Nehemia 12:1 - BAIBLO ALOO NGMAMI KLƆUKLƆU Ɔ

¹ Osɔfohi kɛ Levi bi nɛ kpale kɛ je ma se kɛ ba a, a kɛ Shaeltiel bi Zerubabel, kɛ osɔfo nɔkɔtɔma pe kulaa nɛ a tsɛɛ Yoshua a nɛ ba. A biɛhi ji nɛ ɔmɛ nɛ:

Nehemia 12:1 ပူးပေါင်းရင်းမြစ်များ

Ezra 3:2

Yehozadak bi Yoshua, e nyɛmimɛ osɔfo ɔmɛ, kɛ Sheatiel bi Zerubabel, kɛ e weku li ɔmɛ ba ma Israel Mawu ɔ bɔ sami la tɛ ɔ ekohu, konɛ a sã sami bɔhi ngɛ nɔ kaa bɔ nɛ Mawu nɔmlɔ Mose mlaa a tsɔɔ ɔ.

Ezra 3:8

Benɛ Israel bi ɔmɛ ba su Yerusalem, he nɛ Mawu we ɔ hi ɔ, jeha enyɔne ɔ we nyɔhiɔ nɛ ji enyɔ ɔ mi ɔ, a je Yawɛ we ɔ mami sisi. Shealtiel bi Zerubabel, Yozadak bi Yoshua, kɛ ma a nɛ a wo ní tsumi ɔ nɔ. Osɔfo ɔmɛ, Levi bi ɔmɛ, kɛ nihí tsuo nɛ kpale kɛ je ma se kɛ ba a hu piɛ a he. A ngɔ Levi bi, nihi nɛ ye jeha nyingmi enyɔ, aloo ni nɛmɛ nɛ ye pe ja ngɔ to ní tsumi ɔ nya konɛ a hyɛ nɔ.

Ezra 4:2

a ba na Zerubabel, kɛ we puɔ nya dali ɔmɛ, nɛ a de mɛ ke, “Nyɛ ha nɛ waa piɛ nyɛ he kɛ ma Mawu we ɔ, ejakaa Mawu kake ɔ nɛ nyɛ jaa a, lɛ wɔ hu wa jaa. Kɛ je Asiria matsɛ, Esarhadon nɛ ngɔ wɔ kɛ ba hiɛmɛ nɛ ɔ yi nɔ ɔ, lɛ ji Mawu nɛ wa jaa nɛ wa sãã bɔ kɛ haa.”

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

Nehemia 11:36

Levi bi ɔmɛ ekomɛ nɛ hi Yuda zugba a nɔ ɔ kɛ Benyamin bi ɔmɛ ya hi si.

Nehemia 12:10

Yoshua bi ji Yoyakim; Yoyakim bi ji Eliashib, nɛ Eliashib hu bi ji Yoyada.

Nehemia 12:2

Seraya, Yeremia, Ezra, Amaria, Maluk, Hatush, Shekania, Rehum, Meremot, Ido, Ginetoi, Abiya, Miyamin, Maadia, Bilga, Shemaya, Yoyarib, Yedaya, Salu, Amok, Hilkia, kɛ Yedaya. Mɛ ji a nyɛmimɛ osɔfo ɔmɛ tsuo a nya dali ngɛ Yoshua yi nɔ.

Nehemia 7:7

A nɔ hyɛli nikɔtɔmahi nɛ kɛ mɛ ba a ji Zerubabel, Yoshua, Nehemia, Azaria, Raamia, Nahamani, Mordekai, Bilshan, Misperet, Bigvai, Nehum, kɛ Baana.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Hagai 1:12

Kɛkɛ nɛ Shealtiel Zerubabel, kɛ Yehozadak bi Yoshua, kɛ ma a tsuo nɛ kpale kɛ je ma se ngɛ Babilonia kɛ ba a, pee nɔ́ nɛ Yawɛ, a Mawu ɔ de mɛ ke a pee ɔ, nɛ a bu gbalɔ Hagai, Yawɛ tsɔlɔ ɔ tue, ejakaa Yawɛ nɛ tsɔ lɛ. Ma a tsuo ye gbeye.

Hagai 1:14

Yawɛ wo nɔ tsuaa nɔ mumi mi he wami kɛ ha ní tsumi ɔ: Sheatiel bi Zerubabel, Yuda ma a we amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a, kɛ ni ɔmɛ tsuo nɛ je ma se kɛ ba a. Mɛ tsuo a bɔni Yawɛ Tabohiatsɛ, a Mawu ɔ we ɔ he ní tsumi

Hagai 2:2

E de Hagai ke e de Sheatiel bi Zerubabel, Yuda ma a amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a, kɛ ma a tsuo ke,

Zakaria 6:11

Ngɔɔ sika hiɔ, kɛ sika tsu nɛ a kɛ ba ke ɔ kɛ pee matsɛ pɛɛ, nɛ o kɛ bu Yehozadak bi Yoshua, osɔfo nɔkɔtɔma pe kulaa a.