Nahum 3:11 - BAIBLO ALOO NGMAMI KLƆUKLƆU Ɔ

¹¹ Nineve, mo hu o maa pee kaa nɔ nɛ tɔ dã! O ma hla kaa o maa je o he nyɛli ɔmɛ a dɛ mi.

Nahum 3:11 ပူးပေါင်းရင်းမြစ်များ

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 2:10

A ma ya laa a he ngɛ tɛ puɔhi a mi, aloo a maa tsua muɔhi, konɛ a laa a he kɛ je Yawɛ we abofu nɛ he wa a, kɛ e hɛ mi nyami ɔ nya!

Luka 23:30

Jamɛ a be ɔ, nihi ma de ke, ‘Wa na nɛ yo ɔmɛ ba nɔ wa nɔ; nɛ yoku ɔmɛ ha wa nɔ.’

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Hosea 10:8

Wɔ piɛhi nɛ ngɛ Aven yoku ɔ nɔ, he nɛ Israel ma a ya jaa amaga amɛ ngɛ ɔ, a ma kpata a hɛ mi. Mio tso, kɛ hu maa bɔ kɛ pue a bɔ sami la tɛ ɔmɛ a nɔ. Nɛ Israel bi ma kpa ngmlaa ma de yo gagaa amɛ ke, “Nyɛ ba ha wa nɔ!” nɛ a ma de yoku ɔmɛ ke, “Nyɛ ba nɔ wa nɔ!”

Yeremia 4:5

Nyɛ kpa titimati ngɛ zugba a nɔ tsuo! Nyɛ kpa bubuubui! Nyɛ de Yuda ma a, kɛ Yerusalem bi ɔmɛ ke a tu fo kɛ ya mahi nɛ a fia gbogbo kɛ wo a he ɔ a mi.

Yesaya 2:19

Nihi ma ya laa a he ngɛ tɛ puɔhi a mi ngɛ yo ɔmɛ a nɔ, aloo a maa tsua muɔhi, konɛ a laa a he ngɛ mi kɛ je Yawɛ we abofu nɛ he wa a, kɛ e hɛ mi nyami ɔ nya, ke e ba nɛ e ba mimiɛ zugba a.

La 75:8

Yawɛ hɛɛ kplu ko ngɛ e dɛ mi, nɛ dã kpakpa nɛ nya wa hyi lɛ tɔ. E maa po dã nɛ ɔ ha nimli yayamihi tsuo, nɛ a maa hi nue hluu kɛ yaa si dã a sisi tɔɔ.

Nahum 2:1

Nineve, ta tua mo! Nyɛ ya da nyɛ blɔ hehi ngɛ gbogbo ɔmɛ a he! Nyɛɛ bu blɔ ɔmɛ a he! Nyɛɛ mia kɛ ha ta!

Mika 7:17

A maa sã si ngɛ tabo zu mi kaa sinɔhi. A kɛ he domi kɛ gbeye yemi maa je a mɔ ɔmɛ a mi kɛ ba Yawɛ, wa Mawu ngɔ.

Amos 9:3

Ke a ya laa a he ngɛ Karmel yo ɔ yi mi tete po, ma ya hla mɛ ngɛ lejɛ ɔ nɛ ma nu mɛ. Nɛ ke a ya laa a he ngɛ wo ɔ sisi tɔɔ po, ma fa wo mi sinɔ ɔ nɛ e ma ya kɔɔ mɛ ngɛ lejɛ ɔ.

Yeremia 51:57

Ma ha nɛ a ma nimeli ɔmɛ, ní leli ɔmɛ, amlaalo ɔmɛ, ma ní tsuli ɔmɛ, kɛ ta buli ɔmɛ maa tɔ dã. Ke a hwɔ si ɔ, a be si tee hu. Imi, matsɛ ɔ lɛ i de. Ye biɛ ji Yawɛ Tabohiatsɛ.

Yeremia 8:14

Mawu ma a mi bi ɔmɛ bi a he ke, “Mɛni he je lɛ wa hii si ngɛ hiɛmɛ nɛ ɔ kɛ mwɔɔ? Nyɛ ha nɛ waa tu fo kɛ ya mahi nɛ a fia gbogbo ngɔ wo a he ɔ a mi, nɛ wa ya gbo ngɛ jamɛ a ma amɛ a mi. Yawɛ, wa Mawu ɔ bu wɔ gbenɔ fɔ, nɛ e ngɔ nyu kɛ kplu nɛ duɔ ngɛ mi ngɔ ha wɔ ke waa nu, ejakaa wa pee yayami kɛ si lɛ.

Yesaya 63:6

I kɛ mi mi la naa je ma amɛ a nɔ basabasa, nɛ i gbɛ mɛ ngɔ fĩa. I tsɛ̃ a muɔ ngɔ pue zugba.”

Yesaya 29:9

Nyɛɛ ya nɔ nɛ nyɛɛ hi biɛe, nɛ nyɛɛ pee nyɛ he nihi nɛ li nɔ́! Nyɛɛ pee nyɛ he hɛ yuyuili! Nyɛɛ pee nyɛ he dã tɔli, be mi nɛ nyɛ nui wai ko! Nyɛ tataa si kaa dã tɔli, be mi nɛ nyɛ nui dã nɛ nya wa ko!

Samuel I, 14:11

Lɔ ɔ he ɔ, mɛ ni enyɔ ɔmɛ a ya je a he kpo ngɔ tsɔɔ Filisti bi ɔmɛ. Filisti bi ɔmɛ de ke, “Nyɛɛ hyɛ! Hebri bi komɛ hia kpo kɛ je muɔ ɔmɛ nɛ a ya laa a he ngɛ mi ɔ a mi kɛ ma.”

Samuel I, 13:6

A ya tua Israel bi ɔmɛ wawɛɛ nitsɛ, nɛ Israel bi ɔmɛ na kaa a yi fi. Lɔ ɔ he ɔ, a ya laa a he ngɛ tɛ puɔhi, muɔhi, yɔkɔhi, vuhi, kɛ tɛ sahi a mi;