Nehemia 12:30 - BAIBLO ALOO NGMAMI KLƆUKLƆU Ɔ

³⁰ Osɔfo ɔmɛ, kɛ Levi bi ɔmɛ pee kusumi kɛ julaa mɛ nitsɛmɛ a he. A julaa ma a, kɛ agbo ɔmɛ, kɛ ma gbogbo ɔ hulɔ.

Nehemia 12:30 ပူးပေါင်းရင်းမြစ်များ

Mose I, 35:2

Kɛkɛ nɛ Yakob de e yi ɔmɛ, kɛ e bimɛ ɔmɛ, kɛ nɔ tsuaa nɔ nɛ kɛ lɛ ngɛ ɔ ke, “Nyɛ jé ma se mawu ɔmɛ nɛ ngɛ nyɛ dɛ ɔ ngɔ pue he; nyɛɛ tsukɔ nyɛ he, nɛ nyɛɛ wo tadehi nɛ a he tsɔ.

Kronika I, 15:14

Kɛkɛ nɛ osɔfo ɔmɛ, kɛ Levi bi ɔmɛ ya tsu a he, konɛ a ya ngɔ Yawɛ, Israel Mawu ɔ somi daka a kɛ ba.

Kronika II, 29:34

Akɛnɛ osɔfo ɔmɛ a he pi bɔ nɛ a ma nyɛ maa gbe lohwe nɛ ɔmɛ tsuo he je ɔ, a nyɛmimɛ Levi bi ɔmɛ ba piɛ a he kɛ tsu ní ɔ kɛ ya si a gbe nya. Jamɛ a be ɔ mi ɔ, osɔfo ɔmɛ babauu pee a he klɔuklɔu. (Levi bi ɔmɛ bɔɔ mɔde kaa a maa pee a he klɔuklɔu pe osɔfo ɔmɛ po).

Kronika II, 29:5

nɛ e kɛ mɛ ba tu munyu ngɛ lejɛ ɔ. E de mɛ ke, “Nyɛ Levi bi, nyɛɛ bu mi tue! Nyɛɛ tsukɔ nyɛ he, nɛ nyɛɛ tsukɔ Yawɛ, nyɛ nɛmɛ a Mawu ɔ we ɔ hu he. Nyɛ je nɔ́ tsuaa nɔ́ nɛ bleɔ Yawɛ we ɔ kɛ je hiɛ ɔ.

Ezra 6:21

Nihi nɛ ye ní nɛ ɔ ji Israel bi tsuo nɛ kpale kɛ je ma se kɛ ba a, kɛ nihi tsuo nɛ kpa wɔ jami, kɛ lejɛ ɔ zugba a mi bi ɔmɛ a kusumi yayami ɔmɛ, nɛ́ ba, konɛ a ba ja Yawɛ, Israel Mawu ɔ.

Nehemia 12:29

Betgilgal, Geba, kɛ Azmavet kɛ ba.

Nehemia 13:22

Kɛkɛ nɛ i fa Levi bi ɔmɛ ke a tsukɔ a he, nɛ a ya bu agbo ɔmɛ a nya, bɔ nɛ pee nɛ a ye Hejɔɔmi ligbi ɔ klɔuklɔu. Ye Mawu lee, mo kai mi ngɛ enɛ ɔ hu he, nɛ o baa ye yi ngɛ o suɔmi agbo nɛ ngɛ daa a he.

Nehemia 13:30

Bɔ nɛ i pee kɛ tsukɔ ma a he kɛ je ma se níhi a he ji nɛ ɔ nɛ; i to osɔfo ɔmɛ, kɛ Levi bi ɔmɛ a ní tsumi ɔ hanɔhanɔ, nɛ nɔ tsuaa nɔ hɛɛ e ní tsumi nɛ e ngɛ tsue.

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

Mose II, 19:10

Nɛ Yawɛ de Mose ke, “Yaa nɛ o ya tsukɔ ma a he mwɔnɛ ɔ kɛ hwɔɔ. Ha nɛ a fɔ a tadehi a he,

Mose II, 19:15

E de ma a ke, “Nyɛ dla nyɛ he ha hiɛmɛ nɛ ɔ ligbi nɛ ji etɛ ɔ; nɔ ko nɔ ko kó ta yo he.”

Hebribi 5:1

Osɔfo nɔkɔtɔma pe kulaa a, a hlaa lɛ kɛ jeɔ e nyɛmimɛ nɛ mɛ hu he lo kɛ muɔ ji mɛ a kpɛti. E ní tsumi ji kaa e da nimli adesahi tsuo a nane mi, nɛ e ngɔ nike ní kɛ ba ha Mawu, konɛ e sã bɔ nɛ Mawu nɛ ngɔ ma a he yayami kɛ pa mɛ.

Hebribi 5:3

Akɛnɛ lɛ nitsɛ ɔ sé ngɛ e he ɔ, e hia kaa e sã bɔ, pi kɛ ha ma a kɛkɛ, se ngɛ lɛ nitsɛ hu e yayami ɔmɛ a he.