Nehemia 13:28 - BAIBLO ALOO NGMAMI KLƆUKLƆU Ɔ

²⁸ Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

Nehemia 13:28 ပူးပေါင်းရင်းမြစ်များ

Ezra 10:8

Ligbi etɛ se, ke nɔ ko bɛ́ kaa bɔ nɛ ma tsɔli ɔmɛ, kɛ ma nimeli ɔmɛ fa ke a pee ɔ, á kpɔ e níhi tsuo ngɛ e dɛ; lɛ nitsɛ lɛɛ a ko bu lɛ ngɔ si e ma mi bi ɔmɛ a nɔ hu.

Nehemia 12:10

Yoshua bi ji Yoyakim; Yoyakim bi ji Eliashib, nɛ Eliashib hu bi ji Yoyada.

Nehemia 12:22

A ngma Levi bi ɔmɛ a weku ɔmɛ a nyatsɛmɛ ɔmɛ, kɛ osɔfo ɔmɛ a weku ɔmɛ a nyatsɛmɛ ɔmɛ hu a biɛhi ngɔ wo womi mi ngɛ osɔfo nikɔtɔma pe kulaa nɛ ɔmɛ a wami be mi: Eliashib, Yoyada, Yonatan, kɛ Yadua. A ya nɔ ngma biɛ nɛ ɔmɛ hluu kɛ ya si Persia matsɛ, Darius yi nɔ.

Nehemia 13:25

Lɔ ɔ he ɔ, i ka nyumu ɔmɛ a hɛ mi, nɛ i gbiɛ mɛ; i fia ni komɛ ní, nɛ i hiaa a yi bwɔmi. Jehanɛ, i ha a kɛ Mawu biɛ ka kita ke mɛ nitsɛmɛ, kɛ a binyumu ɔmɛ be nibwɔhi a biyi ɔmɛ ngɔe, nɛ a biyi ɔmɛ hu be nibwɔhi gbae kɔkɔɔkɔ hu.

Nehemia 2:10

Se benɛ Sanbalat nɛ je Bet Horon, kɛ Tobia, ma ní tsulɔ ko nɛ je Amon zugba a nɔ ɔ nu kaa nɔ ko ba nɛ e ba ngɛ nɔ́ kpakpa hlae ha Israel bi ɔmɛ ɔ, e dɔ mɛ wawɛɛ nitsɛ.

Nehemia 2:19

Se benɛ Sanbalat nɛ je Bet Horon, Tobia, ma ní tsulɔ ɔ nɛ je Amon zugba a nɔ, kɛ Arabia no ɔ nɛ a tsɛɛ lɛ Geshem ɔ nu he ɔ, a muɔ wɔ, nɛ a ye wa he fɛu, nɛ a de ke, “Mɛni sane nyɛ ngɛ yee nɛ ɔ? Nyɛ ma tsɔ matsɛ ɔ hɛ mi atuã lo?”

Nehemia 3:1

Bɔ nɛ a pee kɛ fia Yerusalem gbogbo ɔ ekohu ji nɛ ɔ nɛ. Osɔfo nɔkɔtɔma pe kulaa Eliashib, kɛ e nyɛmimɛ osɔfo ɔmɛ ya ma To Agbo ɔ ekohu, nɛ a tsukɔ he; nɛ a ma agbo ɔmɛ ngɛ a blɔ hehi. A tsukɔ gbogbo ɔ he kɛ ya su Lafa Mɔ ɔ kɛ Hananel Mɔ ɔ a he.

Nehemia 4:1

Benɛ Sanbalat nu kaa wɔ Yuda bi ɔmɛ, wa bɔni gbogbo ɔmɛ fiami ɔ, e mi mi fu wawɛɛ nitsɛ, nɛ e ye wa he fɛu.

La 101:8

I kɛ yayami peeli be bɔe kɔkɔɔkɔ kɛ yaa si ma fie mɛ tsuo kɛ je Yawɛ ma a mi.

Abɛ Womi 20:26

Matsɛ nɛ le ní ɔ, e hlaa yayami peeli ngɛ e ma mi bi ɔmɛ a kpɛti kaa bɔ nɛ a saa blɛfo mi, nɛ e gblaa a tue wawɛɛ.

Abɛ Womi 20:8

Ke matsɛ ngɛ kojoe ɔ, e hɛngmɛ e kɛ dlaa nɔ́ yaya.