Nahum 3:19 - BAIBLO ALOO NGMAMI KLƆUKLƆU Ɔ

¹⁹ Tsa ba ko be ha o plaami ɔmɛ, nɛ o pa a kle. Nihi tsuo nɛ maa nu o hɛ mi kpatami ɔ he ɔ, a bua maa jɔ, nɛ a maa fia a dɛ. Yi wu tso níhi babauu nɛ o pee ɔ, anɛ nɔ ko ngɛ nɛ e he je mi lo?

Nahum 3:19 ပူးပေါင်းရင်းမြစ်များ

Hiob 27:23

Kɔɔhiɔ nɛ nya wa nɛ ɔ ma kpa fiifii kɛ nyɛɛ e se kɛ fo kɛ wo e he gbeye. E maa pee lɛ kaa nihi lɛ a ngɛ a dɛ fiae kɛ ngɛ lɛ fiee kɛ je he nɛ e hii ɔ.

Yesaya 37:11

Mo nitsɛ o nu níhi nɛ Asiria matsɛmɛ ɔmɛ pee zugba amɛ; bɔ nɛ a kpata a hɛ mi butuu. Nɛ moo lɛɛ o susu kaa o maa ye o he lo?

Yesaya 37:18

Yawɛ, wɔ tsuo wa le kaa Asiria matsɛmɛ ɔmɛ kpata je mahi, kɛ a zugbahi babauu a hɛ mi,

Yeremia 10:22

Nyɛɛ bu tue! Sɛ gbi ko ma! Ose ko ngɛ pɛe kɛ je omleyi je zugba a nɔ kɛ ma. Ta nguaa ko ma nɛ e ba kpata Yuda ma amɛ a hɛ mi, nɛ ma amɛ maa pee kaa nga mi gbehi a hi he.”

Yeremia 30:12

Bɔ nɛ Yawɛ ngɛ e ma a dee ji nɛ ɔ nɛ: “Nyɛ plaa wawɛɛ nitsɛ; nyɛ pa a be tsa ba.

Yeremia 46:11

Egipt ma, nyɛɛ ya Gilead nɛ nyɛ ya hla tsopa ngɛ lejɛ ɔ! Tsopahi babauu nɛ nyɛ ngɛ pee ɔ he be se nami; nyɛ be he wami nae.

Kɔmɔ Yemi 2:15

Nihi tsuo nɛ ba guu ma a nya kɛ bee ɔ, hwɔɔ o yi; a huanyaa a yi, nɛ a yeɔ o he fɛu. A deɔ ke, “Jamɛ a ma kɛ e he fɛu ɔ ji nɛ ɔ? Je ɔ tsuo fiami nɔ́ ɔ ji nɛ ɔ lo?”

Ezekiel 25:6

“Bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ: O fia o dɛ mi, nɛ o si si. O bui Israel zugba a, ejakaa o ngɛ e he juɛmi yaya.

Yona 1:2

“Yaa Nineve ma nguaa a mi nɛ o ya kuɛ wo ma mi bi ɔmɛ, nɛ o de mɛ ke, i na paa kaa a yi mi wami ɔ su he ko jehanɛ.”

Mika 1:9

Samaria ma mi bi ɔmɛ a he pa a be tsa ba; Yuda hu miɔ nɛ e maa sɛ jamɛ a haomi ɔ nɔuu mi. Lɔ ɔ ji kaa hɛ mi kpatami su ye ma, Yerusalem agbo ɔ nya.”

Kpojemi 13:7

A ngmɛ lɛ blɔ nɛ e kɛ ni klɔuklɔu ɔmɛ hwu ta, nɛ e ye a nɔ. A ha lɛ he wami ngɛ wɛtso munomuno, nimli munomuno, kɛ gbi munomuno tsuo a nɔ.

Kpojemi 17:2

Matsɛmɛ ɔmɛ nɛ ngɛ je ɔ mi ɔ kɛ lɛ bɔ ajuama; nɛ nimli nɛ ngɛ zugba a nɔ ɔ pee kaa nihi nɛ tɔ dã, benɛ e kɛ mɛ fiɛ yakayaka fiɛmi ɔ.”

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!