Nehemia 1:3 - BAIBLO ALOO NGMAMI KLƆUKLƆU Ɔ

³ A de mi ke nihi nɛ piɛ ngɛ zugba a nɔ, nɛ mɛɛ lɛɛ a nuu we mɛ nyɔguɛ ɔ, a ngɛ nɔ́ nami, kɛ ahlua bɔmi nguaa mi. A de hu ke Yerusalem gbogbo ɔmɛ nɛ a hule pue si ɔ, kɛ agbo ɔmɛ nɛ a sã a tsuo ngɛ ja.

Nehemia 1:3 ပူးပေါင်းရင်းမြစ်များ

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Matsɛmɛ II, 25:10

nɛ e ta buli ɔmɛ hule gbogbo nɛ a fia kɛ wo ma a he ɔ.

Kronika II, 36:19

E sã Yawɛ we ɔ, kɛ Yerusalem ma a kɛ e mi mɔ ɔmɛ; e kpata ní kpakpahi tsuo a hɛ mi, nɛ e ku Yerusalem gbogbo ɔ ngɔ pue si.

Ezra 2:1

Nihi nɛ a nuu kɛ ho ma se ya a babauu kpale kɛ je Babilon kɛ ba Yerusalem kɛ Yuda; nɔ tsuaa nɔ ho lɛ nitsɛ e ma mi ya. A weku li lɛɛ kɛ je be nɛ Matsɛ Nebukadnezer ba nuu mɛ kɛ ho Babilonia ya a, a tlɔ lejɛ ɔ.

Ezra 5:8

“Nɛnɛ, wa ngɛ hae nɛ o le kaa wa ya Yuda, he nɛ Mawu kpetekpleenyɛ ɔ we ɔ ngɛ ɔ. Wa na kaa a ngɔ tɛ agboagbohi kɛ ngɛ gbogbo ɔ fiae, nɛ a ngɛ tso toe kɛ ngɛ nɔ puee. Ni ɔmɛ ngɛ ní tsumi ɔ tsue kɛ hɛdɔ, nɛ nɔ́ tsuaa nɔ́ ngɛ nɔ yae bɔ nɛ sa.

Nehemia 11:3

Israel ma a, osɔfo ɔmɛ, Levi bi ɔmɛ, sɔlemi we ɔ ní tsuli ɔmɛ, kɛ Salomo tsɔli ɔmɛ a nina amɛ lɛɛ a hi mɛ nitsɛmɛ a zugba nɔ, ngɛ a ma amɛ kɛ kɔpe ɔmɛ a mi. Yuda zugba a nɔ ma nimeli nɛ hi Yerusalem ji nɛ ɔmɛ nɛ.

Nehemia 2:13

Nyɔ mi ɔ nɔuu ɔ, i gu Kɔ̃ Agbo ɔ nɛ ngɛ bonyoku je ɔ mi kɛ je kpo kɛ gu Ogbetee Vu ɔ nya kɛ ya su Dwɔmi Agbo ɔ he. I hyɛ bɔ nɛ Yerusalem gbogbo ɔmɛ ngɛ ha, bɔ nɛ a ku kɛ pueɔ si, kɛ bɔ nɛ a kɛ la sã agbo ɔmɛ.

Nehemia 2:17

Lɔ ɔ he ɔ, jehanɛ i de mɛ ke, “Nyɛ nitsɛmɛ nyɛ na haomi mi nɛ wa ngɛ, bɔ nɛ Yerusalem pee ma doku, nɛ a sã agbo ɔmɛ! Nyɛ ha nɛ waa fia Yerusalem gbogbo ɔmɛ ekohu, konɛ wa zo ɔ nɛ je.”

Nehemia 2:3

nɛ i he nɔ ke, “Nɛnɛ, o yi nɛ na wa daa! Mɛni he je e sɛ kaa ye hɛ mi nɛ pee mɔbɔmɔbɔ, be mi nɛ ma nɛ a pu ye nɛmɛ ngɛ mi ɔ ku kɛ pueɔ si, nɛ la sã agbo ɔmɛ ɔ?”

Nehemia 7:6

Nihi nɛ Matsɛ Nebukadnezar nuu kɛ ho Babilonia ya a, a kpɛti ni komɛ kpale kɛ ba Yerusalem kɛ Yuda; nɛ nɔ tsuaa nɔ ho lɛ nitsɛ e ma mi ya.

