Nehemia 1:4 - BAIBLO ALOO NGMAMI KLƆUKLƆU Ɔ

⁴ Benɛ i nu amaniɛ nɛ ɔ, i hi si nɛ i fo ya. I ye kɔmɔ ligbi babauu, nɛ i ha hwɔ. I sɔle nɛ i tsɛ Mawu ke,

Nehemia 1:4 ပူးပေါင်းရင်းမြစ်များ

Samuel II, 12:16

David kpa Mawu pɛɛ nɛ́ e ha nɛ jokuɛ ɔ nɛ na he wami. David kua ní yemi; nɛ daa nyɔ mi ɔ, e hwɔɔ zugba kɛ ya siɔ je nami.

Matsɛmɛ II, 22:19

nɛ o pia o he, nɛ o ba o he si ha mi. Benɛ o nu bɔ nɛ i to nɛ ma gbla Yerusalem, kɛ ma mi bi ɔmɛ a tue, kɛ bɔ nɛ i to nɛ ma pee ma a ma doku, nɛ a ma tsɛ ma a biɛ kɛ gbiɛ nɔ ɔ, o kɛ aywilɛho hía o tade ɔmɛ, nɛ o fo ya. Kue nɛ o fa ha mi ɔ, i nu.

Kronika II, 6:13

(Salomo pee akɔblee kpoku ko nɛ a maa da nɔ kɛ ma kue ɔ kpɛti tutuutu. E kami ji nine mi blimi nyɔngma, e blimi ji nine mi blimi nyɔngma, nɛ e hiɔwe yami ji nine mi blimi ekpa. Salomo kuɔ kpoku nɛ ɔ, nɛ e kpla si ngɛ Israel ma kpekpemi ɔ tsuo a hɛ mi, nɛ e wo e nine nɔ kɛ ya hiɔwe.)

Ezra 1:2

“Bɔ nɛ Persia matsɛ, Sirus de ji nɛ ɔ nɛ: Yawɛ, Mawu nɛ ngɛ hiɔwe ɔ wo mi nɔ yelɔ ngɛ je ɔ tsuo nɔ, nɛ e ngɔ tsumi nɛ he hia nɛ ɔ ngɔ ha mi. E ke ma ma we ha lɛ ngɛ Yerusalem ngɛ Yuda zugba a nɔ.

Ezra 10:1

Jehanɛ Ezra ya Mawu we ɔ hɛ mi. E fa kue ha Mawu, nɛ e jaje Israel ma a he yayami. Jamɛ a be ɔ tsuo ɔ, e ngɛ ya foe, nɛ e ngɔ e he kɛ ngɛ si fiae. Kɛkɛ nɛ Israel bi babauu, nyumihi, yihi, kɛ jokuɛwi ba bua a he nya ngɛ lejɛ ɔ, nɛ a wo yana.

Ezra 9:3

Benɛ i nu nɔ́ nɛ ɔ, i hía ye he tade sisi nɔ́, kɛ nɔha nɔ́ ɔ tsuo. I bɔni ye yi bwɔmi, kɛ ye kpɛni fami, nɛ i pee basaa kɛ hii si.

Ezra 9:5

Gbɔkuɛ bɔ sami be ɔ, i gbe ye hwɔ hami ɔ nya, nɛ i te si ngɛ zugba kɛ ye he tade sisi nɔ́ ɔ, kɛ nɔha nɔ́ ɔ nɛ i hía a. I kplã si, nɛ i wo ye nine nɔ kɛ ha Yawɛ, ye Mawu ɔ.

Nehemia 2:20

I he nɔ ke, “Mawu nɛ ngɛ hiɔwe ɔ ma ha wa maa ye manye. E tsɔli ji wɔ, nɛ wa ma bɔni gbogbo ɔ fiami. Nyɛɛ lɛɛ nyɛ be blɔ nya ko, loo weto ní, loo kaimi nɔ́ ko ngɛ Yerusalem.”

Nehemia 2:4

Matsɛ ɔ bi mi ke, “Mɛni ji nɔ́ nɛ o ngɛ hlae?” I sɔle nɛ i bi Mawunɛ ngɛ hiɔwe ɔ gbi,

La 102:15

Je ma amɛ tsuo maa ye Yawɛ gbeye. Zugba a nɔ matsɛmɛ ɔmɛ tsuo maa ye e hɛ mi nyami ɔ gbeye.

La 136:26

Nyɛɛ na Mawu nɛ ngɛ hiɔwe ɔ si; ejakaa e suɔmi ɔ ngɛ kɛ yaa neneene!

La 137:1

Babilon pa amɛ a tue wa hi si ngɛ nɛ wa wo yana, benɛ wa kai Zion ɔ.

Daniel 10:2

Jamɛ a be ɔ mi ɔ, imi Daniel, i ngɛ kɔmɔ yee otsi etɛ.

Daniel 2:18

E de mɛ ke a fa kue ha Mawu nɛ ngɛ hiɔwe ɔ, konɛ e na mɛ mɔbɔ nɛ e je laami sane nɛ ɔ kpo ngɔ tsɔɔ mɛ, bɔ nɛ pee nɛ a ko gbe mɛ, kɛ Babilon ga woli kpa amɛ hulɔ.

Daniel 9:3

Enɛ ɔ he je ɔ, i fa kue wawɛɛ ha Nyɔmtsɛ Mawu, nɛ i kpa lɛ pɛɛ ha ma a. I ha hwɔ, nɛ i ha kpekpe ya bo, nɛ i kɛ la zu pue ye nɔ.

Yona 1:9

Yona ha mɛ heto ke, “Hebri no ji mi, nɛ i jaa Yawɛ, hiɔwe Mawu ɔ, nɔ nɛ pee wo kɛ zugba a.”

Zefania 3:18

kaa bɔ nɛ nihi a bua jɔɔ a he nyami be ɔ.” Yawɛ ke, “Ma je nyɛ kɛ je haomi mi, nɛ nɔ ko be nyɛ zo ɔ kaie hu.

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.