Nehemia 13:10 - BAIBLO ALOO NGMAMI KLƆUKLƆU Ɔ

¹⁰ I na le hu kaa Mawu we ɔ lali ɔmɛ, kɛ Levi bi kpa amɛ je Yerusalem kɛ ho a ngmɔhi a mi ya; ejakaa niye ní nɛ a to kaa a ha mɛ ɔ, a ha we mɛ.

Nehemia 13:10 ပူးပေါင်းရင်းမြစ်များ

Nehemia 10:37

Daa jeha a, wa maa ngɔ ma nɛ a pee kɛ je blɛfo he mi kɛ ba ha osɔfo ɔmɛ ngɛ wa Mawu ɔ we ɔ. Nike ní kpahi nɛ maa piɛ he ji wai, oliv nu, kɛ tso yiblii nɛ a yeɔ slɔɔtohi tsuo. Levi bi nɛ tsuɔ ngmɔ nɔ niba níhi a mi dlami nyɔngmanyɔngma mi kakaaka ngɛ kɔpe ɔmɛ a mi ɔ hu, wa ma ha mɛ ngmɔ nɔ niba ní mi dlami nyɔngmanyɔngma mi kakaaka.

Malaki 3:8

I ngɛ bie ke, Mawu ɔ, anɛ nɔmlɔ sisiɔ lɛ lo? Dɛbi! Se nyɛɛ lɛɛ nyɛ ngɛ mi sisie. Nyɛ biɔ mi ke, ‘Kɛ wa plɛ kɛ ngɛ mo sisie kɛɛ?’ Mi dlami nyɔngmanyɔngma mi kakaaka, kɛ nike ní nɛ ma a ba haa mi ɔ, nyɛ sisiɔ mi ngɛ mi.

Nehemia 12:47

Zerubabel yi nɔ, kɛ Nehemia be ɔ mi ɔ, Israel ma a tsuo ngɔɔ nike ní kɛ ba haa nɛ a kɛ hyɛ sɔlemi we ɔ lali ɔmɛ, kɛ buli ɔmɛ a nɔ daa ligbi. Ma a ngɔɔ bɔ klɔuklɔu kɛ ba haa Levi bi ɔmɛ, nɛ mɛ hu a ngɔɔ bɔ ɔ mi fa, nɛ ji osɔfo ɔmɛ a blɔ nya a kɛ haa osɔfo ɔmɛ.

Mose V, 12:19

Jehanɛ hu, nyɛɛ hyɛ nɛ hi, konɛ nyɛ hɛ ko je Levi bi ɔmɛ a nɔ be abɔ nɛ nyɛ maa hi nyɛ zugba a nɔ ɔ.

Mose IV, 35:2

“De Israel bi ɔmɛ ke, weto ní ɔ nɛ a nine su nɔ ɔ, a ha Levi bi ɔmɛ ma amɛ ekomɛ, kɛ a he lohwe lɛmi hehi nɛ mɛ hu a hi lejɛ ɔ.

Nehemia 10:39

Israel ma a, kɛ Levi bi ɔmɛ a blɔ nya ji kaa a ngɔ blɛfo, dã, kɛ oliv nu nɛ a tsu ngɛ ni ɔmɛ a dɛ ɔ kɛ ba nito he ɔmɛ ngɛ Mawu we ɔ. Lejɛ ɔ a toɔ níhi nɛ a kɛ sɔmɔɔ ɔ ngɛ. Osɔfohi nɛ ngɛ ní tsue, buli, kɛ lali ɔmɛ hu lejɛ ɔ nɔuu ji he nɛ a hii. Wa maa hyɛ wa Mawu ɔ we ɔ nɔ saminya.

Kronika II, 31:4

Jehanɛ, matsɛ ɔ fa Yerusalem ma mi bi ɔmɛ ke a ngɔ osɔfo ɔmɛ, kɛ Levi bi ɔmɛ a blɔ nya ní ɔmɛ ba ha mɛ, bɔ nɛ pee nɛ a ngɔ a juɛmi tsuo kɛ fɔ a ní tsumi ɔmɛ a nɔ kaa bɔ nɛ Yawɛ mlaa a tsɔɔ ɔ.

Yesaya 43:23

O ngɔɛ jijɔ kɛ ba sã we sami bɔ ha mi; nɛ o ngɔɛ bɔhi kɛ ba wui ye hɛ mi nyami hulɔ. I gba we o nya ke o ba sã bɔ ha mi, loo o ba ha mi tsopa kɛ e he via.