Nehemia 10:32 - BAIBLO ALOO NGMAMI KLƆUKLƆU Ɔ

³² Wa ngɛ si woe hu ke daa jeha a, wa ti nɔ tsuaa nɔ ma tsu sika hiɔ yi kake mi dlami etɛ mi kake, nɛ a kɛ wo wa Mawu ɔ we ɔ he hiɔ ɔmɛ.

Nehemia 10:32 ပူးပေါင်းရင်းမြစ်များ

Mose I, 28:22

Kaimi tɛ nɛ ɔ nɛ i ngɔ ma si kaa titima nɛ ɔ, maa pee he nɛ a ma ja mo ngɛ; nɛ nɔ́ tsuaa nɔ́ nɛ o ma ha mi ɔ, ma ngɔ e mi dlami nyɔngma mi kake kɛ ha mo.”

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

Abɛ Womi 3:9

Ngɔɔ o ní babauu ɔ kɛ wo Yawɛ hɛ mi nyami; ngɔɔ o niba ní tsuo mi kekleekle nɔ́ kɛ sã bɔ ha lɛ.

Mose II, 23:11

Se jeha nɛ ji kpaago ɔ lɛɛ ngmɛɛ ngmɔ ɔ he nɛ e fɔ si gu nɛ e jɔɔ e he, nɛ o ko ya kpa e nɔ ní, bɔ nɛ pee nɛ o ma a mi ohiatsɛmɛ ɔmɛ nɛ a ye e nɔ ní, konɛ nɔ́ nɛ maa piɛ ɔ, pu mi lohwehi hu nɛ a ye. O wai ngmɔ ɔmɛ kɛ oliv abɔɔ ɔmɛ hu, mo tsu a mi ní jã kɛ̃.

Kronika I, 26:27

Ta yibu ní nɛ a ha ngɛ ta mi ɔ, a hla ekomɛ ngɔ to nɛ a gbaa nɔ, konɛ a ngɔ kɛ tsu ní ngɛ Yawɛ we ɔ.

Nehemia 5:10

Imi nitsɛ i ha nɛ ma a pa sika kɛ blɛfo ngɛ ye dɛ, nɛ ye he piɛli ɔmɛ kɛ ye ní tsuli ɔmɛ hu pee ja. Lɔ ɔ he ɔ, nyɛ ha nɛ waa ngɔ hiɔ ɔmɛ tsuo kɛ ke mɛ.

Nehemia 9:14

O tsɔɔ mɛ kaa a ye Hejɔɔmi ligbi ɔ klɔuklɔu, nɛ o gu o tsɔlɔ Mose nɔ kɛ ha mɛ o mlaa amɛ.

Nehemia 13:15

Jamɛ a be ɔ, i na ni komɛ ngɛ Yuda nɛ a ngɛ wai yiblii ngae ngɛ Hejɔɔmi ligbi ɔ nɔ. Ni komɛ hu ngɛ tlomi fie kɛ ngɛ a tejihi a nɔ woe kɛ yaa Yerusalem. Tlomi ɔmɛ ji nɛ ɔmɛ nɛ: blɛfo, wai, wai yiblii, ngmɔkɔ, kɛ ní kpa komɛ. I bɔ mɛ kɔkɔ ke Hejɔɔmi ligbi ɔ, a ko jua ní.

Nehemia 13:18

Pi níhi nɛ nyɛ nɛmɛ ɔmɛ pee, nɛ Mawu gbla nyɛ nɛmɛ ɔmɛ, kɛ Yerusalem ma a tue ɔ ji nɛ ɔmɛ lo? Mɛni he je mɔ nɛ nyɛ ngɛ Hejɔɔmi ligbi ɔ blee kɛ mwɔɔ ɔ? Anɛ nyɛ li kaa nɔ́ nɛ ɔ kɛ Mawu mi mi fumi nɛ nya wa maa ba Israel nɔ lo?”

Nehemia 13:21

I bɔ mɛ kɔkɔ, nɛ i de mɛ ke, “Nyɛ ko ba hwɔ gbogbo ɔ se kɛ mlɛ kɛ yaa si je maa na hu. Ke nyɛ pee ja ekohu ɔ, ma ha a maa nuu nyɛ!” Kɛ je lɔ ɔ se ɔ, a bɛ lejɛ ɔ Hejɔɔmi ligbi ɔ hu.