Nehemia 10:30 - BAIBLO ALOO NGMAMI KLƆUKLƆU Ɔ

³⁰ Waa kɛ wa biyi ɔmɛ be nibwɔhi nɛ ngɛ wa zugba a nɔ ɔ gba hae, nɛ wa binyumu ɔmɛ hu be a biyi ɔmɛ ngɔe.

Nehemia 10:30 ပူးပေါင်းရင်းမြစ်များ

Matsɛmɛ II, 23:25

Bɔ nɛ Yosia sɔmɔ Yawɛ kɛ e tsui tsuo, kɛ e klaa tsuo, kɛ e he wami tsuo, nɛ e ye Mose mlaa amɛ tsuo a nɔ ɔ, matsɛmɛ ɔmɛ nɛ sɛ e hlami, kɛ ni nɛmɛ nɛ nyɛɛ e se ɔ, a ti nɔ ko kɛ lɛ sɔɛ.

Matsɛmɛ II, 23:3

E ya da titima a kasa nya, nɛ e kɛ Yawɛ so. E ka lɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo; nɛ níhi nɛ a ngma ngɛ mlaa womi ɔ mi ɔ, e maa pee lɛ tsuo pɛpɛɛpɛ. Kɛkɛ nɛ ma a tsuo wo si kaa a maa ye somi ɔ nɔ.

Kronika II, 34:31

Kɛkɛ nɛ e ho ya da kpoku ko nɔ nɛ e ka Yawɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo. E ka kita ke níhi nɛ a ngma ngɛ mlaa womi ɔ mi ɔ, e maa pee mɛ tsuo pɛpɛɛpɛ.

Nehemia 10:1

Kekleekle nɔ nɛ ngma e biɛ ji ɔ, Hakalia bi Nehemia, amlaaho ɔ. Nɔ nɛ nyɛɛ e se ji Zedekia. Seraya, Azaria, Yeremia, Pashur, Amaria, Malkiya, Hatush, Shebania, Haluk, Harim, Meremot, Obadia, Daniel, Gineton, Baruk, Meshulam, Abiya, Miyamin, Maazia, Bilgai, kɛ Shemaya. Azania bi Yeshua, Hanadad weku ɔ mi no Binui, Kadmiel, Shebania, Hodia, Kelita, Pelaya, Hanan, Mika, Rehob, Hashabia, Zakur, Sherebia, Shebania, Hodia, Bani, kɛ Beninu.

Nehemia 13:23

Jamɛ a be ɔ mi kɛ̃ nɛ i ná le kaa Yuda bi ɔmɛ babauu ya ngɔ yihi ngɛ Ashdod, Amon, kɛ Moab.

Nehemia 13:25

Lɔ ɔ he ɔ, i ka nyumu ɔmɛ a hɛ mi, nɛ i gbiɛ mɛ; i fia ni komɛ ní, nɛ i hiaa a yi bwɔmi. Jehanɛ, i ha a kɛ Mawu biɛ ka kita ke mɛ nitsɛmɛ, kɛ a binyumu ɔmɛ be nibwɔhi a biyi ɔmɛ ngɔe, nɛ a biyi ɔmɛ hu be nibwɔhi gbae kɔkɔɔkɔ hu.

Nehemia 13:30

Bɔ nɛ i pee kɛ tsukɔ ma a he kɛ je ma se níhi a he ji nɛ ɔ nɛ; i to osɔfo ɔmɛ, kɛ Levi bi ɔmɛ a ní tsumi ɔ hanɔhanɔ, nɛ nɔ tsuaa nɔ hɛɛ e ní tsumi nɛ e ngɛ tsue.

Nehemia 5:12

Ma nimeli ɔmɛ kplɛɛ, nɛ a de ke, “Wa maa pee bɔ nɛ o de ɔ. Wa maa kpale nɔ́ tsuaa nɔ́ kɛ ha mɛ. Wa be nɔ́ ko nɔ́ ko hee ngɛ a dɛ.” Kɛkɛ nɛ i tsɛ osɔfo ɔmɛ kɛ ba, nɛ i ha ma nimeli ɔmɛ ka kita kɛ fɔ nɔ ngɛ a hɛ mi kaa a maa pee bɔ nɛ a wo si ɔ.

La 119:106

O mlaa amɛ da saminya, lɔ ɔ he ɔ, imi hu i ngɛ mo si woe veveeve ke ma ye a nɔ sisiisi.

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Mose V, 29:11

yihi, jokuɛwi, kɛ nyɛ nibwɔhi nɛ gbaa lɛ́, nɛ a yaa pa ha nyɛ ɔ tsuo ngɛ hiɛ ɔ.

Mose V, 7:3

Nyɛ ko ngɔ nyɛ biyi ɔmɛ ngɔ ha a binyumu ɔmɛ gba; nɛ nyɛ ko ha nyɛ binyumu ɔmɛ hu ya ngɔ a biyi ɔmɛ.