Nehemia 10:38 - BAIBLO ALOO NGMAMI KLƆUKLƆU Ɔ

³⁸ Osɔfohi nɛ ji Aaron nina a, ke benɛ Levi bi ɔmɛ ngɛ mi dlami nyɔngmanyɔngma mi kakaaka amɛ tsue ɔ, a kɛ mɛ nɛ hi lejɛ ɔ. Levi bi ɔmɛ nɛ a ngɔ mi dlami nyɔngmanyɔngma mi kakaaka amɛ nɛ a bua nya a tsuo a mi dlami nyɔngma mi kake kɛ to ngɛ wa Mawu we ɔ nito he ɔmɛ.

Nehemia 10:38 ပူးပေါင်းရင်းမြစ်များ

Kronika I, 9:26

Agbo nya buli nikɔtɔma eywiɛ nɛ ɔmɛ ɔ, Levi bi ji mɛ, nɛ a dɛ mi nɛ a to ní tsumi ɔ kɛ wo. Mɛ nɔuu nɛ a hyɛɛ tsuhi kɛ níhi nɛ a to ngɛ a mi ɔ a nɔ ngɛ Yawɛ we ɔ.

Mose III, 27:30

Zugba a nɔ nɔ́ tsuaa nɔ́ mi dlami nyɔngma mi kake, wu nɛ a ma du jio, tso yiblii jio, peeɔ Yawɛ nɔ́; e ngɛ klɔuklɔu kɛ ha Yawɛ.

Mose IV, 15:19

nɛ nyɛ bɔni zugba a nɔ ní yemi ɔ, nyɛɛ ngɔ eko ba ha Yawɛ kaa nyɛ nike ní klɛdɛɛ.

Mose IV, 15:21

Ngɛ nyɛ yi nɔhi tsuo pɛpɛɛpɛ ɔ, nyɛ maa ngɔ nyɛ kekleekle ma nɛ ɔ mi eko kɛ ba ha Yawɛ kaa nyɛ nike ní klɛdɛɛ.

Mose IV, 18:21

Yawɛ de ke, “Levi bi ɔmɛ lɛɛ i ngɔ Israel níhi tsuo a mi dlami nyɔngmanyɔngma mi kakaaka kɛ ngɛ mɛ hae kaa a weto ní, ngɛ ní nɛ a tsuɔ ngɛ kpe he bo tsu ɔ mi ɔ he.

Mose IV, 18:24

ejakaa Israel bi ɔmɛ a níhi a mi dlami nyɔngmanyɔngma mi kakaaka nɛ a kɛ ba haa Yawɛ ɔ, i ngɔ mɛ tsuo ngɔ ha Levi bi ɔmɛ kaa a weto ní. Enɛ ɔ he je nɛ i de mɛ ke a be weto ní kpa ko nae ngɛ Israel ɔ nɛ.”

Mose V, 14:22

“Nyɛ je nyɛ ngmɔ niba ní mi mi dlami nyɔngma mi kake kɛ to daa jeha.

Nehemia 13:31

I to blɔ nya, konɛ a ngɔ lɛ́ nɛ a kɛ maa sã bɔ ɔ kɛ ba ngɛ be nɔ. I to be hu nɛ a maa ngɔ a kekleekle ngmɔ niba ní ɔmɛ kɛ ba. Ye Mawu, mo kai ní nɛ ɔmɛ tsuo, nɛ o ha nɛ e hi ha mi.