔ de mi ɔ. A he nɔ ke, “Nyɛ ha nɛ wa bɔni gbogbo ɔ fiami!” Kɛkɛ nɛ a je ní tsumi kpakpa nɛ ɔ sisi nɔuu.

Nehemia 2:18 ပူးပေါင်းရင်းမြစ်များ

Filipibi 2:13

Ejakaa be tsuaa be ɔ, Mawu ngɛ nyɛ he ní tsue, konɛ nyɛ na bua jɔmi nɛ nyɛ kɛ pee e suɔmi nya ní.

Kronika II, 32:5

Matsɛ ɔ dla Yerusalem ma a he fami ní ɔmɛ; gbogbohi nɛ ku ɔ, e kpale fia mɛ ekohu, nɛ e ma mɔhi ngɛ a nɔ; e fia gbogbo enyɔne hulɔ kɛ wo ma a he. Jehanɛ se hu, e dla Milo mɔ ɔ nɛ ngɛ David ma a mi ɔ, nɛ e sɔ kɛ̃ɛ̃hi kɛ tsɛ̃ihi babauu.

Kronika I, 19:13

Moo pee kã, nɛ o ha nɛ waa da si kaa nyumuhi kɛ ha wa nyɛmimɛ ɔmɛ, kɛ wa Mawu ɔ ma amɛ. Nɔ́ nɛ sa Yawɛ hɛ mi ɔ, e pee.”

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Ezra 6:22

A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.

Samuel II, 2:7

Lɔ ɔ he ɔ, nyɛ wlua nyɛ, nɛ nyɛɛ pee kã. Nyɛ matsɛ Saul ɔ gbo, nɛ Yuda ma a pɔ mi nu nɛ a wo mi a nɔ matsɛ.”

Kronika I, 11:10

David ta buli kpanaa amɛ ji nɛ ɔmɛ nɛ. Ta buli kpanaa nɛ ɔmɛ, kɛ Israel ma a tsuo pee kake nɛ a wo David matsɛ kaa bɔ nɛ Yawɛ wo si ɔ. Mɛ lɛ a piɛ David he nɛ e matsɛ yemi ɔ da si.

Samuel I, 23:16

Saul binyumu Yonatan ba e ngɔ ngɛ lejɛ ɔ ba wo e hemi kɛ yemi ngɛ Mawu mi he wami.

Nehemia 2:8

I bi hu ke a ha mi womi kɛ ya ha Asaf, nɔ nɛ hyɛɛ matsɛ ɔ hue ɔmɛ a nɔ ɔ, konɛ e ha mi tso nɛ ma kɛ kpɛ agbohi ha mɔ ɔ nɛ ngɛ Yawɛ we ɔ kasa nya a, kɛ gbogbo nɛ a fia kɛ bɔle ma a, kɛ imi nitsɛ ye we nɛ ma hi mi ɔ. Mawu ngɛ ye se, lɔ ɔ he ɔ, matsɛ ɔ ha mi níhi nɛ i bi lɛ ɔ tsuo.