Nehemia 10:33 - BAIBLO ALOO NGMAMI KLƆUKLƆU Ɔ

³³ Wɔ tsuo wa maa ngɔ ní nɛ ɔmɛ kɛ ba nɛ a kɛ sɔmɔ ngɛ Yawɛ we ɔ: abolo klɔuklɔu ɔ, niye ní bɔ nɛ a sãã daa ligbi ɔ, lohwehi nɛ a kɛ sãã bɔ daa ligbi ɔ, bɔ klɔuklɔu ɔmɛ nɛ a sãã Hejɔɔmi ligbi ɔmɛ ɔ, kɛ Nyɔhiɔhe nyami be ɔ, kɛ nyami be kpa amɛ a nɔ ɔ. Wa ma ha níhi nɛ a kɛ sãã bɔ klɔuklɔu kpa amɛ hulɔ kaa yayami pami bɔ nɛ a kɛ kpataa Yawɛ ha Israel kikɛ nɛ ɔ, kɛ nɔ́ ko saisaa nɛ he hia nɛ a kɛ ma sɔmɔ ngɛ wa Mawu ɔ we ɔ.

Nehemia 10:33 ပူးပေါင်းရင်းမြစ်များ

Kronika II, 2:4

I yaa po we kɛ wo Yawɛ, ye Mawu ɔ hɛ mi nyami. We nɛ ɔ maa pee he klɔuklɔu nɛ a hla kɛ to ha Yawɛ. Lejɛ ɔ i kɛ ye ma a ma sɔmɔ Yawɛ ngɛ. Wa maa sã tsopa kɛ e he via, nɛ waa kɛ abolo klɔuklɔu ɔ maa ma Yawɛ hɛ mi daa ngɛ lejɛ ɔ. Daa mɔtu kɛ gbɔkuɛ ɔ, wa maa sã sami bɔhi ngɛ lejɛ ɔ. Wa maa sã sami bɔhi Hejɔɔmi ligbi, Nyɔhiɔhe nyami be, kɛ nyami be kpahi hu ngɛ lejɛ ɔ kɛ wo Yawɛ, wa Mawu ɔ hɛ mi nyami. Blɔ nya nɛ Yawɛ to kɛ ha Israel kɛ yaa neneene ji nɛ ɔ nɛ.

Mose II, 30:16

Mo he sika nɛ ɔ ngɛ Israel bi ɔmɛ a dɛ, nɛ o kɛ wo kpe he bo tsu ɔ sɔmɔmi kpɛɛ ɔ mi. Tó nɛ ɔ maa pee nɔ́ nɛ a kɛ ma kpɔ a klaa, konɛ imi Yawɛ, ma kai nɛ ma bu a he.”

Kolosebi 2:16

Lɔ ɔ he ɔ, nyɛ ko ha nɔ ko nɛ wo nyɛ mlaa ngɛ nɔ́ nɛ nyɛ maa ye, kɛ nɔ́ nɛ nyɛ maa nu he, aloo ngɛ nyami be, Nyɔhiɔhe nyami be, kɛ Hejɔɔmi ligbi he.

Hebribi 10:11

Yuda osɔfo tsuaa Yuda osɔfo ɔ, e ní tsumi ji kaa e sã bɔ kake too ɔ si abɔ daa ligbi; se bɔ ɔmɛ nyɛ we nɛ a jeɔ yayami gblegbleegble.