Nehemia 10:39 - BAIBLO ALOO NGMAMI KLƆUKLƆU Ɔ

³⁹ Israel ma a, kɛ Levi bi ɔmɛ a blɔ nya ji kaa a ngɔ blɛfo, dã, kɛ oliv nu nɛ a tsu ngɛ ni ɔmɛ a dɛ ɔ kɛ ba nito he ɔmɛ ngɛ Mawu we ɔ. Lejɛ ɔ a toɔ níhi nɛ a kɛ sɔmɔɔ ɔ ngɛ. Osɔfohi nɛ ngɛ ní tsue, buli, kɛ lali ɔmɛ hu lejɛ ɔ nɔuu ji he nɛ a hii. Wa maa hyɛ wa Mawu ɔ we ɔ nɔ saminya.

Nehemia 10:39 ပူးပေါင်းရင်းမြစ်များ

Matsɛmɛ II, 7:10

Kɛkɛ nɛ a ho nɛ a ya tsɛ ma agbo nya buli ɔmɛ nɛ a de mɛ ke, “Wa ya Siria bi ɔmɛ a ma sito he ɔ, se wa nɛ nɔ ko nɔ ko ngɛ lejɛ ɔ; wa nui nɔ ko nɔ ko nya hulɔ. A fi okpɔngɔ ɔmɛ, kɛ teji ɔmɛ kɛ muɔ si, nɛ bo tsu ɔmɛ fɔɔ si kaa bɔ nɛ a si mɛ ɔ.”

Kronika II, 31:11

Hezekia fa ke a dla nito hehi ngɛ Yawɛ we ɔ. Benɛ a pee ja a,

Kronika II, 31:12

ma a muɔ nike ní ɔmɛ, kɛ níhi a mi dlami nyɔngmanyɔngma mi kakaaka a nɛ a ngɔ kɛ ba a kɛ ya to lejɛ ɔmɛ. Levi no ɔ nɛ a tsɛɛ lɛ Konania a ji ní ɔmɛ a nɔ hyɛlɔ nɔkɔtɔma; e setsɔ ji lɛ nitsɛ e nyɛminyumu Shimei.

Nehemia 12:47

Zerubabel yi nɔ, kɛ Nehemia be ɔ mi ɔ, Israel ma a tsuo ngɔɔ nike ní kɛ ba haa nɛ a kɛ hyɛ sɔlemi we ɔ lali ɔmɛ, kɛ buli ɔmɛ a nɔ daa ligbi. Ma a ngɔɔ bɔ klɔuklɔu kɛ ba haa Levi bi ɔmɛ, nɛ mɛ hu a ngɔɔ bɔ ɔ mi fa, nɛ ji osɔfo ɔmɛ a blɔ nya a kɛ haa osɔfo ɔmɛ.

La 122:9

Yawɛ wa Mawu ɔ we ɔ he je ɔ, ma hla o nɔ yami.

Mose IV, 18:26

e de Levi bi ɔmɛ ke, “Ke nyɛ nine su Israel bi ɔmɛ a níhi a mi dlami nyɔngmanyɔngma mi kakaaka a nɛ Yawɛ kɛ ha nyɛ kaa nyɛ weto ní ɔ nɔ ɔ, nyɛ hu nyɛɛ ngɔ mi dlami nyɔngma mi kake nɛ ɔ hu mi dlami nyɔngma mi kake kɛ ba ha mi kaa nike ní klɛdɛɛ.

Mose IV, 18:30

Ke nyɛɛ kɛ nɔ́ nɛ hi pe kulaa a ba ha Yawɛ ɔ, nyɛɛ ngɔ nɔ́ nɛ piɛ ɔ kɛ to, kaa bɔ nɛ ke ngmɔ hulɔ ya sã bɔ nɛ e ngɔɔ nɔ́ nɛ piɛ ɔ kɛ toɔ ɔ.

Mose V, 12:17

Nyɛ ko ye níhi nɛ nyɛ kɛ ke Yawɛ, nyɛ Mawu ɔ ekoeko ngɛ nyɛ hi he ɔmɛ, nyɛ blɛfo mi dlami nyɔngmanyɔngma mi kakaaka a jio, nyɛ wai jio, nyɛ oliv nu jio, loo nyɛ na amɛ kɛ to ɔmɛ a kekleekle bi ɔmɛ eko jio, nike níhi nɛ nyɛ wo si kaa nyɛɛ kɛ ma ha Yawɛ ɔ eko jio, nɔ́ nɛ je nyɛ tsui mi faa jio, loo bɔ kpa komɛ jio.

Hebribi 10:25

Nyɛ ko ha wa jɔɔ wa he nya buami kaa bɔ nɛ ni komɛ hlaa peemi ɔ. Mohu ɔ, nyɛ ha waa ya nɔ nɛ waa wo wa sibi he wami wawɛɛ, titli ɔ, akɛnɛ nyɛ le kaa Nyɔmtsɛ ɔ bami be ɔ su ta a.