Nahum 3:15 - BAIBLO ALOO NGMAMI KLƆUKLƆU Ɔ

¹⁵ Bɔ tsuaa bɔ nɛ pee ɔ, ja a sã mo, loo ja o nɔ ngɛ ta mi. Kaa bɔ nɛ baalɛ yeɔ ní kɛ pii si ɔ, jã a ma kpata o hɛ mi pɛsɛpɛsɛ. O fɔ babauu, nɛ o he hiɛ kaa baalɛ!

Nahum 3:15 ပူးပေါင်းရင်းမြစ်များ

Yoel 1:4

Baalɛ kuuhi babauu ba, ba puɛ ngmɔ niba ní tsuo: Kekleekle kuu ɔ ba poo ní, nɛ a kpe. Enyɔne ɔ ba kpe niba ní nɛ piɛ ɔ. Etɛne ɔ ba kpe kakaaka nɛ piɛ ngɛ se ɔ. Nyagbe kuu ɔ ba ye niba ní nɛ piɛ ngɛ sisi ɔ tsuo.

Nahum 3:13

O ta buli ɔmɛ ngɛ kaa yihi pɛ; ke he nyɛli ba tua ma a, nɔ ko be nyɛe maa te si kɛ wo mɛ. La maa sã agbo ɔmɛ a se lami ní ɔmɛ.

Nahum 2:13

Yawɛ Tabohiatsɛ ɔ ke, “I kɛ mo ná! Ma sã o ta zugba lɛ ɔmɛ. Ma kpata o ta buli ɔmɛ a hɛ mi ngɛ ta mi. Níhi tsuo nɛ o kpɔ ngɛ nihi a dɛ ɔ, ma ngɔ. A be o he wami he nue hu ngɛ je ɔ mi.”

Zefania 2:13

Yawɛ maa gbla omleyi je ma amɛ a tue. E ma kpata Asiria hɛ mi, nɛ Asiria ma nguaa a nɛ a tsɛɛ Nineve ɔ maa pee ma doku kaa nga kplanaa nɔ.

Yoel 2:25

Ní nɛ baalɛ ɔmɛ ba ha nɛ a ye jeha babauu ɔ, ma ha nyɛ ekohu. Imi nitsɛ nɛ i je baalɛ slɔɔtoslɔɔtohi a ta nguaa nɛ ɔ kɛ wo nyɛ ɔ nɛ.

Yesaya 66:15

Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Yesaya 66:16

Nihi tsuo nɛ yeɔ fɔ ngɛ je ɔ mi ɔ, Yawɛ maa ngɔ la kɛ klaate kɛ kpata a hɛ mi. Nɛ nihi babauu ma gbo.

Yeremia 51:14

Yawɛ Tabohiatsɛ ɔ ka e he kita ke e maa ngɔ nihi babauu kaa baalɛhi kɛ ba tua Babilonia. A maa ye kunimi, nɛ a ma hwɔ lele.

Amos 7:1

Nɔ́ ko nɛ Nyɔmtsɛ Yawɛ je ngɔ tsɔɔ mi ngɛ nina mi ji nɛ ɔ nɛ. I na lɛ nɛ e ngɛ baalɛhi babauu bɔe be mi nɛ a poo nga kɛ ha matsɛ ɔ ta. Jamɛ a be ɔ mi nɔuu lɛ nga mumu bɔni puɛmi ekohu.