Nehemia 12:47 - BAIBLO ALOO NGMAMI KLƆUKLƆU Ɔ

⁴⁷ Zerubabel yi nɔ, kɛ Nehemia be ɔ mi ɔ, Israel ma a tsuo ngɔɔ nike ní kɛ ba haa nɛ a kɛ hyɛ sɔlemi we ɔ lali ɔmɛ, kɛ buli ɔmɛ a nɔ daa ligbi. Ma a ngɔɔ bɔ klɔuklɔu kɛ ba haa Levi bi ɔmɛ, nɛ mɛ hu a ngɔɔ bɔ ɔ mi fa, nɛ ji osɔfo ɔmɛ a blɔ nya a kɛ haa osɔfo ɔmɛ.

Nehemia 12:47 ပူးပေါင်းရင်းမြစ်များ

Galatabi 6:6

Nɔ nɛ a ngɛ lɛ ní tsɔɔe ɔ, kɛ e tsɔɔlɔ ɔ nɛ dla ní kpakpahi nɛ e ngɛ ɔ.

Nehemia 12:26

Nihi nɛ a wo a ta nɛ ɔ hi si ngɛ Yeshua bi Yoyakim, Yehozadak bibi ɔ yi nɔ. Jamɛ a be ɔ kɛ̃ nɛ Nehemia ye amlaalo, nɛ osɔfo Ezra hu ji mlaa tsɔɔlɔ ɔ nɛ.

Nehemia 12:12

Osɔfo weku ɔmɛ a nyatsɛmɛ ngɛ osɔfo nɔkɔtɔma pe kulaa Yoyakim yi nɔ ɔ, a biɛhi ji nɛ ɔmɛ nɛ: Osɔfo Weku Meraya Seraya Hanania Yeremia Meshulam Ezra Yehohanan Amaria Yonatan Maluki Yosef Shebania Adna Harim Helkai Merayot Zakaria Ido Meshulam Gineton Zikri Abiya … Miniamin Piltai Moadia Shamua Bilga Yehonatan Shemaya Matenai Yoyarib Uzi Yedaya Kalai Salai Eber Amok Hashabia Hilkia Netanel Yedaya

Nehemia 12:1

Osɔfohi kɛ Levi bi nɛ kpale kɛ je ma se kɛ ba a, a kɛ Shaeltiel bi Zerubabel, kɛ osɔfo nɔkɔtɔma pe kulaa nɛ a tsɛɛ Yoshua a nɛ ba. A biɛhi ji nɛ ɔmɛ nɛ:

Nehemia 11:23

Matsɛ David wo mlaa nɛ tsɔɔ bɔ nɛ lali ɔmɛ maa hi a sibi tsakee kɛ lami, kɛ hiɔwo nɛ sa nɛ a haa mɛ daa ligbi.

Matsɛmɛ II, 7:10

Kɛkɛ nɛ a ho nɛ a ya tsɛ ma agbo nya buli ɔmɛ nɛ a de mɛ ke, “Wa ya Siria bi ɔmɛ a ma sito he ɔ, se wa nɛ nɔ ko nɔ ko ngɛ lejɛ ɔ; wa nui nɔ ko nɔ ko nya hulɔ. A fi okpɔngɔ ɔmɛ, kɛ teji ɔmɛ kɛ muɔ si, nɛ bo tsu ɔmɛ fɔɔ si kaa bɔ nɛ a si mɛ ɔ.”

Matsɛmɛ II, 25:30

Jehanɛ se hu, matsɛ ɔ haa lɛ yemi kɛ buami sika ko daa ligbi kɛ ya si e gbenɔ be.

Mose V, 18:8

E kɛ osɔfo kpa amɛ nɛ ngɛ lejɛ ɔ nɛ a na niye ní blɔ nya sɔsɔɛ; se nɔ́ nɛ e weku li maa mane lɛ ɔ lɛɛ e pee lɛ nɔ kake e nɔ́.

Ezra 2:2

Nihi nɛ kɛ mɛ ba ji Zerubabel, Yoshua, Nehemia, Seraya, Reelaya, Mordekai, Bilshan, Mispar, Bigvai, Rehum, kɛ Baana. Israel bi nɛ kpale kɛ je ma se kɛ ba a ji nɛ ɔmɛ nɛ: