Nehemia 10:31 - BAIBLO ALOO NGMAMI KLƆUKLƆU Ɔ

³¹ Ke nibwɔhi ba jua niye ní, loo nɔ́ kpa ko ha wɔ ngɛ Hejɔɔmi ligbi ɔ nɔ, loo nyami be kpa ko mi ɔ, wa be hee. Daa jeha kpaago ɔ, wa be ngmɔ hue. Jehanɛ hu, hiɔhi nɛ nihi hɛɛ wɔ ɔ tsuo wa be jee hu; wa maa ngɔ kɛ ke mɛ.

Nehemia 10:31 ပူးပေါင်းရင်းမြစ်များ

Kronika II, 36:21

Lɔ ɔ he ɔ, nɔ́ nɛ Yawɛ de to kɛ gu gbalɔ Yeremia nɔ ɔ ba mi. Yawɛ lɛ de ke, “Zugba a maa fɔ si jeha nyingmi kpaago, konɛ Hejɔɔmi ligbi ɔmɛ nɛ a yi ɔ, a kɛ tsɔ.”

Nehemia 13:23

Jamɛ a be ɔ mi kɛ̃ nɛ i ná le kaa Yuda bi ɔmɛ babauu ya ngɔ yihi ngɛ Ashdod, Amon, kɛ Moab.

Nehemia 13:27

Anɛ waa nyɛɛ nyɛ se, nɛ wa ya ngɔ ma se yihi, nɛ wa tɔ Mawu nɔ lo?”

Mose II, 12:16

Kekleekle ligbi ɔ, kɛ ligbi nɛ ji kpaago ɔ, nyɛɛ bɔ gua nɛ nyɛ ja Yawɛ. A ko tsu nɔ́ ko jamɛ a ligbi enyɔ ɔmɛ; ní nɛ nɔ maa ye pɛ nɛ nyɛ maa hoo.

Mose II, 20:10

Ligbi nɛ ji kpaago ɔ ji Yawɛ, o Mawu ɔ Hejɔɔmi ligbi. Jamɛ a ligbi ɔ, ko tsu nɔ́ ko kulaa; mo nitsɛ jio, o binyumu jio, o biyo jio, o tsɔlɔ nyumu jio, o mawayo jio, o lohwe jio, nubwɔ nɛ ngɛ o ma a mi jio;

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Yesaya 58:6

“Hwɔ hami nɛ maa sa ye hɛ mi ji nɛ ɔ nɛ. Nyɛ kpa yi wu tso ní peemi, nɛ nyɛɛ ye dami sane. Nyɛ kplɔ kuɛpã tso ngɛ ni nɛmɛ nɛ nyɛ ngɛ mɛ yi mi wae ɔ a kuɛ, nɛ nyɛɛ ku mɛ dukuduku, konɛ ni ɔmɛ nɛ a ye a he.

Mose III, 16:29

Enɛ ɔ maa pee mlaa nɛ fɔɔ si kɛ yaa neneene. Nyɔhiɔ kpaagone ɔ we ligbi nɛ ji nyɔngma a, Israel fɔfɔɛ, kɛ nibwɔhi nɛ ngɛ a kpɛti tsuo maa ha hwɔ, nɛ a be nɔ́ ko nɔ́ ko tsue.

Mose III, 23:21

Jamɛ a ligbi ɔ, nɔ ko nɔ ko kó tsu ní tsumi kpakpataa ko, se nyɛ bua nyɛ he nya, nɛ nyɛ ja Mawu. Enɛ ɔ ji mlaa nɛ maa fɔ si kɛ maa ya neneene ha nyɛ yi nɔ ɔmɛ tsuo pɛpɛɛpɛ ngɛ nyɛ sihi he ɔmɛ tsuo.

Mose III, 23:3

Nyɛ tsu ní ligbi ekpa, se ligbi kpaagone ɔ ji Hejɔɔmi ligbi. Jamɛ a ligbi ɔ, nyɛ maa jɔɔ nyɛ he. Nyɛ ma bua nyɛ he nya, nɛ nyɛ ma ja Mawu. Nɔ ko nɛ ko tsu ní jamɛ a ligbi ɔ; ejakaa e ji he jɔɔmi ligbi ha Yawɛ ngɛ nyɛ sihi he ɔmɛ tsuo kulaa.

Mateo 6:12

Ngɔɔ wa tɔmi ɔmɛ kɛ pa wɔ kaa bɔ nɛ wɔ hu waa kɛ paa nihi nɛ tɔɔ wa nɔ ɔ.

Kolosebi 2:16

Lɔ ɔ he ɔ, nyɛ ko ha nɔ ko nɛ wo nyɛ mlaa ngɛ nɔ́ nɛ nyɛ maa ye, kɛ nɔ́ nɛ nyɛ maa nu he, aloo ngɛ nyami be, Nyɔhiɔhe nyami be, kɛ Hejɔɔmi ligbi he.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.