Nehemia 13:18 - BAIBLO ALOO NGMAMI KLƆUKLƆU Ɔ

¹⁸ Pi níhi nɛ nyɛ nɛmɛ ɔmɛ pee, nɛ Mawu gbla nyɛ nɛmɛ ɔmɛ, kɛ Yerusalem ma a tue ɔ ji nɛ ɔmɛ lo? Mɛni he je mɔ nɛ nyɛ ngɛ Hejɔɔmi ligbi ɔ blee kɛ mwɔɔ ɔ? Anɛ nyɛ li kaa nɔ́ nɛ ɔ kɛ Mawu mi mi fumi nɛ nya wa maa ba Israel nɔ lo?”

Nehemia 13:18 ပူးပေါင်းရင်းမြစ်များ

Nehemia 10:32

Wa ngɛ si woe hu ke daa jeha a, wa ti nɔ tsuaa nɔ ma tsu sika hiɔ yi kake mi dlami etɛ mi kake, nɛ a kɛ wo wa Mawu ɔ we ɔ he hiɔ ɔmɛ.

Mose II, 31:12

Yawɛ kɛ Mose tu munyu ekohu,

Yeremia 17:27

Se e sa kaa a bu mi nɛ a ye Hejɔɔmi ligbi ɔ kaa ligbi klɔuklɔu. A ko tloo tlomi ko kɛ gu Yerusalem agbo ɔmɛ a mi jamɛ a ligbi ɔ; ke a pee ja a, ma mɛ Yerusalem agbo ɔmɛ a he la. La a maa sã Yerusalem mɔ ɔmɛ, nɛ nɔ ko nɔ ko be nyɛe maa gbe.”

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Yeremia 44:23

Haomi mi nɛ nyɛ ngɛ mwɔnɛ nɛ ɔ, nɔ́ nɛ kɛ haomi nɛ ɔ ba ji nyɛ pee yayami kɛ si Yawɛ. Nyɛ sã tsopa kɛ e he via ha mawu kpahi; nyɛ bui Yawɛ gbi tue, nɛ e mlaa amɛ, kɛ e blɔ nya tomi ɔmɛ hu nyɛ yi nɔ.”

Yeremia 44:9

Ní yayamihi tsuo nɛ a pee ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ, anɛ nyɛ hɛ je nɔ lo? Níhi nɛ nyɛ nɛmɛ ɔmɛ pee, níhi nɛ Yuda matsɛmɛ ɔmɛ kɛ a yi ɔmɛ pee, kɛ níhi nɛ nyɛ nitsɛmɛ kɛ nyɛ yi ɔmɛ pee ɔ, anɛ nyɛ hɛ je nɔ lo?

Ezekiel 23:26

A ma kplɔ o he tade, nɛ a maa ngɔ o june saminyawiiwi ɔmɛ.

Ezekiel 23:8

Yahomi nɛ e je sisi kɛ je e yihe mi ngɛ Egipt, he nɛ a fiɛ e nyɔ he, nɛ a kɛ lɛ bɔ ajuama nɛ a puɛ lɛ ngɛ ɔ, e kpa we.

Mose III, 26:18

“Ke ní nɛ ɔmɛ tsuo na ba mi, se nyɛ bui ye munyu ɔ kɛ sa a, ma gbla nyɛ tue kɛ bɔ he si kpaago ngɛ nyɛ yayami ɔmɛ a he.

Mose III, 26:28

lɛɛ ye mi mi ma fu nyɛ, nɛ ma je nyɛ se. Imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Amos 8:5

Nyɛ biɔ nyɛ sibi ke, “Mɛni be Nyɔhiɔhe nyami be ɔ maa ta nɛ waa jua blɛfo? Mɛni be Hejɔɔmi ligbi ɔ maa be, nɛ wa bɔni ngma juami ekohu?” Nyɛ yaa nɔ nɛ nyɛ deɔ ke, “Wa ma tsake wa sɛni tɛ ɔmɛ, kɛ ní juami ní kpa amɛ, nɛ wa maa sisi ni nɛmɛ nɛ waa kɛ mɛ yeɔ jua a.

Mose IV, 32:14

Nɛ hyɛ, yayami peeli a nina, nyɛ hu nyɛ ba wo nyɛ nɛmɛ ɔmɛ a nane, nɛ nyɛ ngɛ pee, konɛ Yawɛ mi mi fumi nɛ nya wa a nɛ pa ba Israel nɔ ekohu!