Nehemia 13:5 - BAIBLO ALOO NGMAMI KLƆUKLƆU Ɔ

⁵ Eliashib dla tsu agbo ko ngɔ to Tobia. Jinɛ ní nɛ ɔmɛ pɛ nɛ a toɔ ngɛ tsu ɔ mi: niye ní bɔ, mimɛ, níhi nɛ a kɛ tsuɔ ní ngɛ Mawu we ɔ, bɔhi nɛ a haa osɔfo ɔmɛ, blɛfo mi dlami nyɔngmanyɔngma mi kakaaka amɛ, wai, kɛ oliv nu nɛ a kɛ haa Levi bi ɔmɛ, kɛ Mawu we ɔ lali ɔmɛ, kɛ buli ɔmɛ ɔ.

Nehemia 13:5 ပူးပေါင်းရင်းမြစ်များ

Kronika II, 31:11

Hezekia fa ke a dla nito hehi ngɛ Yawɛ we ɔ. Benɛ a pee ja a,

Kronika II, 34:11

Mɛ hu a ngɔ sika a kɛ ha kapitɛhi, kɛ tsu mali, konɛ a kɛ he tɛ, kɛ tso nɛ a kɛ dla tsuhi nɛ Yuda matsɛmɛ ɔmɛ ngmɛɛ a he nɛ a puɛ ɔ.

Nehemia 10:36

Wa ti nɔ tsuaa nɔ maa ngɔ e kekleekle binyumu kɛ ba osɔfo ɔmɛ a ngɔ ngɛ wa Mawu ɔ we ɔ, konɛ a pee mɛ klɔuklɔu kɛ ha Mawu kaa bɔ nɛ mlaa a tsɔɔ ɔ. Jehanɛ, wa maa ngɔ wa na amɛ, kɛ wa to ɔmɛ a kekleekle bihi hu kɛ ba.

Nehemia 10:37

Daa jeha a, wa maa ngɔ ma nɛ a pee kɛ je blɛfo he mi kɛ ba ha osɔfo ɔmɛ ngɛ wa Mawu ɔ we ɔ. Nike ní kpahi nɛ maa piɛ he ji wai, oliv nu, kɛ tso yiblii nɛ a yeɔ slɔɔtohi tsuo. Levi bi nɛ tsuɔ ngmɔ nɔ niba níhi a mi dlami nyɔngmanyɔngma mi kakaaka ngɛ kɔpe ɔmɛ a mi ɔ hu, wa ma ha mɛ ngmɔ nɔ niba ní mi dlami nyɔngmanyɔngma mi kakaaka.

Nehemia 10:38

Osɔfohi nɛ ji Aaron nina a, ke benɛ Levi bi ɔmɛ ngɛ mi dlami nyɔngmanyɔngma mi kakaaka amɛ tsue ɔ, a kɛ mɛ nɛ hi lejɛ ɔ. Levi bi ɔmɛ nɛ a ngɔ mi dlami nyɔngmanyɔngma mi kakaaka amɛ nɛ a bua nya a tsuo a mi dlami nyɔngma mi kake kɛ to ngɛ wa Mawu we ɔ nito he ɔmɛ.

Nehemia 12:44

Jamɛ a ligbi ɔ, nito hehi nɛ ngɛ sɔlemi we ɔ, nɛ a toɔ nike níhi ngɛ a mi ɔ, a ngɔ ni komɛ ngɔ to a nya, nɛ́ a hyɛ mi dlami nyɔngmanyɔngma mi kakaaka ɔmɛ, kɛ jeha mi kekleekle blɛfo ɔ, kɛ kekleekle tso yiblii nɛ fu ɔ a nɔ. Ni nɛ ɔmɛ a ní tsumi ji kaa a hyɛ nɛ a bua nike ní ɔmɛ a nya ngɛ ngmɔ ɔmɛ nɛ bɔle ma amɛ a nɔ, nɛ a kɛ ba ha osɔfo ɔmɛ, kɛ Levi bi ɔmɛ kaa bɔ nɛ mlaa a tsɔɔ ɔ. Yuda ma a tsuo bua jɔ osɔfo ɔmɛ, kɛ Levi bi ɔmɛ a he saminya;

Nehemia 13:7

nɛ i kpale kɛ ba Yerusalem. Lejɛ ɔ nɛ i ya na yayami nɛ Eliashib pee kaa e je Mawu we ɔ tsu kake he gbi ha Tobia. Nɔ́ nɛ ɔ ha nɛ ye mi mi fu wawɛɛ nitsɛ,

Ezekiel 40:38

Tsu bi ko ngɛ agbo ɔ nya nɛ a kɛ sɛɛ kue ɔ mi ngɛ omleyi je. A guu hiɛ ɔ kɛ ya sɛɛ kue nguaa a nɛ hɛ mi kpee kpo nɔ je ɔ mi. Lohwehi nɛ a gbee nɛ a kɛ lohwe ɔ tsuo sãã sami bɔ ɔ, hiɛmɛ nɛ ɔ a fɔɔ a lo ɔ he ngɛ.