Nahum 3:2 - BAIBLO ALOO NGMAMI KLƆUKLƆU Ɔ

² Bu tue! Okpɔngɔ kpa amɛ ngɛ pɛe fioko, fioko! Tlɔɔke nane ɔmɛ a nya ngɛ pɛe kpata, kpata! Okpɔngɔ ɔmɛ ngɛ tue glɛi, glɛi, glɛi! Nɛ ta zugba lɛ ɔmɛ hu ngɛ si hɛe kplalala, kplalala!

Nahum 3:2 ပူးပေါင်းရင်းမြစ်များ

Yesaya 9:5

Ta buli nɛ ma wɔ tuami ɔ, a tokota amɛ, kɛ a tade ɔmɛ nɛ muɔ sɛ mi ɔ, a kɛ la maa sã lɛ tsuo, kaa lɛ́ ngɛ la mi.

Yeremia 47:3

A maa nu nɛ okpɔngɔhi a nane kokloto ngɛ si sie glɛi, glɛi, glɛi! A maa nu nɛ zugba lɛhi a nane ngɛ pɛe kplakatsa, kplakatsa, kplakatsa! Tsɛmɛ be plɛe nɛ a hyɛ a bimɛ; a nine mi maa je wu.

Yoel 2:4

Baalɛ ɔmɛ maa pee kaa okpɔngɔhi; a maa tu fo kaa ta okpɔngɔhi.

Yoel 2:5

A maa tuu ngɛ yo ɔmɛ a nɔ, nɛ a nane si maa hi pɛe kaa ta zugba lɛhi; nɛ ke a ngɛ ní kpee ɔ, e maa pɛ kaa nga nɛ ngɛ sãe. A maa to slɛnɛɛ kaa tabo ngua ko nɛ gba ta kɛ ma.

Manyadali 5:22

Kɛkɛ nɛ okpɔngɔ ɔmɛ tuu kɛ ba; a si a nane kokloto si.