Nehemia 12:37 - BAIBLO ALOO NGMAMI KLƆUKLƆU Ɔ

³⁷ A gu Nyu Vu Agbo ɔ nya kɛ kuɔ kpoku ɔmɛ nɛ yaa David ma a mi ɔ, kɛ ya be ngɛ David mɔ ɔ he, kɛ kpale kɛ ba Nyu Agbo ɔ nya, ngɛ ma a beleku je.

Nehemia 12:37 ပူးပေါင်းရင်းမြစ်များ

Nehemia 2:14

Jehanɛ, i po mi kɛ je ma a beleku je kɛ gu omleyi je ngɛ he nɛ Nyu Vu Agbo ɔ, kɛ Matsɛ Taku ɔ ngɛ ɔ. Akɛnɛ lohwe ɔ nɛ i hi nɔ ɔ nɛ́ blɔ nɛ e kɛ be ngɛ lejɛ ɔ he je ɔ,

Nehemia 8:1

Nyɔhiɔ kpaago ɔ mi ɔ, Israel bi ɔmɛ ba he si ngɛ a ma amɛ a mi. Jamɛ a nyɔhiɔ ɔ kekleekle ligbi ɔ, ma a tsuo ba bua a he nya ngɛ Yerusalem, ngɛ ma kpe he ɔ, ngɛ Nyu Agbo ɔ nya. A de osɔfo Ezra, mlaa tsɔɔlɔ ɔ ke e ngɔ womi ɔ nɛ mlaa a nɛ Yawɛ ha Israel kɛ gu Mose nɔ ɔ ngɛ mi ɔ kɛ ba.

Nehemia 8:16

Lɔ ɔ he ɔ, ni ɔmɛ ya poo tso, nɛ a ba ma gbahi ngɛ a tsu ɔmɛ a yi mi, kɛ a we ɔmɛ a mi, kɛ Mawu we ɔ kpo ɔ nɔ, kɛ ma kpe he ɔmɛ nɛ ngɛ Nyu Agbo ɔ kɛ Efraim Agbo ɔ, nya a.

Nehemia 8:3

Ezra kane mlaa a kɛ ha mɛ ngɛ ma kpe he ɔ, ngɛ Nyu Agbo ɔ nya kɛ je mɔtu ma kɛ ya si piani. Ma a tsuo bu tue saminya.