Nehemia 12:8 - BAIBLO ALOO NGMAMI KLƆUKLƆU Ɔ

⁸ Levi bi: Nihi nɛ hyɛɛ nɛ a la sina lahi ji Yeshua, Binui, Kadmiel, Sherebia, Yuda, kɛ Matania.

Nehemia 12:8 ပူးပေါင်းရင်းမြစ်များ

Kronika I, 9:33

Levi bi ɔmɛ a ti ni komɛ a ní tsumi ji a la ngɛ Yawɛ we ɔ. A nya dali ɔmɛ hii tsuhi nɛ ngɛ Yawɛ we ɔ ekomɛ a mi. Mɛɛ lɛɛ a ha we mɛ ní tsumi kpa ko, ejakaa a tsuɔ ní nyɔ kɛ pia.

Ezra 2:40

Levi bi: Yeshua kɛ Kadmiel a nina (Hodavia bimɛ ɔmɛ) 74 Mawu we ɔ lali (Asaf bimɛ ɔmɛ) 128 Mawu we ɔ he buli (Shalum, Ater, Talmon, Akub, Hatita, kɛ Shobai a bimɛ ɔmɛ) 139

Ezra 3:2

Yehozadak bi Yoshua, e nyɛmimɛ osɔfo ɔmɛ, kɛ Sheatiel bi Zerubabel, kɛ e weku li ɔmɛ ba ma Israel Mawu ɔ bɔ sami la tɛ ɔ ekohu, konɛ a sã sami bɔhi ngɛ nɔ kaa bɔ nɛ Mawu nɔmlɔ Mose mlaa a tsɔɔ ɔ.

Nehemia 11:17

Mika bi Matania, Asaf nina ko nɛ a tsɛɛ Zabdi ɔ bibi ɔ. Lɛ ji nɔ nɛ jeɔ la nɛ a kɛ jeɔ si nami sɔlemi sisi. Bakbukia, Matania setsɔ ɔ, kɛ Shamua bi Abda, Yedutun nina Galal bibi ɔ.

Nehemia 11:22

Nɔ nɛ hyɛɛ Levi bi nɛ ngɛ Yerusalem ɔ a nɔ ji Bani bi Uzi, Hashabia bibi ɔ. E nɛmɛ ji Matania kɛ Mika. E je Asaf we puɔ nya. We puɔ nya nɛ ɔ blɔ nya ji kaa e hyɛ la nɛ a laa kɛ sɔmɔɔ ngɛ Mawu we ɔ nɔ saminya.

Nehemia 12:24

A dla Levi bi ɔmɛ a mi ngɔ wo kuuhi a mi. A nyatsɛmɛ ji Hashabia, Sherebia, Yeshua, Binui, kɛ Kadmiel. Kuu enyɔ ya buaa a he nya si kake kɛ laa kɛ jeɔ Mawu yi. Kuu kake jeɔ la a, nɛ enyɔne ɔ heɔ nɔ kaa bɔ nɛ Matsɛ David, Mawu nɔmlɔ ɔ to blɔ nya ha mɛ ke a pee ɔ.

Nehemia 12:9

Lali a kuu nɛ heɔ la nɔ ji Bakbukia, Uno, kɛ e nyɛmimɛ Levi bi ɔmɛ.

Nehemia 7:43

Levi bi a wekuhi nɛ kpale kɛ je ma se kɛ ba a ji: Yeshua, kɛ Kadmiel (Hodavia nina) - 74 Nihi nɛ lá ngɛ sɔlemi we ɔ (Asaf nina) - 148 Sɔlemi we ɔ he buli (Shalum, Ater, Talmon, Akub, Hatita, kɛ Shobai a nina) - 138

Nehemia 9:4

A pee kpoku ko ha Levi bi ɔmɛ, nɛ lɔ ɔ nɔ nɛ Yeshua, Bani, Kadmiel, Shebania, Buni, Sherebia, Bani, kɛ Kenani da si ngɛ. A sɔle boboobo kɛ ha Yawɛ, a Mawu ɔ.