Nahum 3:10 - BAIBLO ALOO NGMAMI KLƆUKLƆU Ɔ

¹⁰ Se kɛ̃ ɔ, a nuu Tebes bi ɔmɛ nyɔguɛ kɛ ho ma se ya. A fiaa jokuɛwi ɔmɛ ní nɛ a gbe ngɛ ma a mi blɔ ɔmɛ a kɔ nya amɛ tsuo. A nuu a ma nimeli ɔmɛ, nɛ a wo mɛ kɔsɔkɔsɔ kɛ ho. A dla mɛ ngɔ ha nihi nɛ ba nuu mɛ ɔ.

Nahum 3:10 ပူးပေါင်းရင်းမြစ်များ

Yesaya 20:4

Asiria matsɛ maa nuu nihi ngɛ ma enyɔ nɛ ɔmɛ a mi, nɛ e ma kpaka mɛ kɛ ho kɛ a he gu. Jokuɛwi kɛ nikɔtɔmahi tsuo maa nyɛɛ a nane gu, nɛ a maa hɛɛ a he gu; a supa nya tsuo maa fɔ si gu, nɛ zo maa gbe Egipt.

Obadia 1:11

“Benɛ he nyɛli ɔmɛ ba ywia agbo ɔmɛ ɔ, o daa si ngɛ se banee. Nihi nɛ ba muɔ Yerusalem june ɔmɛ kɛ ho nɛ a ya dla ngɔ ha a he ɔ, o ngɛ kaa mɛ pɛ.

Yoel 3:3

A fɔ sɔ kɛ dla nyɔguɛhi nɛ a nuu ngɛ ta mi ɔ ngɔ ha a he. A kɛ nyumuwi ɔmɛ tsake yaholi, nɛ a jua yiwi ɔmɛ kɛ he wai nɛ a nu.

Hosea 13:16

A maa gbla Samaria tue, ejakaa e tsɔ ye hɛ mi atuã. Ta ma kpata ma a mi bi ɔmɛ a hɛ mi; a maa ngɔ a bimwɔwi ɔmɛ ngɔ fiaa si, nɛ a kɛ klaate ma fɛ yihɔyi ɔmɛ a mi mi.”

Kɔmɔ Yemi 2:19

Tee si nɛ o nya awe nyɔnyɔɔnyɔ ha Nyɔmtsɛ ɔ. Moo fa kue ha lɛ kɛ o tsui tsuo, nɛ o kpa lɛ pɛɛ nɛ e na o bimɛ ɔmɛ mɔbɔ. Hyɛ kaa hwɔ ngɛ jokuɛwi gbee ngɛ gbɛjegbɛ ɔmɛ tsuo a nɔ ngɛ he tsuaa he.

Yesaya 13:16

A maa ngɔ a bimwɔwi ngɔ fiaa si, nɛ a ma gbo; a maa ha a we mi níhi, nɛ a maa pee a yi ɔmɛ basabasa ngɛ a hɛ mi paa.”

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.

Kɔmɔ Yemi 4:1

Hyɛ bɔ nɛ wa sika tsu ɔ pee tuu ha! Hyɛ bɔ nɛ sika tsu ngmingmiingmi ɔ tsake ha. Mawu we ɔ tɛ ɔmɛ gbɛ fĩa gbɛjegbɛ ɔmɛ a nɔ tsuo.

Yesaya 13:6

Nyɛ kpa bubuubui! Yawɛ ligbi ɔ su jehanɛ. Ligbi nɛ Tabohiatsɛ ɔ ma kpata níhi a hɛ mi ji nɛ ɔ nɛ.

La 137:8

Mo Babilon, ja a kpata o hɛ mi kokooko! A gbaa nɔ nɛ maa pee mo kɛ to nane mi kaa bɔ nɛ o pee wɔ ɔ.

Matsɛmɛ II, 8:12

Hazael bi lɛ ke, “Ye nyɔmtsɛ, mɛni he je o ngɛ ya foe ɔ?” Elisha he nɔ ke, “Ejakaa i le ní yayamihi nɛ o maa pee Israel ma a. O maa mɛ a mɔ ɔmɛ a he la; o kɛ klaate maa gbe a nihewi ɔmɛ; o maa ngɔ a bimɛ tsɔwitsɔwi ɔmɛ kɛ fia si, nɛ a maa ku dukuduku. Yihɔyi ɔmɛ lɛɛ o ma gba a muklii ɔmɛ.”

Hiob 6:27

Anɛ nyɛ ma nyɛ maa fɔ awusa bi nɔ sɔ lo? Anɛ nyɛ ma nyɛ maa wo nyɛ huɛ he jua lo?

La 137:9

A gbaa nɔ nɛ maa ngɔ o bimɛ tsɔwitsɔwi ɔmɛ kɛ fiaa tɛ sa.

La 149:8

Á wo a matsɛmɛ ɔmɛ kɔsɔkɔsɔ, nɛ a we ablade ɔmɛ ɔ, a bɔ mɛ dade pã;

Yesaya 19:4

Ma ngɔ Egipt bi ɔmɛ ngɔ wo matsɛ yiwutsotsɛ ko dɛ mi; e maa ye a nɔ, nɛ a ma tsu ní kpakpataa ha lɛ. Imi, Nyɔmtsɛ Yawɛ Tabohiatsɛ ɔ lɛ i de.”

Ezekiel 29:7

Benɛ a pɛtɛ he ɔ, e ku, nɛ e plaa a konɔ tsuo. A ke a ma kpasa lɛ ɔ, e ku nɛ e ha a nanehi hluã.