Nehemia 2:13 - BAIBLO ALOO NGMAMI KLƆUKLƆU Ɔ

¹³ Nyɔ mi ɔ nɔuu ɔ, i gu Kɔ̃ Agbo ɔ nɛ ngɛ bonyoku je ɔ mi kɛ je kpo kɛ gu Ogbetee Vu ɔ nya kɛ ya su Dwɔmi Agbo ɔ he. I hyɛ bɔ nɛ Yerusalem gbogbo ɔmɛ ngɛ ha, bɔ nɛ a ku kɛ pueɔ si, kɛ bɔ nɛ a kɛ la sã agbo ɔmɛ.

Nehemia 2:13 ပူးပေါင်းရင်းမြစ်များ

Nehemia 1:3

A de mi ke nihi nɛ piɛ ngɛ zugba a nɔ, nɛ mɛɛ lɛɛ a nuu we mɛ nyɔguɛ ɔ, a ngɛ nɔ́ nami, kɛ ahlua bɔmi nguaa mi. A de hu ke Yerusalem gbogbo ɔmɛ nɛ a hule pue si ɔ, kɛ agbo ɔmɛ nɛ a sã a tsuo ngɛ ja.

Nehemia 2:17

Lɔ ɔ he ɔ, jehanɛ i de mɛ ke, “Nyɛ nitsɛmɛ nyɛ na haomi mi nɛ wa ngɛ, bɔ nɛ Yerusalem pee ma doku, nɛ a sã agbo ɔmɛ! Nyɛ ha nɛ waa fia Yerusalem gbogbo ɔmɛ ekohu, konɛ wa zo ɔ nɛ je.”

Nehemia 2:3

nɛ i he nɔ ke, “Nɛnɛ, o yi nɛ na wa daa! Mɛni he je e sɛ kaa ye hɛ mi nɛ pee mɔbɔmɔbɔ, be mi nɛ ma nɛ a pu ye nɛmɛ ngɛ mi ɔ ku kɛ pueɔ si, nɛ la sã agbo ɔmɛ ɔ?”

Kronika II, 26:9

Uzia fia gbogbo ngɔ wo Yerusalem he, nɛ e ma mɔ gagaagahi ngɛ kɔ̃ nya agbo ɔ, kɛ kɔ̃ agbo ɔ a nɔ, kɛ he nɛ gbogbo ɔ lɔgɔ si ngɛ ɔ.

Nehemia 12:31

Lɔ ɔ se ɔ, i bua Yuda ma nimeli ɔmɛ a nya ngɛ gbogbo ɔ nɔ, nɛ i ngɔ mɛ ngɔ to kuu agboagbo enyɔ a nya, konɛ a hyɛ nɛ a to kɛ nyɛɛ, nɛ a la Mawu yi jemi lahi kɛ bɔle ma a. Kekleekle kuu ɔ nyɛɛ hiɔ nɔ, ngɛ gbogbo ɔ nɔ, kɛ yaa Dwɔmi Agbo ɔ nya.

Nehemia 2:15

i gu Kidron pa a kɔ̃ ɔ mi kɛ ya hyɛ ma a gbogbo ɔ. Kɛkɛ nɛ i kpale ye se kɛ gu jamɛ a blɔ ɔ kɛ̃ kɛ gu Kɔ̃ Agbo ɔ mi kɛ ba ma a mi.

Yeremia 5:10

Ma tsɔ he nyɛli nɛ a ya poo ye ma mi bi ɔmɛ a wai tso ɔmɛ ngɔ pue si, se i be hae nɛ a kpata a hɛ mi pɛsɛpɛsɛ. Ma ha nɛ a kplɔ tso kɔni ɔmɛ, ejakaa pi imi Yawɛ, ye níhi ji mɛ.

Nehemia 2:12

Se i de we nɔ ko nɔ ko nɔ́ nɛ Mawu ngɔ wo ye mi ke ma pee ɔ. Nyɔ mi kɔ̃kɔ̃ɔ̃kɔ̃ ɔ, i te si, nɛ i kɛ ye nyɛmimɛ ɔmɛ bɔɔ pɛ je kpo. Wa ngɔɛ lohwe ko kɛ yɛ, ja teji nɛ i hi nɔ ɔ pɛ.