Nehemia 13:15 - BAIBLO ALOO NGMAMI KLƆUKLƆU Ɔ

¹⁵ Jamɛ a be ɔ, i na ni komɛ ngɛ Yuda nɛ a ngɛ wai yiblii ngae ngɛ Hejɔɔmi ligbi ɔ nɔ. Ni komɛ hu ngɛ tlomi fie kɛ ngɛ a tejihi a nɔ woe kɛ yaa Yerusalem. Tlomi ɔmɛ ji nɛ ɔmɛ nɛ: blɛfo, wai, wai yiblii, ngmɔkɔ, kɛ ní kpa komɛ. I bɔ mɛ kɔkɔ ke Hejɔɔmi ligbi ɔ, a ko jua ní.

Nehemia 13:15 ပူးပေါင်းရင်းမြစ်များ

Kronika II, 24:19

Yawɛ tsɔ gbali kɛ ba a ngɔ, konɛ a ba kpale mɛ kɛ ba lɛ Yawɛ ɔ ngɔ ekohu; se ma a bui mɛ tue.

Nehemia 10:31

Ke nibwɔhi ba jua niye ní, loo nɔ́ kpa ko ha wɔ ngɛ Hejɔɔmi ligbi ɔ nɔ, loo nyami be kpa ko mi ɔ, wa be hee. Daa jeha kpaago ɔ, wa be ngmɔ hue. Jehanɛ hu, hiɔhi nɛ nihi hɛɛ wɔ ɔ tsuo wa be jee hu; wa maa ngɔ kɛ ke mɛ.

Nehemia 10:32

Wa ngɛ si woe hu ke daa jeha a, wa ti nɔ tsuaa nɔ ma tsu sika hiɔ yi kake mi dlami etɛ mi kake, nɛ a kɛ wo wa Mawu ɔ we ɔ he hiɔ ɔmɛ.

Nehemia 13:16

Tiro bi komɛ nɛ ngɛ Yerusalem ɔ, mɛ hu a ngɔɔ pa mi lo, kɛ nijua ní slɔɔtoslɔɔtohi babauu kɛ baa ma a mi, nɛ a ba juaa kɛ haa wa nyɛmimɛ Yuda bi ɔmɛ ngɛ Hejɔɔmi ligbi ɔ nɔ.

Nehemia 13:21

I bɔ mɛ kɔkɔ, nɛ i de mɛ ke, “Nyɛ ko ba hwɔ gbogbo ɔ se kɛ mlɛ kɛ yaa si je maa na hu. Ke nyɛ pee ja ekohu ɔ, ma ha a maa nuu nyɛ!” Kɛ je lɔ ɔ se ɔ, a bɛ lejɛ ɔ Hejɔɔmi ligbi ɔ hu.

Nehemia 9:29

O wo mɛ ga ke a ye o mlaa amɛ a nɔ, se a ya wo a he nɔ mohu, nɛ a yi mlaa amɛ a nɔ. A ye o mlaa amɛ a nɔ jinɛ a yi ko na wami. Se akɛnɛ a kuɛ wa, nɛ a bui nɔ́ ko nɔ́ ko he je ɔ, a kua mlaa amɛ a nɔ yemi.

Hiob 39:12

Anɛ o heɔ yeɔ kaa e ma kpa ní ha mo, nɛ e kɛ o blɛfo ɔ ma ba wo blɛfo gba mi ha mo lo?

La 50:7

“Ye ma, nyɛ ta tue saminya, konɛ nyɛɛ nu nɔ́ nɛ ma de kɛ si nyɛ, Israel ma. Imi ji nyɛ Mawu ɔ nɛ.

Mose II, 31:12

Yawɛ kɛ Mose tu munyu ekohu,

Mose II, 31:16

Enɛ ɔ he ɔ, Israel bi ɔmɛ nɛ a ye Hejɔɔmi ligbi nɛ ɔ kɛ a nina tsuo kaa somi ɔ he okadi.

Mose II, 34:21

“Mo tsu ní ligbi ekpa, se ligbi nɛ ji kpaago ɔ lɛɛ moo jɔɔ o he; ní gbami be tete jio, ní kpami be tete jio.

Mose II, 35:2

Ligbi ekpa nyɛ kɛ tsu ní, se ligbi nɛ ji kpaago ɔ lɛɛ nyɛɛ ye lɛ kaa Hejɔɔmi ligbi klɔuklɔu ha imi Yawɛ. Nɔ tsuaa nɔ nɛ ma tsu ní jamɛ a ligbi ɔ, a gbe lɛ.

