Nehemia 13:2 - BAIBLO ALOO NGMAMI KLƆUKLƆU Ɔ

² A wo mlaa nɛ ɔ, ejakaa benɛ Israel bi ɔmɛ je Egipt kɛ ma a, Amon bi ɔmɛ, kɛ Moab bi ɔmɛ ha we mɛ niye ní nɛ a ye; nyu tete po a ha we mɛ nɛ a nu. Nɔ́ nɛ a pee mohu ji kaa a ya bɔ Balaam apaa ke e ba gbiɛ Israel. Se wa Mawu ɔ plɛ gbiɛmi ɔ kɛ pee gbaami.

Nehemia 13:2 ပူးပေါင်းရင်းမြစ်များ

Mose V, 23:5

Se akɛnɛ Yawɛ, o Mawu ɔ suɔ mo he je ɔ, e bui Balaam tue; mohu e plɛ gbiɛmi ɔ kɛ pee gbaami ha mo.

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

La 109:28

Ye he nyɛli ɔmɛ nɛ a gbiɛ mi faa; moo lɛɛ o maa gbaa mi sa. Nihi nɛ te si kɛ wo mi ɔ, zo nɛ gbe mɛ, konɛ imi, o tsɔlɔ ɔ, ma na bua jɔmi.

Mose IV, 23:18

Kɛkɛ nɛ gba gbi nɛ ɔ je Balaam nya ke, “Zipor bi Balak, moo bu nɔ́ nɛ ma de mo ɔ tue!

2 Petro 2:15

A je blɔ tlɔmɔɔ ɔ nɔ, nɛ a laa blɔ kaa bɔ nɛ Beor bi Balaam pee ɔ pɛpɛɛpɛ. Balaam ya di se nami se, nɛ e kɛ pee nɔ́ nɛ dɛ;

Mose V, 23:3

“Amon no, loo Moab no kó futu Yawɛ ma mi bi ɔmɛ a kpe mi kɔkɔɔkɔ. Yi nɔhi nɛ maa ba ngɛ a se kɛ yaa si nyɔngmane ɔ po be he blɔ.

Mose V, 23:4

Benɛ o je Egipt kɛ ma a, mɛ nɛ a kua mo niye ní kɛ nyu hami ɔ nɛ. Lɔ ɔ se hu, a ya bɔ Beor bi, Balaam nɛ je Petor ma a mi ngɛ Mesopotamia a apaa ke e ba gbiɛ mo.