Nehemia 10:37 - BAIBLO ALOO NGMAMI KLƆUKLƆU Ɔ

³⁷ Daa jeha a, wa maa ngɔ ma nɛ a pee kɛ je blɛfo he mi kɛ ba ha osɔfo ɔmɛ ngɛ wa Mawu ɔ we ɔ. Nike ní kpahi nɛ maa piɛ he ji wai, oliv nu, kɛ tso yiblii nɛ a yeɔ slɔɔtohi tsuo. Levi bi nɛ tsuɔ ngmɔ nɔ niba níhi a mi dlami nyɔngmanyɔngma mi kakaaka ngɛ kɔpe ɔmɛ a mi ɔ hu, wa ma ha mɛ ngmɔ nɔ niba ní mi dlami nyɔngmanyɔngma mi kakaaka.

Nehemia 10:37 ပူးပေါင်းရင်းမြစ်များ

Kronika II, 31:6

Nihi tsuo nɛ ngɛ Yuda ma amɛ a mi ɔ, ngɔ a na amɛ, kɛ a jijɔ ɔmɛ a mi dlami nyɔngmanyɔngma mi kakaaka kɛ ba. A ngɔ nike níhi hu babauu kɛ ba, nɛ a ba pee mɛ klɔuklɔu kɛ ha Yawɛ, a Mawu ɔ.

Nehemia 13:10

I na le hu kaa Mawu we ɔ lali ɔmɛ, kɛ Levi bi kpa amɛ je Yerusalem kɛ ho a ngmɔhi a mi ya; ejakaa niye ní nɛ a to kaa a ha mɛ ɔ, a ha we mɛ.

Nehemia 13:12

Lɔ ɔ se ɔ, Israel ma a tsuo ngɔ a blɛfo, wai, kɛ oliv nu mi dlami nyɔngmanyɔngma mi kakaaka amɛ kɛ ba nito he ɔmɛ ekohu.

Nehemia 13:5

Eliashib dla tsu agbo ko ngɔ to Tobia. Jinɛ ní nɛ ɔmɛ pɛ nɛ a toɔ ngɛ tsu ɔ mi: niye ní bɔ, mimɛ, níhi nɛ a kɛ tsuɔ ní ngɛ Mawu we ɔ, bɔhi nɛ a haa osɔfo ɔmɛ, blɛfo mi dlami nyɔngmanyɔngma mi kakaaka amɛ, wai, kɛ oliv nu nɛ a kɛ haa Levi bi ɔmɛ, kɛ Mawu we ɔ lali ɔmɛ, kɛ buli ɔmɛ ɔ.

Nehemia 13:9

I fa ke a sá tsu ɔmɛ a mi saminya, nɛ a ngɔ níhi nɛ a kɛ tsuɔ ní ngɛ Mawu we ɔ, kɛ ngma bɔ ɔmɛ, kɛ mimɛ ɔ kɛ ya to a hi hehi.

Mose II, 13:12

nyɛɛ gbaa bitɛte tsuaa bitɛte nɛ bliɔ fɔmi nya a nɔ kɛ ha Yawɛ.

Mose II, 13:2

“Moo ngɔ kekleekle binyumu ɔmɛ tsuo ngɔ to ha mi. Binyumu tsuaa binyumu nɛ bliɔ fɔmi nya ngɛ Israel bi ɔmɛ a kpɛti ɔ, nɔmlɔ bi jio, lohwe bi jio, ye nɔ ji lɛ.”

Mose III, 23:17

We puɔ nya tsuaa we puɔ nya nɛ ngɔ abolo bɔbɔɛ enyɔ kɛ ba ha Yawɛ kaa bɔ nɛ a fɔɔ kɛ yaa kɛ baa. Abolo bɔbɔɛ tsuaa abolo bɔbɔɛ ɔ, a ngɔ mamu bukɔbukɔ kilo enyɔ nɛ a wo mi masa kɛ pee. A ngɔ enɛ ɔ kɛ sã bɔ ha Yawɛ kaa kekleekle niba ní bɔ.

Malaki 3:10

Nyɛɛ ngɔ mi dlami nyɔngmanyɔngma mi kakaaka amɛ tsuo kɛ ba nito he ɔ, konɛ niye ní nɛ hiɛ ngɛ ye we ɔ. Nyɛɛ ka mi nɛ nyɛɛ hyɛ kaa i be hiɔwe saflɛhi blie nɛ ma ha nɛ ní kpakpa babauu maa nɛ ngɔ pue nyɛ nɔ babaaba kaa hiɔmi lo?

Malaki 3:8

I ngɛ bie ke, Mawu ɔ, anɛ nɔmlɔ sisiɔ lɛ lo? Dɛbi! Se nyɛɛ lɛɛ nyɛ ngɛ mi sisie. Nyɛ biɔ mi ke, ‘Kɛ wa plɛ kɛ ngɛ mo sisie kɛɛ?’ Mi dlami nyɔngmanyɔngma mi kakaaka, kɛ nike ní nɛ ma a ba haa mi ɔ, nyɛ sisiɔ mi ngɛ mi.

Mose IV, 18:15

“Nɔ́ tsuaa nɔ́ nɛ bliɔ muklii nya, nɛ a kɛ ba ha Yawɛ ɔ maa pee o nɔ, nɔmlɔ jio, we mi lohwe jio. Se nɔmlɔ adesa e kekleekle bi, kɛ lohwe nɛ he tsɔ we e kekleekle bi lɛɛ o ha nɛ a kpɔ mɛ.

Mose IV, 18:18

A lo ɔ maa pee o nɔ, kaa bɔ nɛ bɔ nɛ a fɔɔ kɛ yaa kɛ baa a gugue ɔ, kɛ e hiɔ fiɔ ɔ peeɔ o nɔ ɔ.

Mose IV, 18:21

Yawɛ de ke, “Levi bi ɔmɛ lɛɛ i ngɔ Israel níhi tsuo a mi dlami nyɔngmanyɔngma mi kakaaka kɛ ngɛ mɛ hae kaa a weto ní, ngɛ ní nɛ a tsuɔ ngɛ kpe he bo tsu ɔ mi ɔ he.

Romabi 11:16

Ke má bɔbɔyoo nɛ a ti kɛ sã bɔ ha Mawu ɔ ngɛ klɔuklɔu ɔ, lɛɛ má a tsuo ngɛ klɔuklɔu. Jã kɛ̃ ke tso sipoku ɔ ngɛ klɔuklɔu ɔ, tso kɔni ɔmɛ hu peeɔ klɔuklɔu.

Mose V, 14:22

“Nyɛ je nyɛ ngmɔ niba ní mi mi dlami nyɔngma mi kake kɛ to daa jeha.

Mose V, 18:4

Jehanɛ hu, ke ní nɛ ɔmɛ bɔni bami ɔ, kekleekle ní ɔmɛ maa pee osɔfo ɔmɛ a nɔ́: blɛfo, wai, oliv nu, kɛ to he bwɔmi.

Mose V, 26:2

nyɛ ti nɔ tsuaa nɔ nɛ ngɔ kekleekle niba ní nɛ e kpa ngɛ zugba a nɔ ɔ eko kɛ wo kusii mi, nɛ é ngɔ kɛ ya he nɛ Yawɛ, o Mawu ɔ to nɛ a ja lɛ ngɛ ɔ.