Nehemia 10:34 - BAIBLO ALOO NGMAMI KLƆUKLƆU Ɔ

³⁴ Jehanɛ hu, wa ngɛ si woe ke daa jeha a, wɔ ma a, kɛ osɔfo ɔmɛ, waa kɛ Levi bi ɔmɛ maa fɔ sɔ kɛ na wekuhi nɛ maa ngɔ lɛ́ kɛ ba nɛ a kɛ sã bɔhi ha Yawɛ, wa Mawu ɔ kaa bɔ nɛ mlaa a tsɔɔ ɔ.

Nehemia 10:34 ပူးပေါင်းရင်းမြစ်များ

Kronika I, 24:5

A fɔ sɔ kɛ gba ní tsumi ha kuu slɔɔtoslɔɔto ɔmɛ tsuo, konɛ e ko pee kaa a hyɛ nɔ ko hɛ mi; ejakaa Yawɛ we ɔ ní tsuli, kɛ Mawu ní tsuli ngɛ Eleazar nina a, kɛ Itamar nina a tsuo a kpɛti.

Kronika I, 24:7

Benɛ a fɔ sɔ ɔ, bɔ nɛ e ba ha kɛ je kekleekle blɔ he ɔ kɛ ya si nyagbe nɔ́ nɛ ji nyingmi enyɔ kɛ eywiɛ ɔ nɔ ji nɛ ɔ nɛ. 1. Yehoyarib 2. Yedaya 3. Harim 4. Seorim 5. Malkiya 6. Miyamin 7. Hakoz 8. Abiya 9. Yeshua 10. Shekania 11. Eliashib 12. Yakim 13. Hupa 14. Yeshebeab 15. Bilga 16. Imer 17. Hezir 18. Hapizez 19. Petahia 20. Yehezkel 21. Yakin 22. Gamul 23. Delaya 24. Maazia.

Kronika II, 2:3

Salomo tsɔ nɛ a kɛ sɛ gbi ya ha Tiro matsɛ, Hiram ke, “Kaa bɔ nɛ o kɛ tsaatsɛ David hi si, nɛ o ha lɛ seda tsohi nɛ e kɛ po we nɛ e hi mi ɔ, o kɛ mi nɛ hi si ja nɔuu.

Ezra 3:5

A sãã bɔ pɔtɛɛ nɛ ɔmɛ hulɔ: sami bɔhi nɛ a sãã nyami be kaa Nyɔhiɔhe nyami be mi, bɔhi nɛ a sãã daa ke ma a ba bua a he nya nɛ a ma ja Yawɛ kikɛ nɛ ɔ, kɛ bɔhi tsuo nɛ nihi jeɔ a tsui mi faa nɛ a kɛ ba haa Yawɛ.

Nehemia 11:1

Ma nimeli ɔmɛ hi Yerusalem ma klɔuklɔu ɔ mi, nɛ ma a mi bi ɔmɛ nɛ piɛ ɔ fɔ sɔ kɛ hla nɔ kake ngɛ ni nyɔngma a kpɛti kɛ piɛ ma nimeli ɔmɛ a he; se nihi nɛ piɛ ɔ lɛɛ a ya hi ma kpa amɛ kɛ kɔpe ɔmɛ a mi.

Nehemia 13:31

I to blɔ nya, konɛ a ngɔ lɛ́ nɛ a kɛ maa sã bɔ ɔ kɛ ba ngɛ be nɔ. I to be hu nɛ a maa ngɔ a kekleekle ngmɔ niba ní ɔmɛ kɛ ba. Ye Mawu, mo kai ní nɛ ɔmɛ tsuo, nɛ o ha nɛ e hi ha mi.

Abɛ Womi 18:18

Ke ni nguahi enyɔ ngɛ nɔ́ he huae ɔ, ja a fɔ sɔ kɛ buá sane ɔ he, loko pɛ ɔ maa jɔ.

Yesaya 40:16

Lebanon tso ɔmɛ tsuo a he pi nɛ a kɛ ma slɛ la. Lohwehi nɛ ngɛ lejɛ ɔ hu a he pi nɛ a kɛ maa sã sami bɔ.

Mose III, 24:5

Ngɔɔ mamu bukɔbukɔ kilo nyɔngma kɛ enyɔ kɛ sã abolo bɔbɔɛ nyɔngma kɛ enyɔ.

Mose III, 24:6

Nyɛɛ to abolo ɔmɛ ngɛ za enyɔ mi kɛ pue okplɔɔ nɛ a kɛ sika tsu ngmingmiingmi ha he ɔ nɔ ngɛ Yawɛ hɛ mi. Abolo ɔ ekpa nɛ hi za kake mi.

Mose IV, 28:2

“Mo fa Israel bi ɔmɛ ke, ‘Ye nike ní nɛ ji ye niye ní bɔ nɛ o kɛ la sãã, nɛ jeɔ via ha mi ɔ, nyɛ hɛ nɛ hi nɔ nɛ nyɛɛ ngɔ kɛ ba ha mi ngɛ be nɛ sa mi.’

Ni Tsumi 1:26

Kɛkɛ nɛ a fɔ sɔ, konɛ a kɛ hla ni enyɔ ɔmɛ a ti nɔ kake. Sɔ ɔ ya nɔ Matia nɔ; nɛ a ngɔ lɛ ngɔ piɛ bɔfo nyɔngma kɛ kake ɔmɛ a he.

Yoshua 9:27

Se kɛ̃ ɔ, e pee mɛ nyɔguɛhi, nɛ a lɛɔ lɛ́, nɛ a yaa pa kɛ haa Israel bi ɔmɛ, kɛ Yawɛ bɔ sami la tɛ ɔ. Kɛ ba si mwɔnɛ ɔ, mɛ nɛ a tsuɔ ní tsumi nɛ ɔ ngɛ he nɛ Yawɛ hla ke a ja lɛ ngɛ ɔ.