Nehemia 13:11 - BAIBLO ALOO NGMAMI KLƆUKLƆU Ɔ

¹¹ I ka ma ní tsuli ɔmɛ a hɛ mi wawɛɛ kaa a hyɛ we Mawu we ɔ nɔ bɔ nɛ sa. Jehanɛ, i kpale Levi bi ɔmɛ, kɛ lali ɔmɛ kɛ ba to a ní tsumi ɔmɛ a nya ngɛ Mawu we ɔ ekohu.

Nehemia 13:11 ပူးပေါင်းရင်းမြစ်များ

Nehemia 10:39

Israel ma a, kɛ Levi bi ɔmɛ a blɔ nya ji kaa a ngɔ blɛfo, dã, kɛ oliv nu nɛ a tsu ngɛ ni ɔmɛ a dɛ ɔ kɛ ba nito he ɔmɛ ngɛ Mawu we ɔ. Lejɛ ɔ a toɔ níhi nɛ a kɛ sɔmɔɔ ɔ ngɛ. Osɔfohi nɛ ngɛ ní tsue, buli, kɛ lali ɔmɛ hu lejɛ ɔ nɔuu ji he nɛ a hii. Wa maa hyɛ wa Mawu ɔ we ɔ nɔ saminya.

Nehemia 13:17

I ka Yuda ma nimeli ɔmɛ a hɛ mi, nɛ i de mɛ ke, “Nɔ́ yayami nyɛ ngɛ pee nɛ ɔ nɛ! Nyɛ ngɛ Hejɔɔmi ligbi ɔ blee.

Nehemia 13:25

Lɔ ɔ he ɔ, i ka nyumu ɔmɛ a hɛ mi, nɛ i gbiɛ mɛ; i fia ni komɛ ní, nɛ i hiaa a yi bwɔmi. Jehanɛ, i ha a kɛ Mawu biɛ ka kita ke mɛ nitsɛmɛ, kɛ a binyumu ɔmɛ be nibwɔhi a biyi ɔmɛ ngɔe, nɛ a biyi ɔmɛ hu be nibwɔhi gbae kɔkɔɔkɔ hu.

Hiob 31:34

I yi nihi babauu a hɛ mi gbeye. Ke ye weku li muɔ mi ɔ, e pee we mi nɔ́ ko nɛ lɔ ɔ he ɔ, ma pee dii nɛ ma ko je kpo.

Abɛ Womi 28:4

Nɔ nɛ bui mlaa a, e kɛ nimli yayamihi lɛ bɔɔ. Se nɔ nɛ yeɔ mlaa nɔ ɔ, lɛɛ e kɛ mɛ toɔ ní.

Samuel I, 2:17

Eli binyumu ɔmɛ pee yayami agbo ngɛ Yawɛ hɛ mi, ejakaa a bui Yawɛ bɔ sami ɔ.