Nahum 3:6 - BAIBLO ALOO NGMAMI KLƆUKLƆU Ɔ

⁶ Ma pue o hɛ mi si, nɛ o maa pee kaa nɔ ko nɛ a plɛ níhi nɛ a hiee ngɔ pue e nɔ. Nihi maa hyɛ mo gaa, nɛ a maa ye gbeye.

Nahum 3:6 ပူးပေါင်းရင်းမြစ်များ

Hiob 30:19

Mawu tsitsɛɛ mi kɛ wo mɔsɔ mi, nɛ i pee kaa tabo zu, aloo la zu.

Hiob 30:8

Yakayaka nimli, kɛ ni guhi ji mɛ tsuo, nihi nɛ a fia a nane si tu kɛ je ma a mi.

Hiob 9:31

Mawu ma sake mi kɛ wo muɔ mi, nɛ ye he zo maa pee imi nitsɛ ye tadehi.

Yeremia 51:37

Ma ha nɛ Babilon maa pee ma doku; e maa pee nga mi gbehi a hi he, nɛ nɔ ko nɔ ko be lejɛ ɔ hie hu. Nihi nɛ ma ba be ngɛ lejɛ ɔ, a nya maa kpɛ a he, nɛ a maa ye gbeye.

Kɔmɔ Yemi 3:16

E ha nɛ i kokloo si ngɛ zugba, nɛ ye lungu kli kaa nɔ nɛ kpe tɛ ngmlitsa.

Ezekiel 16:37

Zo ní nɛ ɔmɛ tsuo nɛ o tsu he je ɔ, ni nɛmɛ nɛ o suɔ mɛ, nɛ o kɛ mɛ fiɛ, kɛ ni nɛmɛ nɛ o sume a sane ɔ, ma bua mɛ tsuo a nya kɛ bɔle mo kɛ kpe; kɛkɛ ɔ, ma kpa o he bo tsuo ngɛ o he, konɛ mɛ tsuo a na o he gu saplapaa a.

Nahum 1:14

Kita nɛ Yawɛ ka ngɛ Asiria bi ɔmɛ a he ji nɛ ɔ nɛ: “A nina ko be si hie; a biɛ maa laa. Ma poo amaga amɛ nɛ ngɛ a wɔ piɛ ɔmɛ a mi ɔ ngɔ pue he. I ngɛ yɔkɔ tsuae ngɔ to Asiria bi ɔmɛ, ejakaa e sɛ kaa a hi je mi!”

Habakuk 2:16

Jehanɛ lɛɛ o be ɔ su nee! A be o hɛ mi nyami woe hu, se mohu a ma pue o hɛ mi si. Mo nitsɛ o maa tɔ dã, nɛ o maa tataa si. Yawɛ ma ha nɛ mo nitsɛ o yayami nɛ o pee ɔ maa gbla o tue; a be o hɛ mi nyami woe; o hɛ mi si mohu a ma pue.

Zefania 2:15

Ma nɛ e mi bi woɔ a he nɔ, nɛ a fĩaa ngɔ fɔɔ mɛ nitsɛmɛ a he wami nɔ, nɛ a deɔ a he ke ma ko be nɛ kɛ mɛ sɔ ɔ, nɔ́ nɛ maa ba jamɛ a ma a nɔ ji nɛ ɔ nɛ. Nineve maa pee ma doku, nɛ pu mi lohwehi ma ba jɔɔ a he ngɛ lejɛ ɔ. Nɔ tsuaa nɔ nɛ ma ba be ngɛ lejɛ ɔ, ma huanya e yi, nɛ e ma de ke, “Tsia!”

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Malaki 2:3

Ma gbla nyɛ bimɛ ɔmɛ a tue. Lohwehi nɛ nyɛɛ kɛ ba sãã bɔ ha mi ɔ, ma ngɔ a fĩ kɛ kpa nyɛ hɛ mi. Nɛ a maa ngɔ nyɛ kɛ ya pue kuku nɔ.

Malaki 2:9

Enɛ ɔ he je ɔ, imi hu ma ha nɛ Israel bi ɔmɛ maa hie nyɛ, ejakaa nyɛ pee we ye suɔmi nya ní; mlaa a hu, nihi a hɛ mi lɛ nyɛ hyɛɛ kɛ tsɔɔ.”

1 Korintobi 4:13

Ke a ngɛ wa biɛ puɛe ɔ, wa bɔɔ mɔde kaa wɔɔ lɛɛ wa maa tu he jɔmi munyu. Je ɔ buu wɔ kaa kuku kɛ ba si mwɔnɛ ɔ.

1 Korintobi 4:9

Ejakaa e peeɔ mi kaa Mawu ngɔ wɔ bɔfo ɔmɛ ngɔ pee sekpɛli. Wa ngɛ kaa nihi nɛ a bu mɛ gbenɔ fɔ, konɛ a gbe mɛ ngɛ ma hɛ mi, nɛ je ɔ, hiɔwe bɔfohi, kɛ adesahi tsuo nɛ na mɛ.

Hebribi 10:33

Be komɛ ɔ, a jɛɔ nyɛ, nɛ a peeɔ nyɛ nisɛ ní ngɛ ma hɛ mi; nɛ be komɛ hu, a buu nyɛ kɛ piɛɔ nihi nɛ a ngɛ mɛ yi mi wae ɔ a he.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.