Nehemia 12:44 - BAIBLO ALOO NGMAMI KLƆUKLƆU Ɔ

⁴⁴ Jamɛ a ligbi ɔ, nito hehi nɛ ngɛ sɔlemi we ɔ, nɛ a toɔ nike níhi ngɛ a mi ɔ, a ngɔ ni komɛ ngɔ to a nya, nɛ́ a hyɛ mi dlami nyɔngmanyɔngma mi kakaaka ɔmɛ, kɛ jeha mi kekleekle blɛfo ɔ, kɛ kekleekle tso yiblii nɛ fu ɔ a nɔ. Ni nɛ ɔmɛ a ní tsumi ji kaa a hyɛ nɛ a bua nike ní ɔmɛ a nya ngɛ ngmɔ ɔmɛ nɛ bɔle ma amɛ a nɔ, nɛ a kɛ ba ha osɔfo ɔmɛ, kɛ Levi bi ɔmɛ kaa bɔ nɛ mlaa a tsɔɔ ɔ. Yuda ma a tsuo bua jɔ osɔfo ɔmɛ, kɛ Levi bi ɔmɛ a he saminya;

Nehemia 12:44 ပူးပေါင်းရင်းမြစ်များ

Romabi 12:7

Ke a ha wɔ he wami nɛ a kɛ sɔmɔɔ nyɛmimɛ ɔ, wa sɔmɔ; ke ní tsɔɔmi ɔ, wa tsɔɔ.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Abɛ Womi 8:34

Nɔ nɛ buɔ mi tue, nɛ e hii si ngɛ ye sinya nya daa ligbi, nɛ e hii mlɛe ngɛ ye agbo nya a, e naa bua jɔmi.

Kronika I, 23:28

Ke a ngma a biɛ se ɔ, a ní tsumi ji a wa osɔfo ɔmɛ nɛ ji Aaron nina a nɛ a kɛ sɔmɔ ngɛ Yawɛ we ɔ. A blɔ nya ji kaa a hyɛ kue ɔmɛ, kɛ tsu ɔmɛ a nɔ, nɛ a tsukɔ ní klɔuklɔu ɔmɛ tsuo a he.

Kronika I, 9:26

Agbo nya buli nikɔtɔma eywiɛ nɛ ɔmɛ ɔ, Levi bi ji mɛ, nɛ a dɛ mi nɛ a to ní tsumi ɔ kɛ wo. Mɛ nɔuu nɛ a hyɛɛ tsuhi kɛ níhi nɛ a to ngɛ a mi ɔ a nɔ ngɛ Yawɛ we ɔ.

Mose IV, 3:10

Ngɔɔ osɔfo ní tsumi ɔ ngɔ wo Aaron, kɛ e binyumu ɔmɛ pɛ a dɛ mi; nɔ kpa ko nɛ maa hɛ lɛ kɛ su ní tsumi nɛ ɔ he ɔ, a gbe lɛ.”

Mose V, 18:8

E kɛ osɔfo kpa amɛ nɛ ngɛ lejɛ ɔ nɛ a na niye ní blɔ nya sɔsɔɛ; se nɔ́ nɛ e weku li maa mane lɛ ɔ lɛɛ e pee lɛ nɔ kake e nɔ́.

Kronika I, 26:20

Ahiya nɛ je Levi wɛtso ɔ mi ɔ hyɛɛ Mawu we ɔ nito he ɔmɛ, kɛ nito hehi he nɛ a toɔ nike níhi nɛ a gbaa nɔ ngɔ to ha Yawɛ ngɛ ɔ hu a nɔ.

Nehemia 10:36

Wa ti nɔ tsuaa nɔ maa ngɔ e kekleekle binyumu kɛ ba osɔfo ɔmɛ a ngɔ ngɛ wa Mawu ɔ we ɔ, konɛ a pee mɛ klɔuklɔu kɛ ha Mawu kaa bɔ nɛ mlaa a tsɔɔ ɔ. Jehanɛ, wa maa ngɔ wa na amɛ, kɛ wa to ɔmɛ a kekleekle bihi hu kɛ ba.