Nehemia 2:17 - BAIBLO ALOO NGMAMI KLƆUKLƆU Ɔ

¹⁷ Lɔ ɔ he ɔ, jehanɛ i de mɛ ke, “Nyɛ nitsɛmɛ nyɛ na haomi mi nɛ wa ngɛ, bɔ nɛ Yerusalem pee ma doku, nɛ a sã agbo ɔmɛ! Nyɛ ha nɛ waa fia Yerusalem gbogbo ɔmɛ ekohu, konɛ wa zo ɔ nɛ je.”

Nehemia 2:17 ပူးပေါင်းရင်းမြစ်များ

Ezra 9:9

A pee wɔ nyɔguɛhi, se ngɛ wa nyɔguɛ si himi ɔ mi ɔ, o je o suɔmi nɛ ngɛ daa a kpo kɛ tsɔɔ wɔ. O ngmɛɛ we wa he, nɛ o ha Persia matsɛmɛ ɔmɛ na wɔ mɔbɔ, nɛ a ha wa nɔ gbagba te ekohu, bɔ nɛ pee nɛ Mawu we ɔ nɛ ku kɛ pue si ɔ, waa ma lɛ ekohu, nɛ waa hi hiɛmɛ nɛ ɔ ngɛ Yuda kɛ Yerusalem ngɛ tue mi jɔmi mi.

Nehemia 1:3

A de mi ke nihi nɛ piɛ ngɛ zugba a nɔ, nɛ mɛɛ lɛɛ a nuu we mɛ nyɔguɛ ɔ, a ngɛ nɔ́ nami, kɛ ahlua bɔmi nguaa mi. A de hu ke Yerusalem gbogbo ɔmɛ nɛ a hule pue si ɔ, kɛ agbo ɔmɛ nɛ a sã a tsuo ngɛ ja.

Nehemia 2:13

Nyɔ mi ɔ nɔuu ɔ, i gu Kɔ̃ Agbo ɔ nɛ ngɛ bonyoku je ɔ mi kɛ je kpo kɛ gu Ogbetee Vu ɔ nya kɛ ya su Dwɔmi Agbo ɔ he. I hyɛ bɔ nɛ Yerusalem gbogbo ɔmɛ ngɛ ha, bɔ nɛ a ku kɛ pueɔ si, kɛ bɔ nɛ a kɛ la sã agbo ɔmɛ.

Nehemia 2:16

Ma ní tsuli ɔmɛ ekoeko li kaa i je kpo kɛ ya pee nɔ́ ko. Kɛ ba su be nɛ ɔ mi tsuo ɔ, i de we nɔ ko nɔ ko nɔ́ ko. Ye nyɛmimɛ Yuda bi ɔmɛ, osɔfo ɔmɛ, ma nimeli ɔmɛ, ma ní tsuli ɔmɛ, kɛ nihi nɛ ma tsu ní ɔ li nɔ́ nɛ ya nɔ nɛ ɔ he nɔ́ ko.

Nehemia 3:15

Kolhoze binyumu Shalum, Mizpa zugba a nɔ yelɔ ɔ dla Nyu Vu Agbo ɔ. E fia ekohu, nɛ e tsi e yi mi ɔ. E ma sinya amɛ, nɛ e wo a nya dadehi kɛ a se lami níhi. Gbogbo ɔ nɛ tsa matsɛ abɔɔ ɔ nɔ ngɛ Shela Taku ɔ he ɔ, lɛ kɛ̃ nɛ e fia jamɛ a gbogbo ɔ kɛ ya su kpoku ɔmɛ nɛ a kɛ kpleɔ si kɛ jee David ma a mi ɔ a he.

La 102:15

Je ma amɛ tsuo maa ye Yawɛ gbeye. Zugba a nɔ matsɛmɛ ɔmɛ tsuo maa ye e hɛ mi nyami ɔ gbeye.

La 44:13

O ha nihi nɛ bɔle wɔ kɛ kpe ɔ na wa we ahlua a; a ye wa he fɛu, nɛ a muɔ wɔ.

La 44:14

O ha wa plɛ pee abɛ bumi nɔ́ ha je ma amɛ; Wa pee muɔ nɔ́ ha mɛ.

La 79:12

Nyɔmtsɛ, je mahi tsuo nɛ ye o he fɛu ɔ, gbla a tue si kpaago kɛ to nɔ́ nɛ a pee ɔ nya.

La 79:4

Je ma amɛ nɛ bɔle wɔ ɔ bɔ wɔ ahlua; a muɔ wɔ, nɛ a ye wa he fɛu.

Yeremia 24:9

Ma ngɔ haomi nɛ nya wa wawɛɛ nitsɛ kɛ ba a nɔ, nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, a maa bɔ mɛ ahlua, nɛ a maa wo mɛ la ngɛ he tsuaa he nɛ ma fie mɛ kɛ ya a.

Kɔmɔ Yemi 2:2

Nyɔmtsɛ ɔ kpata Israel ma amɛ tsuo a hɛ mi nɛ e nɛ mɔbɔ kulaa. E ngɔ e mi mi la a kɛ ywia Yuda ma a nya mɔ ngua amɛ tsuo ngɔ pue si. E ha zo gbe nɔ yemi ɔ, kɛ e mi matsɛmɛ ɔmɛ.

Kɔmɔ Yemi 3:51

Ke i hyɛ nɔ́ nɛ ba yihewi ɔmɛ a nɔ ngɛ ma a mi ɔ, i haoɔ wawɛɛ.

Ezekiel 5:14

Ma ha Yerusalem maa pee ma doku, kɛ ma nɛ bɔ ahlua ngɛ je ma amɛ a kpɛti. Nihi nɛ maa be ngɛ lejɛ ɔ tsuo maa hie lɛ.

Mika 7:11

Nyɛ Yerusalem bi, be ma nɛ a maa fia gbogbo kɛ wo nyɛ ma a he ekohu. Jamɛ a be ɔ, a maa hɛ nyɛ huzu ɔ mi kɛ maa ya se tsitsaa.

Samuel I, 11:2

Se Nahash de mɛ ke, “Loko i kɛ nyɛ maa so ɔ, ma ta nɔ tsuaa nɔ hiɔ hɛngmɛ, nɛ i kɛ nɔ́ nɛ ɔ ma pue Israel tsuo hɛ mi si.”