Nehemia 10:36 - BAIBLO ALOO NGMAMI KLƆUKLƆU Ɔ

³⁶ Wa ti nɔ tsuaa nɔ maa ngɔ e kekleekle binyumu kɛ ba osɔfo ɔmɛ a ngɔ ngɛ wa Mawu ɔ we ɔ, konɛ a pee mɛ klɔuklɔu kɛ ha Mawu kaa bɔ nɛ mlaa a tsɔɔ ɔ. Jehanɛ, wa maa ngɔ wa na amɛ, kɛ wa to ɔmɛ a kekleekle bihi hu kɛ ba.

Nehemia 10:36 ပူးပေါင်းရင်းမြစ်များ

Mose II, 13:2

“Moo ngɔ kekleekle binyumu ɔmɛ tsuo ngɔ to ha mi. Binyumu tsuaa binyumu nɛ bliɔ fɔmi nya ngɛ Israel bi ɔmɛ a kpɛti ɔ, nɔmlɔ bi jio, lohwe bi jio, ye nɔ ji lɛ.”

Galatabi 6:6

Nɔ nɛ a ngɛ lɛ ní tsɔɔe ɔ, kɛ e tsɔɔlɔ ɔ nɛ dla ní kpakpahi nɛ e ngɛ ɔ.

Mose V, 12:6

Nyɛ ya sã nyɛ sami bɔ ɔmɛ, bɔ kpa amɛ, nyɛ níhi a mi dlami nyɔngmanyɔngma mi kakaaka amɛ, kɛ nyɛ bɔ ɔmɛ tsuo ngɛ lejɛ ɔ. Nike ní nɛ nyɛ wo si ke nyɛ ma ha Yawɛ, kɛ nike ní nɛ je nyɛ tsui mi faa, nyɛ na amɛ, kɛ nyɛ to ɔmɛ a kekleekle bi ɔmɛ hu nyɛɛ ngɔ kɛ ya lejɛ ɔ.

Mose II, 34:19

“Bitɛte tsuaa bitɛte, kɛ o we mi lohwehi a kpɛti kekleekle eku tsuaa eku ɔ, ye nɔ ji lɛ; na jio, to jio.

Mose II, 23:19

“Daa jeha a, ngɔɔ o zugba a nɔ kekleekle yiblii kɛ ba imi Yawɛ, o Mawu ɔ, ye we ɔ. “Koo hoo apletsi bi ngɛ e nyɛ nyɔ nyu mi.

Kronika II, 31:5

Benɛ a fa kikɛ nɛ ɔ pɛ kɛkɛ nɛ Israel bi ɔmɛ kɛ nike ní nɛ ɔmɛ ba babauu nitsɛ: blɛfo kpokploku, wai, oliv nu, hwo, kɛ ngmɔ niba ní kpahi. Jehanɛ, níhi tsuo nɛ ngɛ a dɛ ɔ, a ngɔ a mi dlami nyɔngmanyɔngma mi kakaaka hu kɛ ba.

Nehemia 12:44

Jamɛ a ligbi ɔ, nito hehi nɛ ngɛ sɔlemi we ɔ, nɛ a toɔ nike níhi ngɛ a mi ɔ, a ngɔ ni komɛ ngɔ to a nya, nɛ́ a hyɛ mi dlami nyɔngmanyɔngma mi kakaaka ɔmɛ, kɛ jeha mi kekleekle blɛfo ɔ, kɛ kekleekle tso yiblii nɛ fu ɔ a nɔ. Ni nɛ ɔmɛ a ní tsumi ji kaa a hyɛ nɛ a bua nike ní ɔmɛ a nya ngɛ ngmɔ ɔmɛ nɛ bɔle ma amɛ a nɔ, nɛ a kɛ ba ha osɔfo ɔmɛ, kɛ Levi bi ɔmɛ kaa bɔ nɛ mlaa a tsɔɔ ɔ. Yuda ma a tsuo bua jɔ osɔfo ɔmɛ, kɛ Levi bi ɔmɛ a he saminya;

Nehemia 13:5

Eliashib dla tsu agbo ko ngɔ to Tobia. Jinɛ ní nɛ ɔmɛ pɛ nɛ a toɔ ngɛ tsu ɔ mi: niye ní bɔ, mimɛ, níhi nɛ a kɛ tsuɔ ní ngɛ Mawu we ɔ, bɔhi nɛ a haa osɔfo ɔmɛ, blɛfo mi dlami nyɔngmanyɔngma mi kakaaka amɛ, wai, kɛ oliv nu nɛ a kɛ haa Levi bi ɔmɛ, kɛ Mawu we ɔ lali ɔmɛ, kɛ buli ɔmɛ ɔ.

Malaki 3:10

Nyɛɛ ngɔ mi dlami nyɔngmanyɔngma mi kakaaka amɛ tsuo kɛ ba nito he ɔ, konɛ niye ní nɛ hiɛ ngɛ ye we ɔ. Nyɛɛ ka mi nɛ nyɛɛ hyɛ kaa i be hiɔwe saflɛhi blie nɛ ma ha nɛ ní kpakpa babauu maa nɛ ngɔ pue nyɛ nɔ babaaba kaa hiɔmi lo?