Nehemia 2:10 - BAIBLO ALOO NGMAMI KLƆUKLƆU Ɔ

¹⁰ Se benɛ Sanbalat nɛ je Bet Horon, kɛ Tobia, ma ní tsulɔ ko nɛ je Amon zugba a nɔ ɔ nu kaa nɔ ko ba nɛ e ba ngɛ nɔ́ kpakpa hlae ha Israel bi ɔmɛ ɔ, e dɔ mɛ wawɛɛ nitsɛ.

Nehemia 2:10 ပူးပေါင်းရင်းမြစ်များ

Nehemia 4:7

Sanbalat, Tobia, Arabia bi ɔmɛ, Amon bi ɔmɛ, kɛ Ashdod bi ɔmɛ nu kaa wa ngɛ Yerusalem gbogbo ɔ fiae mlamlaamla, nɛ wa ngɛ puɔ ɔmɛ tsie. Kɛkɛ nɛ a mi mi fu wawɛɛ nitsɛ.

Nehemia 2:19

Se benɛ Sanbalat nɛ je Bet Horon, Tobia, ma ní tsulɔ ɔ nɛ je Amon zugba a nɔ, kɛ Arabia no ɔ nɛ a tsɛɛ lɛ Geshem ɔ nu he ɔ, a muɔ wɔ, nɛ a ye wa he fɛu, nɛ a de ke, “Mɛni sane nyɛ ngɛ yee nɛ ɔ? Nyɛ ma tsɔ matsɛ ɔ hɛ mi atuã lo?”

Abɛ Womi 27:4

Mi mi la puɛɔ ní wawɛɛ nitsɛ; nɛ muklii mi fumi hu nɔ́ pe, se hunga jemi lɛɛ e nɔ nya hi dami.

Nehemia 13:4

Osɔfo Eliashib, nɔ nɛ hyɛɛ wa Mawu ɔ we ɔ nito he tsu ɔmɛ a nɔ ɔ, e huɛ ji Tobia.

Nehemia 6:1

Sanbalat, kɛ Tobia, kɛ Geshem, Arabia no ɔ, kɛ wa he nyɛli ɔmɛ nɛ piɛ a he ɔ nu kaa wa gbe gbogbo ɔ fiami nya, nɛ wa tsi hehi nɛ ku ɔ tsuo; pohu jamɛ a be ɔ mi ɔ, wa mɛ sinya amɛ ngɛ agbo ɔmɛ a nya lolo.

Ni Tsumi 5:24

Benɛ osɔfo nikɔtɔma amɛ, kɛ sɔlemi we ɔ asafoatsɛ ɔ nu kikɛmɛ a munyu nɛ ɔ, a hɛ mi pee mɛ yaa, nɛ a li nɔ nɛ a ma de.

Ni Tsumi 4:2

A mi mi fu wawɛɛ, ejakaa bɔfo enyɔ ɔmɛ ngɛ ma a ní tsɔɔe ke Yesu te si kɛ je gbeje, nɛ lɔ ɔ maa nɔ mi kaa gbogboehi maa te si kɛ ba wami mi.

Yeremia 48:34

“Heshbon kɛ Eleale bi ngɛ awe nyae, nɛ a ngɛ ngmlaa a he nue ngɛ Yahaz tɔɔ. Ngmlaa a ngɛ pɛe ngɛ Zoar, Horonaim, kɛ Eglat Shelishiya tɔɔ. Nimrim pa a po gbli.

Yeremia 48:5

Nyɛɛ hyɛ bɔ nɛ a wo yana kɛ yaa, benɛ a ngɛ Luhit yoku ɔ kuɔe ɔ. Nyɛɛ hyɛ mɛ nɛ a ngɛ awe nyae, benɛ a ngɛ kplee kɛ ma Horonaim ɔ.

Yesaya 15:5

Ye tsui ngɛ yee ngɛ Moab he! Ma mi bi ɔmɛ tu fo kɛ ho Zoar, kɛ Eglat Shelishiya ma amɛ a mi ya. Ni komɛ kuɔ yoku ɔ kɛ ho Luhit ya, nɛ ni komɛ hu tu fo kɛ ho Horonaim ya kɛ ya boboobo, kɛ kɔmɔ yemi babauu.

Fiɛlɔ 10:7

I naa tsɔli ngɛ okpɔngɔhi a nɔ, be mi nɛ ganɔhi mohu ngɛ zugba nyɛɛe.

Abɛ Womi 30:22

Nyɔguɛ nɛ ba ngɛ matsɛ yee, kuasia nɛ ye ngma nɛ e tɔ,

La 112:10

Ke yiwutsotsɛ na kikɛ nɛ ɔ, e dɔɔ lɛ; e kpeɔ e lungu nya, nɛ e jeɔ lejɛ ɔ dii. Yiwutsotsɛ yi mi tomi peeɔ yaka.

Nehemia 13:1

Benɛ a ngɛ mlaa a kanee, nɛ ma a tsuo ngɛ tue bue ɔ, a na he nɛ a ngma ngɛ ke a ko ngmɛ Amon no, loo Moab no ko blɔ nɛ e ba futu Mawu ma a mi bi ɔmɛ kɔkɔɔkɔ ɔ.

Nehemia 6:16

Benɛ wa he nyɛli nɛ ngɛ je mahi nɛ bɔle wɔ kɛ kpe ɔ a mi ɔ nu enɛ ɔ, a ye gbeye, nɛ a nini je a nɔ; ejakaa mɛ tsuo a le kaa wa Mawu ɔ piɛ wa he kɛ tsu ní ɔ.

Nehemia 13:28

Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

Ester 10:3

Yuda no, Mordekai ji Matsɛ Ahasuerus nitsɛ e se yelɔ. E hɛɛ blɔ nya nguaa ngɛ ma, Yuda bi ɔmɛ a kpɛti, nɛ a suɔ lɛ saminya. E hlaa kaa e ma mi bi ɔmɛ nɛ a ya nɔ, nɛ e daa mi ha mɛ konɛ níhi a mi nɛ hi ha mɛ.

Yeremia 41:10

Jehanɛ Ishmael nuu nihi tsuo nɛ piɛ ngɛ Mizpa a kɛ je. Matsɛbiyi ɔmɛ, kɛ nihi tsuo nɛ tatsɛ Nebuzaradan ngɔ kɛ wo Ahikam bi Gedalia dɛ mi po, Ishmael nuu mɛ, nɛ e kɛ mɛ pue nɔ kɛ yaa Amon bi ɔmɛ a zugba a nɔ.