Nehemia 12:25 - BAIBLO ALOO NGMAMI KLƆUKLƆU Ɔ

²⁵ Buli nɛ ɔmɛ ji nihi nɛ buu ngɛ nito hehi nɛ ngɛ sɔlemi we ɔ agbo ɔmɛ a nya: Matania, Bakbukia, Obadia, Meshulam, Talmon, kɛ Akub.

Nehemia 12:25 ပူးပေါင်းရင်းမြစ်များ

Matsɛmɛ II, 7:10

Kɛkɛ nɛ a ho nɛ a ya tsɛ ma agbo nya buli ɔmɛ nɛ a de mɛ ke, “Wa ya Siria bi ɔmɛ a ma sito he ɔ, se wa nɛ nɔ ko nɔ ko ngɛ lejɛ ɔ; wa nui nɔ ko nɔ ko nya hulɔ. A fi okpɔngɔ ɔmɛ, kɛ teji ɔmɛ kɛ muɔ si, nɛ bo tsu ɔmɛ fɔɔ si kaa bɔ nɛ a si mɛ ɔ.”

Kronika I, 23:32

A ní tsumi hu ji kaa a hyɛ kpe he bo tsu ɔ, kɛ Yawɛ we ɔ a nɔ, nɛ a piɛ a nyɛmimɛ osɔfo ɔmɛ, nɛ ji Aaron bimɛ ɔmɛ a he kɛ sɔmɔ ngɛ Yawɛ we ɔ.

Kronika I, 26:12

A dla Yawɛ we ɔ buli ɔmɛ kɛ wo kuuhi a mi ngɛ a weku ɔmɛ a nya, nɛ a tsuɔ ní ngɛ Yawɛ we ɔ kaa bɔ nɛ Levi bi kpa amɛ peeɔ ɔ.

Kronika I, 26:15

A kɛ agbo ɔ nɛ ngɛ leneyi je ɔ ha Obed Edom, nɛ e bimɛ ɔmɛ lɛɛ a ngɔ nito he ɔmɛ ngɔ wo a dɛ nɛ a bu he.

Kronika I, 26:17

Daa ligbi ɔ, buli ekpa ya buu agbo ɔ nɛ ngɛ beleku je ɔ nya; ni eywiɛ ya buu omleyi je nɔ́ ɔ nya, nɛ ni eywiɛ hu ya buu leneyi je nɔ́ ɔ nya. Buli eywiɛ ya buu nito he ɔmɛ daa ligbi; ni enyɔ buu kake he, nɛ ni enyɔ hu buu kake he.

Kronika II, 8:14

Blɔ nya nɛ Salomo tsɛ, David to kɛ fɔ si ɔ, Salomo hyɛ jamɛ a blɔ nya tomi ɔ nɔ kɛ dla ní tsumi kɛ ha osɔfo ɔmɛ. E ngɔ Levi bi ɔmɛ a ní tsumi hu ngɔ wo a dɛ; mɛɛ a ní tsumi ji kaa a la kɛ je Yawɛ yi, nɛ a piɛ osɔfo ɔmɛ a he kɛ tsu a daa ligbi ní tsumi ɔmɛ. Jehanɛ, Yawɛ we ɔ agbo nya buli ɔmɛ hu Salomo dla mɛ ngɔ wo kuuhi a mi kɛ ha agbo slɔɔto ɔmɛ a nya bumi kaa bɔ nɛ Mawu nɔmlɔ, David fa ke a pee ɔ.

Yesaya 21:8

Bulɔ ɔ kpa ngmlaa ke, “Nyɔmtsɛ, i daa si ngɛ ye blɔ he ɔ kɛ ngɛ bue nyɔ kɛ pia tsuo.”