Abɛ Womi 28:4

Nɔ nɛ bui mlaa a, e kɛ nimli yayamihi lɛ bɔɔ. Se nɔ nɛ yeɔ mlaa nɔ ɔ, lɛɛ e kɛ mɛ toɔ ní.

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Yeremia 17:24

“De nimli nɛ ɔmɛ ke a ye imi Yawɛ, ye mlaa amɛ tsuo a nɔ. A ko tloo tlomi ko kɛ gu agbo ɔmɛ a mi ngɛ ma nɛ ɔ mi Hejɔɔmi ligbi ɔ. A ye Hejɔɔmi ligbi ɔ kaa ligbi klɔuklɔu, nɛ a ko tsu nɔ́ ko nɔ́ ko jamɛ a ligbi ɔ.

Yeremia 17:27

Se e sa kaa a bu mi nɛ a ye Hejɔɔmi ligbi ɔ kaa ligbi klɔuklɔu. A ko tloo tlomi ko kɛ gu Yerusalem agbo ɔmɛ a mi jamɛ a ligbi ɔ; ke a pee ja a, ma mɛ Yerusalem agbo ɔmɛ a he la. La a maa sã Yerusalem mɔ ɔmɛ, nɛ nɔ ko nɔ ko be nyɛe maa gbe.”

Yeremia 42:19

I ya nɔ nɛ i de ke, “Nyɛ ni nɛmɛ nɛ nyɛ piɛ ngɛ Yuda a, Yawɛ de nyɛ ke, ‘Nyɛ ko ya Egipt.’ Nyɛ ná nɛ nyɛɛ le kaa i bɔ nyɛ kɔkɔ mwɔnɛ ligbi nɛ ɔ,

Ezekiel 20:13

Se Israel ma a tsɔ ye hɛ mi atuã ngɛ nga a nɔ. A yi ye mlaa amɛ, kɛ blɔ nya tomi ɔmɛ a nɔ; a bui mɛ kaa níhi nɛ ke nɔmlɔ ye a nɔ ɔ, e yi ma na wami. A ble ye Hejɔɔmi ligbi ɔmɛ hu kpɔtɔɔ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ, nɛ ma kpata a hɛ mi pɛsɛpɛsɛ.

Amos 8:5

Nyɛ biɔ nyɛ sibi ke, “Mɛni be Nyɔhiɔhe nyami be ɔ maa ta nɛ waa jua blɛfo? Mɛni be Hejɔɔmi ligbi ɔ maa be, nɛ wa bɔni ngma juami ekohu?” Nyɛ yaa nɔ nɛ nyɛ deɔ ke, “Wa ma tsake wa sɛni tɛ ɔmɛ, kɛ ní juami ní kpa amɛ, nɛ wa maa sisi ni nɛmɛ nɛ waa kɛ mɛ yeɔ jua a.

Mika 6:3

Yawɛ ke, “Ye ma, mɛni i pee nyɛ? Anɛ i ha nɛ pɔ tɔ nyɛ lo? Nyɛ ha mi heto.

Ni Tsumi 2:40

Petro tu munyu kpahi fuu kɛ ye odase, nɛ e kɛ wo mɛ ga ke, “Tue gblami nɛ yi nɔ nɛ ɔ bi yayami peeli ma na a, nyɛɛ hyɛ saminya nɛ e kó ba nyɛ nɔ.”

Ni Tsumi 20:21

I tu munyu kɛ tsɔɔ Yuda bi, kɛ ma je li tsuo ke a kpa yayami peemi, nɛ a ba Mawu ngɔ, nɛ a he wa Nyɔmtsɛ Yesu Kristo nɛ a ye.

Galatabi 5:3

I ngɛ hae nɛ nyɛɛ nu sisi saminya kaa nɔ tsuaa nɔ nɛ ma ha nɛ a po lɛ ɔ, e hia doo kaa e ye mlaa a tsuo pɛpɛɛpɛ hu nɔ.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Mose V, 8:19

Nyɛ hɛ ko je Yawɛ, nyɛ Mawu ɔ nɔ kɔkɔɔkɔ; nyɛ ko nyɛɛ mawu kpahi a se; nyɛ ko ya ja mɛ, nɛ nyɛ ko sɔmɔ mɛ. Ke nyɛ pee ja a, lɛɛ i ngɛ nyɛ kɔkɔ bɔe mwɔnɛ ɔ kaa a ma kpata nyɛ hɛ mi.

1 Tesalonikabi 4:6

Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.