Ester 1:1

Be ko ɔ, Persia matsɛ ko nɛ a tsɛɛ lɛ Ahasuerus ɔ ba ye tsɛ. E matsɛ ma biɛ ji Susa. Matsɛ nɛ ɔ ye ma 127 sɔuu a nɔ kɛ je India kɛ ya su Sudan tɔɔ.

La 79:4

Je ma amɛ nɛ bɔle wɔ ɔ bɔ wɔ ahlua; a muɔ wɔ, nɛ a ye wa he fɛu.

Abɛ Womi 25:28

Nɔ nɛ nyɛ we e he nɔ nɛ e ye ɔ, e ngɛ kaa ma nɛ a ba tua lɛ, nɛ a ku e gbogbo ɔmɛ kɛ pue si.

Yesaya 43:28

nɛ nyɛ ganɔ ɔmɛ hu ble ye he klɔuklɔu ɔ; lɔ ɔ he ɔ, i ha a kpata Israel hɛ mi; i ha a pue ye ma a hɛ mi si.”

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Yeremia 24:9

Ma ngɔ haomi nɛ nya wa wawɛɛ nitsɛ kɛ ba a nɔ, nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, a maa bɔ mɛ ahlua, nɛ a maa wo mɛ la ngɛ he tsuaa he nɛ ma fie mɛ kɛ ya a.

Yeremia 29:18

I kɛ ta, hwɔ, kɛ gbenɔ hiɔ maa nyɛɛ a se; nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, nɛ a maa bɔ mɛ ahlua ngɛ he tsuaa he nɛ ma fie mɛ kɛ ya.

Yeremia 39:8

Babilonia bi ɔmɛ sã matsɛ we ɔ, kɛ ma mi bi ɔmɛ a wehi, nɛ a ku Yerusalem gbogbo ɔmɛ ngɔ pue si.

Yeremia 42:18

“Yawɛ Tabohiatsɛ, Israel Mawu ɔ ke, ‘Bɔ nɛ i ngɔ ye mi mi la nɛ nya wa a kɛ kple Yerusalem ma mi bi ɔmɛ a nɔ ɔ, ja pɛ ma pee nyɛ ke nyɛ je kɛ ho Egipt ya. Nyɛ ma plɛ pee kita kami nɔ́, gbeye nɔ́, gbiɛmi nɔ́, kɛ ahlua nɔ́. Nyɛ be hiɛmɛ nɛ ɔ nae hu.’ ”

Yeremia 5:10

Ma tsɔ he nyɛli nɛ a ya poo ye ma mi bi ɔmɛ a wai tso ɔmɛ ngɔ pue si, se i be hae nɛ a kpata a hɛ mi pɛsɛpɛsɛ. Ma ha nɛ a kplɔ tso kɔni ɔmɛ, ejakaa pi imi Yawɛ, ye níhi ji mɛ.

Yeremia 52:14

nɛ e ta buli ɔmɛ hule gbogbo nɛ a fia kɛ wo ma a he ɔ.

Kɔmɔ Yemi 1:7

Benɛ Yerusalem ngɛ nɔ́ nae wawɛɛ ngɛ ma se ɔ, e kai e blema si himi, kɛ ní kpakpahi tsuo nɛ e ná a. Benɛ he nyɛli ɔmɛ a nine su e nɔ ɔ, nɔ ko nɔ ko ba ji ngmlaa ha lɛ. He nyɛli ɔmɛ ye e he fɛu, nɛ a bɔ lɛ ahlua ngɛ si nɛ e nɔ ɔ he.

Kɔmɔ Yemi 2:9

Zu ha agbo ɔmɛ a nɔ; a ku a se lami ní ɔmɛ a mi dukuduku. A nuu matsɛmɛ ɔmɛ, kɛ ganɔ ɔmɛ kɛ ho ma se ya. Nɔ ko tsɔɔ we mlaa a hu. Yawɛ je we nina kɛ ha we gbali ɔmɛ hu.

Kɔmɔ Yemi 3:61

“Yawɛ, ahlua nɛ a bɔ mi ɔ, o nu. Yi mi yaya tsuo nɛ a to kɛ wo ye he ɔ, o le.

Kɔmɔ Yemi 5:1

Yawɛ lee, mo kai amanehlu nɛ wa na a; moo hyɛ bɔ nɛ zo gbe wɔ ha.

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.

Mose III, 26:33

Ma ha ta maa nyɛɛ nyɛ se, nɛ ma gbɛ nyɛ ngɔ fĩa je ma amɛ tsuo a mi. Nyɛ maa je zugba a nɔ, nɛ ma amɛ ma plɛ ma dokuhi.