Nehemia 11:17 - BAIBLO ALOO NGMAMI KLƆUKLƆU Ɔ

¹⁷ Mika bi Matania, Asaf nina ko nɛ a tsɛɛ Zabdi ɔ bibi ɔ. Lɛ ji nɔ nɛ jeɔ la nɛ a kɛ jeɔ si nami sɔlemi sisi. Bakbukia, Matania setsɔ ɔ, kɛ Shamua bi Abda, Yedutun nina Galal bibi ɔ.

Nehemia 11:17 ပူးပေါင်းရင်းမြစ်များ

Samuel II, 9:12

Mefiboshet ngɛ binyumu wayoo ko nɛ a tsɛɛ lɛ Mika. Nɔ tsuaa nɔ nɛ ngɛ Ziba we ɔ mi ɔ ba plɛ pee Mefiboshet tsɔlɔ.

Kronika I, 16:4

David hla Levi bi komɛ nɛ a da ma a nya kɛ ja Yawɛ, Israel Mawu ɔ ngɛ somi daka a hɛ mi; a ní tsumi ji a tsɛ Mawu, a na Mawu si, nɛ a je Mawu yi daa.

Kronika I, 16:41

Ni nɛmɛ nɛ piɛɔ a he kɛ tsuɔ ní tsumi nɛ ɔ ngɛ lejɛ ɔ ji Heman, Yedutun, kɛ ni komɛ nɛ a je blɔ hla mɛ ke a la kɛ je Yawɛ yi ngɛ e suɔmi nɛ ngɛ daa a he.

Nehemia 11:16

Shabetai kɛ Yozabad ji Levi bi nɛ hyɛɛ Mawu we ɔ kpo nɔ je ní tsumi ɔ nɔ.

Nehemia 11:18

Levi bi tsuo nɛ hi Yerusalem ma klɔuklɔu ɔ mi ɔ, a yibɔ ji 284. Akub, kɛ Talmon, kɛ a weku li. Mɛ tsuo a yibɔ ji 172.

Nehemia 12:24

A dla Levi bi ɔmɛ a mi ngɔ wo kuuhi a mi. A nyatsɛmɛ ji Hashabia, Sherebia, Yeshua, Binui, kɛ Kadmiel. Kuu enyɔ ya buaa a he nya si kake kɛ laa kɛ jeɔ Mawu yi. Kuu kake jeɔ la a, nɛ enyɔne ɔ heɔ nɔ kaa bɔ nɛ Matsɛ David, Mawu nɔmlɔ ɔ to blɔ nya ha mɛ ke a pee ɔ.

Nehemia 12:25

Buli nɛ ɔmɛ ji nihi nɛ buu ngɛ nito hehi nɛ ngɛ sɔlemi we ɔ agbo ɔmɛ a nya: Matania, Bakbukia, Obadia, Meshulam, Talmon, kɛ Akub.

Nehemia 12:31

Lɔ ɔ se ɔ, i bua Yuda ma nimeli ɔmɛ a nya ngɛ gbogbo ɔ nɔ, nɛ i ngɔ mɛ ngɔ to kuu agboagbo enyɔ a nya, konɛ a hyɛ nɛ a to kɛ nyɛɛ, nɛ a la Mawu yi jemi lahi kɛ bɔle ma a. Kekleekle kuu ɔ nyɛɛ hiɔ nɔ, ngɛ gbogbo ɔ nɔ, kɛ yaa Dwɔmi Agbo ɔ nya.

Nehemia 12:46

Lali a kuu nɛ laa yi jemi, kɛ sina lahi kɛ haa Mawu ɔ, Matsɛ David, kɛ la polɔ Asaf be ɔ mi tɔɔ nɛ a to nikɔtɔmahi ngɛ a nya.

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.