31 I to blɔ nya, konɛ a ngɔ lɛ́ nɛ a kɛ maa sã bɔ ɔ kɛ ba ngɛ be nɔ. I to be hu nɛ a maa ngɔ a kekleekle ngmɔ niba ní ɔmɛ kɛ ba. Ye Mawu, mo kai ní nɛ ɔmɛ tsuo, nɛ o ha nɛ e hi ha mi.
Jehanɛ hu, wa ngɛ si woe ke daa jeha a, wɔ ma a, kɛ osɔfo ɔmɛ, waa kɛ Levi bi ɔmɛ maa fɔ sɔ kɛ na wekuhi nɛ maa ngɔ lɛ́ kɛ ba nɛ a kɛ sã bɔhi ha Yawɛ, wa Mawu ɔ kaa bɔ nɛ mlaa a tsɔɔ ɔ.
Osɔfohi nɛ ji Aaron nina a, ke benɛ Levi bi ɔmɛ ngɛ mi dlami nyɔngmanyɔngma mi kakaaka amɛ tsue ɔ, a kɛ mɛ nɛ hi lejɛ ɔ. Levi bi ɔmɛ nɛ a ngɔ mi dlami nyɔngmanyɔngma mi kakaaka amɛ nɛ a bua nya a tsuo a mi dlami nyɔngma mi kake kɛ to ngɛ wa Mawu we ɔ nito he ɔmɛ.
Kɛkɛ nɛ i fa Levi bi ɔmɛ ke a tsukɔ a he, nɛ a ya bu agbo ɔmɛ a nya, bɔ nɛ pee nɛ a ye Hejɔɔmi ligbi ɔ klɔuklɔu. Ye Mawu lee, mo kai mi ngɛ enɛ ɔ hu he, nɛ o baa ye yi ngɛ o suɔmi agbo nɛ ngɛ daa a he.