Nehemia 13:4 - BAIBLO ALOO NGMAMI KLƆUKLƆU Ɔ

⁴ Osɔfo Eliashib, nɔ nɛ hyɛɛ wa Mawu ɔ we ɔ nito he tsu ɔmɛ a nɔ ɔ, e huɛ ji Tobia.

Nehemia 13:4 ပူးပေါင်းရင်းမြစ်များ

Nehemia 12:10

Yoshua bi ji Yoyakim; Yoyakim bi ji Eliashib, nɛ Eliashib hu bi ji Yoyada.

Nehemia 12:44

Jamɛ a ligbi ɔ, nito hehi nɛ ngɛ sɔlemi we ɔ, nɛ a toɔ nike níhi ngɛ a mi ɔ, a ngɔ ni komɛ ngɔ to a nya, nɛ́ a hyɛ mi dlami nyɔngmanyɔngma mi kakaaka ɔmɛ, kɛ jeha mi kekleekle blɛfo ɔ, kɛ kekleekle tso yiblii nɛ fu ɔ a nɔ. Ni nɛ ɔmɛ a ní tsumi ji kaa a hyɛ nɛ a bua nike ní ɔmɛ a nya ngɛ ngmɔ ɔmɛ nɛ bɔle ma amɛ a nɔ, nɛ a kɛ ba ha osɔfo ɔmɛ, kɛ Levi bi ɔmɛ kaa bɔ nɛ mlaa a tsɔɔ ɔ. Yuda ma a tsuo bua jɔ osɔfo ɔmɛ, kɛ Levi bi ɔmɛ a he saminya;

Nehemia 13:28

Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

Nehemia 2:10

Se benɛ Sanbalat nɛ je Bet Horon, kɛ Tobia, ma ní tsulɔ ko nɛ je Amon zugba a nɔ ɔ nu kaa nɔ ko ba nɛ e ba ngɛ nɔ́ kpakpa hlae ha Israel bi ɔmɛ ɔ, e dɔ mɛ wawɛɛ nitsɛ.

Nehemia 3:1

Bɔ nɛ a pee kɛ fia Yerusalem gbogbo ɔ ekohu ji nɛ ɔ nɛ. Osɔfo nɔkɔtɔma pe kulaa Eliashib, kɛ e nyɛmimɛ osɔfo ɔmɛ ya ma To Agbo ɔ ekohu, nɛ a tsukɔ he; nɛ a ma agbo ɔmɛ ngɛ a blɔ hehi. A tsukɔ gbogbo ɔ he kɛ ya su Lafa Mɔ ɔ kɛ Hananel Mɔ ɔ a he.

Nehemia 6:1

Sanbalat, kɛ Tobia, kɛ Geshem, Arabia no ɔ, kɛ wa he nyɛli ɔmɛ nɛ piɛ a he ɔ nu kaa wa gbe gbogbo ɔ fiami nya, nɛ wa tsi hehi nɛ ku ɔ tsuo; pohu jamɛ a be ɔ mi ɔ, wa mɛ sinya amɛ ngɛ agbo ɔmɛ a nya lolo.