Nehemia 1:7 - BAIBLO ALOO NGMAMI KLƆUKLƆU Ɔ

⁷ Wa pee yi kpɛti wami níhi kɛ si mo, nɛ wa yi o mlaa amɛ a nɔ. Mlaahi, kɛ blɔ nya tomihi nɛ o kɛ ha wɔ kɛ gu o tsɔlɔ Mose nɔ ɔ, wa yi nɔ.

Nehemia 1:7 ပူးပေါင်းရင်းမြစ်များ

Matsɛmɛ I, 2:3

nɛ nɔ́ nɛ Yawɛ, o Mawu ɔ fa mo ke o pee ɔ, o pee. Ye e mlaa amɛ, kɛ e fami ɔmɛ tsuo a nɔ kaa bɔ nɛ a ngma ngɛ Mose mlaa a mi ɔ, bɔ nɛ pee nɛ he tsuaa he nɛ o maa gu ɔ, o nɔ́ tsuaa nɔ́ nɛ ya nɔ pɛpɛɛpɛ.

Kronika II, 25:4

Se a bimɛ ɔmɛ lɛɛ ngɛ mlaa a nɛ Yawɛ wo ɔ nya kaa bɔ nɛ a ngma ngɛ Mose womi ɔ mi ke, “A ko gbe fɔli ngɛ yayami nɛ a bimɛ pee ɔ he, nɛ a ko gbe bimɛ hu ngɛ yayami nɛ a fɔli pee ɔ he, se ke nɔ ko pee yayami ɔ, a gbe nɔ ɔ nitsɛ ngɛ yayami nɛ e pee ɔ he ɔ, e gbi mɛ.”

Kronika II, 27:2

Yotam pee Yawɛ suɔmi nya ní kaa bɔ nɛ e tsɛ Uzia pee ɔ pɛpɛɛpɛ; se lɛɛ e ya sɛ̃ tsopa kɛ e he via ngɛ Yawɛ we ɔ. Se kɛ̃ ɔ, ma a ya nɔ pee yayami.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

La 106:6

Wa pee yayami kaa wa nɛmɛ ɔmɛ nɔuu. Wa pee níhi nɛ sɛ; wa wa nihi yi mi.

La 89:31

ke a kua ye blɔ nya tomi ɔmɛ, nɛ a yi ye mlaa amɛ a nɔ ɔ

La 89:32

lɛɛ ma gbla a tue ngɛ a yayami ɔmɛ a he, nɛ ma ha a maa na nɔ́.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

Daniel 9:11

Israel ma a tsuo tɔ o mlaa amɛ, nɛ a bui o gbi tue. Wa pee yayami kɛ si mo, nɛ lɔ ɔ he nɛ o ngɔ gbiɛmi ɔmɛ nɛ a ngma ngɛ o tsɔlɔ Mose mlaa womi ɔ mi ɔ kɛ ba wa nɔ ɔ nɛ.

Daniel 9:13

Tue gblami ɔmɛ nɛ a wo a nɔ ta ngɛ Mose mlaa womi ɔ mi ɔ, lɛ tsuo ba wa nɔ. Se Yawɛ, wa Mawu, wa bɔɛ mɔde kaa wa maa pee o suɔmi nya ní; wa ngmɛɛ we wa yayami ɔmɛ a he, nɛ o we anɔkuale ɔ hu wa nyɛɛ we se.

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Mose III, 27:34

Mlaahi nɛ Yawɛ ngɔ ha Mose ngɛ Sinai yo ɔ nɔ nɛ e kɛ ha Israel ma a ji nɛ ɔmɛ nɛ.

Zefania 3:7

I de ke, ‘Jehanɛ lɛɛ ye ma mi bi ɔmɛ maa bu mi tue; jehanɛ lɛɛ ke i bɔ mɛ kɔkɔ ɔ, a maa ye gbeye, nɛ e be hiae kaa ma gbla a tue ekohu.’ Se a ya nɔ pee yayami pe kekle ɔ mohu.”

Malaki 4:4

“Mlaa slɔɔtoslɔɔtohi nɛ i ngɔ kɛ ha nyɛ ngɛ Sinai yo ɔ nɔ kɛ gu ye tsɔlɔ Mose nɔ ɔ, nyɛ kai nɛ nyɛɛ ye a nɔ.

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”