Nehemia 1:11 - BAIBLO ALOO NGMAMI KLƆUKLƆU Ɔ

¹¹ I kpa mo pɛɛ Nyɔmtsɛ, moo ba o tue si nɛ o nu ye kue fami, kɛ tsɔli ɔmɛ tsuo nɛ suɔ kaa a maa wo o biɛ ɔ hɛ mi nyami ɔ a kue fami ɔmɛ. Ha ma ye manye mwɔnɛ ɔ, nɛ o ha matsɛ ɔ nɛ na mi mɔbɔ.” Jamɛ a be ɔ mi ɔ, imi ji matsɛ ɔ dã wolɔ.

Nehemia 1:11 ပူးပေါင်းရင်းမြစ်များ

Mose I, 24:42

“Benɛ i ba su vu ɔ he mwɔnɛ ɔ, i fa kue ha Yawɛ ke, ‘Yawɛ, ye nyɔmtsɛ Abraham Mawu, ke o ngɛ hlae nɛ o ha nɛ ye blɔ nyɛɛmi ɔ nɛ da mi ɔ,

Mose I, 32:11

I kpa mo pɛɛ nɛ o je mi kɛ je ye nyɛmi Esau dɛ mi. I ngɛ gbeye yee kaa e ma ba tua wɔ nɛ e ma kpata waa kɛ wa yi ɔmɛ, kɛ wa bimɛ ɔmɛ tsuo wa hɛ mi.

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

Mose I, 40:1

Saii mi ɔ, Egipt matsɛ ɔ dã nɔ hyɛlɔ, kɛ abolo salɔ nɔkɔtɔma a ya tɔ a nyɔmtsɛ ɔ, nɛ ji Egipt matsɛ ɔ nɔ.

Mose I, 40:2

Farao ɔ mi mi fu e tsɔli enyɔ nɛ ɔmɛ,

Mose I, 40:21

E kɛ e dã nɔ hyɛlɔ nɔkɔtɔma a blɔ he ɔ ha lɛ ekohu kaa nɔ nɛ maa ngɔ Farao ɔ kplu ɔ kɛ wo e dɛ mi.

Mose I, 40:23

Se dã nɔ hyɛlɔ nɔkɔtɔma a kai we Yosef hu; e hɛ je e nɔ pɛsɛpɛsɛ.

Mose I, 41:9

Kɛkɛ nɛ Farao ɔ dã nɔ hyɛlɔ nɔkɔtɔma a de lɛ ke, “I ngɛ jajee mwɔnɛ ɔ kaa i tɔ̃.

Mose I, 43:14

Mawu Ope ɔ nɛ ha nɛ nyumu ɔ nɛ na nyɛ mɔbɔ, konɛ e ngmɛɛ Benyamin, kɛ nyɛ nyɛmi kaketsɛ ɔ he ha nyɛ. Imi lɛɛ ke ji ye bimɛ ma gbo kɛ wo mi aywilɛho po, e ba mi ja.”

Kronika II, 6:40

“Ye Mawu lee, i kpa mo pɛɛ nɛ o ba o tue si ha wɔ nɛ o hyɛ wɔ, konɛ ke nɔ ko ba fa kue ha mo ngɛ hiɛmɛ nɛ ɔ, o bu tue.

Ezra 1:1

Benɛ Persia matsɛ, Sirus ba ye tsɛ ɔ, kekleekle jeha a mi ɔ, Yawɛ ha nɛ nɔ́ nɛ lɛ, Yawɛ ɔ de kɛ gu gbalɔ Yeremia nɔ ɔ ba mi. Yawɛ ngɔ juɛmi ko kɛ wo Matsɛ Sirus yi mi kaa e fa nɛ a ngma munyu nɛ ɔ, konɛ a kane nɛ a fiɛ ngɛ e nɔ yemi he ɔ he tsuaa he.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Nehemia 1:6

Yawɛ, moo hyɛ mi, nɛ o ba o tue si ha mi. Kue nɛ i ngɛ fae ha mo nyɔ kɛ pia kɛ ha o tsɔli ɔmɛ nɛ ji Israel bi ɔmɛ ɔ, moo bu tue. I ngɛ jajee ke wɔ Israel ma a, wa pee yayami. I kɛ ye nɛmɛ ɔmɛ tsuo wa pee yayami.

Nehemia 2:1

Nyɔhiɔ eywiɛ se, ligbi ko benɛ Matsɛ Artaherhes ngɛ ní yee ɔ, i ngɔ wai ya ma e hɛ mi, nɛ i wo dã a ha lɛ. E nɛ ye hɛ mi nɛ pee mɔbɔmɔbɔ kaa ja hyɛ,

Nehemia 2:8

I bi hu ke a ha mi womi kɛ ya ha Asaf, nɔ nɛ hyɛɛ matsɛ ɔ hue ɔmɛ a nɔ ɔ, konɛ e ha mi tso nɛ ma kɛ kpɛ agbohi ha mɔ ɔ nɛ ngɛ Yawɛ we ɔ kasa nya a, kɛ gbogbo nɛ a fia kɛ bɔle ma a, kɛ imi nitsɛ ye we nɛ ma hi mi ɔ. Mawu ngɛ ye se, lɔ ɔ he ɔ, matsɛ ɔ ha mi níhi nɛ i bi lɛ ɔ tsuo.

La 106:46

E ha nɛ a ní pee nihi tsuo nɛ nuu mɛ nyɔguɛ ɔ mɔbɔ.

La 130:2

Nyɔmtsɛ, bu mi tue; bu ye pɛɛ kpami ɔ tue.

La 61:5

Mawu, si nɛ i wo mo ɔ, nu, nɛ nihi nɛ yee mo gbeye ɔ a weto ní ɔ, o ngɔ kɛ ha mi.

La 86:6

Yawɛ, moo bu ye kue fami ɔ tue. Pɛɛ nɛ i ngɛ mo kpae ɔ, moo nu ha mi koo!

Abɛ Womi 1:29

Ejakaa nyɛ bui nile he akɔtaa; Yawɛ hu, nyɛ yi lɛ gbeye.

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

Yeremia 42:12

Ma na nyɛ mɔbɔ, nɛ lɛ hu e maa na nyɛ mɔbɔ, nɛ e ma ha nɛ nyɛɛ kpale kɛ ya nyɛ nitsɛmɛ nyɛ zugba a nɔ. Imi, Yawɛ lɛ i de.’

Malaki 3:16

Kɛkɛ nɛ nihi nɛ yeɔ Yawɛ gbeye ɔ kɛ a sibi tu munyu, nɛ Yawɛ bu tue nɛ e nu nɔ́ nɛ a ngɛ dee ɔ. Ngɛ e hɛ mi ɔ, a ngma nihi tsuo nɛ a yeɔ Yawɛ gbeye, nɛ a buɔ lɛ ɔ a biɛ.

Hebribi 13:18

Nyɛɛ sɔle ha wɔ daa. Wa le kaa wa he nile bui wɔ fɔ; ejakaa be tsuaa be ɔ, wa suɔ kaa nɔ́ tsuaa nɔ́ nɛ wa maa pee ɔ, bu nɛ hi he.