Nehemia 12:39 - BAIBLO ALOO NGMAMI KLƆUKLƆU Ɔ

³⁹ Wa tsa nɔ kɛ ya gu Efraim Agbo ɔ nɔ, Yeshana Agbo ɔ nɔ, Lo Agbo ɔ nɔ, Hananel Mɔ ɔ he, kɛ Lafa Mɔ ɔ he, hluu kɛ ya su To Agbo ɔ nɔ. Wa ba gbe nya ngɛ Buli Agbo ɔ nya.

Nehemia 12:39 ပူးပေါင်းရင်းမြစ်များ

Matsɛmɛ II, 14:13

Israel matsɛ, Yehoash nu Yuda matsɛ, Amazia nyɔguɛ. Lɔ ɔ se ɔ, e ho Yerusalem ya nɛ e ya ku Yerusalem gbogbo ɔ gugue lafa, kɛ je Efraim agbo ɔ nya kɛ ya si kɔ nya agbo ɔ nya.

Nehemia 12:40

Kɛkɛ ɔ, lali a kuu enyɔ ɔmɛ tsuo nɛ ngɛ lae kɛ ngɛ Mawu si nae ɔ ba bua ngɛ Mawu we ɔ. I kɛ ma nimeli nɛ nyɛɛ ye se ɔ hu ya su lejɛ ɔ,

Nehemia 3:1

Bɔ nɛ a pee kɛ fia Yerusalem gbogbo ɔ ekohu ji nɛ ɔ nɛ. Osɔfo nɔkɔtɔma pe kulaa Eliashib, kɛ e nyɛmimɛ osɔfo ɔmɛ ya ma To Agbo ɔ ekohu, nɛ a tsukɔ he; nɛ a ma agbo ɔmɛ ngɛ a blɔ hehi. A tsukɔ gbogbo ɔ he kɛ ya su Lafa Mɔ ɔ kɛ Hananel Mɔ ɔ a he.

Nehemia 3:25

Uzai binyumu Palal fia gbogbo ɔ he nɛ tsa nɔ ɔ, kɛ je gbogbo ɔ kɔ nya kɛ yiti mɔ yi mi pinoo ɔ nɛ ngɛ buli ɔmɛ a kue ɔ hanɔ ɔ. Parosh binyumu Pedaya fia kɛ tsa nɔ kɛ ya ta he ko ngɛ Nyu Agbo ɔ, kɛ mɔ ɔ nɛ ngɛ sɔlemi we ɔ a hanɔ ɔ. (Hiɛ ɔ kɛ ma a he nɛ a tsɛɛ Ofel ɔ kɛ we. Lejɛ ɔ nɛ Yawɛ we ɔ he ní tsuli ɔmɛ hii.)

Nehemia 3:3

Hasenaa binyumu ɔmɛ ma Lo Agbo ɔ, nɛ a kɛ tso sɛu nɔ, nɛ a ma sinya amɛ, nɛ a dadehi kɛ a se lami níhi wo a nya.

Nehemia 3:6

Pasea binyumu Yoyada, kɛ Besodeya binyumu Meshulam dla agbo nɛ a tsɛɛ Agbo Momo ɔ. A kɛ tso sɛu nɔ, nɛ a ma sinya amɛ nɛ a wo dadehi a nya nihi kɛ a se lami.

Nehemia 8:16

Lɔ ɔ he ɔ, ni ɔmɛ ya poo tso, nɛ a ba ma gbahi ngɛ a tsu ɔmɛ a yi mi, kɛ a we ɔmɛ a mi, kɛ Mawu we ɔ kpo ɔ nɔ, kɛ ma kpe he ɔmɛ nɛ ngɛ Nyu Agbo ɔ kɛ Efraim Agbo ɔ, nya a.

Yeremia 31:38

Yawɛ ke, “Be ma nɛ a maa ma Yerusalem ehe ekohu kɛ ha mi, kɛ je Hananel mɔ ɔ bonyoku je, kɛ yaa si kɔ̃ nya agbo ɔ he.

Yeremia 32:2

Jamɛ a be ɔ mi ɔ, Babilonia matsɛ ɔ tabo ɔ ya sa Yerusalem ma a yi, be mi nɛ imi, Yeremia lɛɛ a wo mi tsu ngɛ kue ɔ mi ngɛ Yuda matsɛ we ɔ.

Zefania 1:10

“Jamɛ a ligbi ɔ, a maa wo yana ngɛ Lo Agbo ɔ nya ngɛ Yerusalem; a ma nya awe ngɛ Yerusalem ma he ɔ mi, nɛ a ma he ose ngɛ yoku ɔmɛ a nɔ.

Yohane 5:2

Taku ko kɛ e he kue enuɔ ngɛ To Agbo ɔ nɛ ngɛ Yerusalem ɔ kasa nya. Hebri gbi mi ɔ, a tsɛɛ taku nɛ ɔ Betesda.