Nehemia 11:1 - BAIBLO ALOO NGMAMI KLƆUKLƆU Ɔ

¹ Ma nimeli ɔmɛ hi Yerusalem ma klɔuklɔu ɔ mi, nɛ ma a mi bi ɔmɛ nɛ piɛ ɔ fɔ sɔ kɛ hla nɔ kake ngɛ ni nyɔngma a kpɛti kɛ piɛ ma nimeli ɔmɛ a he; se nihi nɛ piɛ ɔ lɛɛ a ya hi ma kpa amɛ kɛ kɔpe ɔmɛ a mi.

Nehemia 11:1 ပူးပေါင်းရင်းမြစ်များ

Kronika I, 26:13

A fɔ sɔ kɛ dla agbo ɔmɛ nɛ a maa bu a he ɔ kɛ ha we puɔ nya tsuaa we puɔ nya; a hyɛ we we puɔ nya ko klemi kɛ pee nɔ́ nɛ ɔ.

Kronika I, 8:28

Ni nɛ ɔmɛ ji we puɔ nya dali kɛ a nina, nɛ a hi Yerusalem.

Kronika I, 9:1

A kane Israel ma a tsuo weku nya weku nya, nɛ a ngma kɛ wo Israel Matsɛmɛ ɔmɛ a Womi ɔ mi. Yuda bi ɔmɛ lɛɛ, a ba nuu mɛ kɛ ho Babilon ya, ejakaa a yi Mawu anɔkuale.

Kronika I, 9:2

Kekleekle nihi nɛ kpale kɛ ba mɛ nitsɛmɛ a zugba nɔ, kɛ a ma amɛ a mi ji nɛ ɔmɛ: Israel bi komɛ nɛ pi osɔfohi ji mɛ, osɔfo ɔmɛ, Levi bi ɔmɛ, kɛ Yawɛ we ɔ ní tsuli.

Kronika I, 9:3

Yuda bi ɔmɛ, Benyamin bi ɔmɛ, Efraim bi ɔmɛ, kɛ Manase bi ɔmɛ ya hi Yerusalem.

Nehemia 10:34

Jehanɛ hu, wa ngɛ si woe ke daa jeha a, wɔ ma a, kɛ osɔfo ɔmɛ, waa kɛ Levi bi ɔmɛ maa fɔ sɔ kɛ na wekuhi nɛ maa ngɔ lɛ́ kɛ ba nɛ a kɛ sã bɔhi ha Yawɛ, wa Mawu ɔ kaa bɔ nɛ mlaa a tsɔɔ ɔ.

Nehemia 11:18

Levi bi tsuo nɛ hi Yerusalem ma klɔuklɔu ɔ mi ɔ, a yibɔ ji 284. Akub, kɛ Talmon, kɛ a weku li. Mɛ tsuo a yibɔ ji 172.

Nehemia 4:22

Jamɛ a be ɔ, i de ní tsumi ɔ nɔ hyɛli ɔmɛ ke a kɛ ní tsuli ɔmɛ tsuo nɛ a ba hi Yerusalem, bɔ nɛ pee nɛ waa bu ma a he nyɔ mi, nɛ ke je na a, wa tsu ní.

La 122:5

Lejɛ ɔ nɛ Israel matsɛmɛ nɛ ji David nina a hi kɛ kojo ma a.

La 122:6

Nyɛɛ fa kue nɛ tue mi jɔmi nɛ ba Yerusalem. Nyɛ de ke, “Nihi nɛ suɔ mo Yerusalem ɔ, níhi a mi nɛ hi ha mɛ oo!

Abɛ Womi 16:33

Nimli adesahi fɔɔ sɔ nɛ a kɛ le Mawu yi mi tomi. Se bɔ nɛ níhi ma ya ba ha a, Yawɛ pɛ lɛ e tsɔɔ.

Yesaya 48:2

Nyɛ siɔ nyɛ gugue, nɛ nyɛ deɔ ke ma klɔuklɔu ɔ mi bi ji nyɛ; nyɛ deɔ hu ke Israel Mawu nɛ e biɛ ji Yawɛ Tabohiatsɛ ɔ nɔ nyɛ ngɔ nyɛ hɛ ngɔ fɔ.

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

Mateo 27:53

A je kpo kɛ je a yɔkɔ ɔmɛ a mi, nɛ benɛ Yesu te si kɛ je gbeje se ɔ, a pue nɔ kɛ ho ma klɔuklɔu ɔ mi ya nɛ nihi babauu na mɛ.

Mateo 4:5

Jehanɛ ɔ, Abosiami ngɔ Yesu kɛ ya Yerusalem, ma klɔuklɔu ɔ mi, nɛ e kɛ lɛ ya da sɔlemi we ɔ yi mi ploplooplo,

Ni Tsumi 1:24

Kɛkɛ nɛ a sɔle ke, “Nyɔmtsɛ, mo nɛ o le nimli tsuo a tsui mi, tsɔɔ wɔ ni enyɔ nɛ ɔmɛ a ti nɔ nɛ o hla,

Ni Tsumi 1:26

Kɛkɛ nɛ a fɔ sɔ, konɛ a kɛ hla ni enyɔ ɔmɛ a ti nɔ kake. Sɔ ɔ ya nɔ Matia nɔ; nɛ a ngɔ lɛ ngɔ piɛ bɔfo nyɔngma kɛ kake ɔmɛ a he.

Yoshua 18:10

Yoshua fɔ sɔ kɛ bi Yawɛ ga womi ha mɛ ngɛ lejɛ ɔ, nɛ e dla zugba a ngɔ ha Israel wɛtso ɔmɛ nɛ piɛ ɔ.