Nehemia 1:5 - BAIBLO ALOO NGMAMI KLƆUKLƆU Ɔ

⁵ “Yawɛ Mawu nɛ ngɛ hiɔwe lee! O kle, nɛ o he ngɛ gbeye. O yeɔ anɔkuale, nɛ o yeɔ o siwo nɔ. Nihi nɛ suɔ mo, nɛ a peeɔ níhi nɛ o fa ke a pee ɔ, o naa mɛ mɔbɔ.

Nehemia 1:5 ပူးပေါင်းရင်းမြစ်များ

Matsɛmɛ I, 8:23

nɛ e sɔle ke, “Yawɛ, Israel Mawu lee, mawu ko mawu ko be hiɔwe, loo zugba nɛ ngɛ kaa mo! Somi nɛ o kɛ o ma a so ɔ, o yeɔ nɔ; nɛ ke a bu mo tue kɛ a tsui tsuo ɔ, o jeɔ o suɔmi nɛ se pui ɔ kpo ngɔ tsɔɔ mɛ.

Kronika I, 17:21

Ma ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguanguahi, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ kɛ je a blɔ mi.

Ezra 1:2

“Bɔ nɛ Persia matsɛ, Sirus de ji nɛ ɔ nɛ: Yawɛ, Mawu nɛ ngɛ hiɔwe ɔ wo mi nɔ yelɔ ngɛ je ɔ tsuo nɔ, nɛ e ngɔ tsumi nɛ he hia nɛ ɔ ngɔ ha mi. E ke ma ma we ha lɛ ngɛ Yerusalem ngɛ Yuda zugba a nɔ.

Nehemia 2:4

Matsɛ ɔ bi mi ke, “Mɛni ji nɔ́ nɛ o ngɛ hlae?” I sɔle nɛ i bi Mawunɛ ngɛ hiɔwe ɔ gbi,

Nehemia 4:14

Jehanɛ, i na kaa ni ɔmɛ hao; lɔ ɔ he ɔ, i de ma nimeli ɔmɛ, ma ní tsuli ɔmɛ, kɛ ma a tsuo ke, “Nyɛ ko ye wa he nyɛli ɔmɛ gbeye. Nyɛ kai kaa Nyɔmtsɛ ɔ kle, nɛ e he ngɛ gbeye, konɛ nyɛɛ hwu ha nyɛ nyɛmimɛ ɔmɛ, nyɛ bimɛ ɔmɛ, nyɛ yi ɔmɛ, kɛ nyɛ we ɔmɛ.”

Nehemia 4:8

Lɔ ɔ he ɔ, mɛ tsuo a so kaa a kɛ Yerusalem maa hwu ta nɛ a gudu lejɛ ɔ.

Nehemia 9:32

“Wa Mawu, mo Mawu kpetekpleenyɛ, mo nɛ o he ngɛ gbeye, nɛ o kɔni si wa. Moo lɛɛ o yeɔ o somi, kɛ si womi ɔmɛ a nɔ pɛpɛɛpɛ. Kɛ je benɛ Asiria matsɛmɛ ɔmɛ bɔni wɔ haomi kɛ ba su mwɔnɛ ɔ, moo hyɛ amanehlu sɔuu nɛ wa na! Wa matsɛmɛ ɔmɛ, wa ma nimeli ɔmɛ, wa osɔfo ɔmɛ, gbali ɔmɛ, wa nɛmɛ ɔmɛ, kɛ wa ma kpekpemi ɔ tsuo na nɔ́ tsɔ. Mo kai wɔ, ejakaa wa we amanehlu ɔ hiɛ tsɔ!

La 47:2

Yawɛ, nɔ nɛ ngɛ hiɔwe lokoo ɔ he ngɛ gbeye. Matsɛ kpetekpleenyɛ nɛ yeɔ je ɔ tsuo nɔ ji lɛ.

La 76:8

O kojo, nɛ a nu he kɛ je hiɔwe tɔɔ; je ɔ ye gbeye, nɛ e pee dii.

La 89:2

I le kaa o suɔmi ɔ maa hi si daa. O we anɔkuale yemi ɔ hu be nyagbe; e ngɛ kɛ yaa neneene kaa bɔ nɛ hiɔwe ngɛ ɔ.

La 89:3

O de ke, “I kɛ nɔ nɛ i hla lɛ ɔ so somi ko. I ka ye tsɔlɔ David kita ke,

La 89:8

Yawɛ Tabohiatsɛ Mawu! Mɛnɔ lɛ ngɛ he wami kaa mo Yawɛ? O yeɔ anɔkuale ngɛ nɔ́ tsuaa nɔ́ mi.

Mose II, 20:6

Se nihi akpe abɔ nɛ suɔ mi, nɛ a yeɔ ye mlaa amɛ a nɔ ɔ, mɛɛ i naa mɛ mɔbɔ.

Mose V, 7:12

“Ke nyɛ bu mlaa nɛ ɔmɛ tue, nɛ nyɛ ye a nɔ pɛpɛɛpɛ ɔ, lɛɛ Yawɛ, nyɛ Mawu ɔ maa ye somi nɛ e kɛ nyɛ so ɔ nɔ, nɛ e ma je e suɔmi nɛ ngɛ daa a kpo kɛ tsɔɔ nyɛ kaa bɔ nɛ e wo nyɛ nɛmɛ ɔmɛ si ɔ;

Mose V, 7:21

Lɔ ɔ he ɔ, nyɛ ko ye nyɛ he nyɛli ɔmɛ gbeye. Yawɛ, nyɛ Mawu ɔ kɛ nyɛ ngɛ; e ji Mawu kpetekpleenyɛ nɛ sa nɛ a ye lɛ gbeye.

Mose V, 7:9

Nyɛ na nɛ nyɛɛ le kaa Yawɛ, nyɛ Mawu ɔ, lɛ pɛ ji Mawu, nɛ e yeɔ anɔkuale. E maa ye e somi nɔ, nɛ e ma je e suɔmi nɛ ngɛ daa a kpo kɛ tsɔɔ yi nɔhi akpe abɔ nɛ suɔ lɛ, nɛ a yeɔ e mlaa amɛ a nɔ ɔ,