Nahum 3:13 - BAIBLO ALOO NGMAMI KLƆUKLƆU Ɔ

¹³ O ta buli ɔmɛ ngɛ kaa yihi pɛ; ke he nyɛli ba tua ma a, nɔ ko be nyɛe maa te si kɛ wo mɛ. La maa sã agbo ɔmɛ a se lami ní ɔmɛ.

Nahum 3:13 ပူးပေါင်းရင်းမြစ်များ

La 107:16

E ku akɔblee agbo ɔmɛ, nɛ e poo agbo se lami dade ɔmɛ a mi.

La 147:13

Ejakaa e peeɔ o we agbo ɔmɛ a se lami ní ɔmɛ kpɛii, nɛ e gbaa o bimɛ ɔmɛ.

Yesaya 19:16

Be ma nɛ Egipt bi ɔmɛ maa pee a he fɔ̃li kaa yihi. Ke a na kaa Yawɛ Tabohiatsɛ ɔ miɔ nɛ e kɛ e he wami ɔ maa gbla a tue ɔ, a he ma bɔni domi blibliibli.

Yeremia 50:36

Ta ma ba na lakpa gbali ɔmɛ, nɛ a ma plɛ pee kuasiahi! Ta ma ba na ta buli ɔmɛ, nɛ sawale maa nu mɛ!

Yeremia 50:37

Ta ma ba na okpɔngɔ ɔmɛ, kɛ zugba lɛ ɔmɛ; ta ma ba na ma se ta buli tsuo nɛ ngɛ Babilonia a; a he wami maa ta, nɛ a maa pee kaa yihi pɛ! A maa ha a juetli tsuo!

Yeremia 51:30

Babilonia ta buli ɔmɛ kpa ta hwumi, nɛ a hii si ngɛ a mɔ ɔmɛ a mi. A kɔni mi jɔ̃, nɛ a pee kaa yihi. Babilonia agbo ɔmɛ ku kɛ pueɔ si, nɛ we ɔmɛ sã.

Obadia 1:9

Sawale maa nu Teman ta hwuli kpanaa amɛ, nɛ a maa gbe Edom ta bulɔ tsuaa ta bulɔ.” Mawu lɛ de.

Nahum 2:6

Tlukaa a, agbo ɔmɛ nɛ ngɛ pa a nya a bli, nɛ sawale nu nɔ tsuaa nɔ ngɛ matsɛ we ɔ mi.

Nahum 2:7

A nu manyɛ ɔ kɛ ho; e mawayi ɔmɛ wo yana kɛ gbi nɛ ngɛ kaa lahuɛhi a gbi, nɛ a gba a gugue ma kɛ ye kɔmɔ.

Nahum 3:15

Bɔ tsuaa bɔ nɛ pee ɔ, ja a sã mo, loo ja o nɔ ngɛ ta mi. Kaa bɔ nɛ baalɛ yeɔ ní kɛ pii si ɔ, jã a ma kpata o hɛ mi pɛsɛpɛsɛ. O fɔ babauu, nɛ o he hiɛ kaa baalɛ!