Nahum 2:8 - BAIBLO ALOO NGMAMI KLƆUKLƆU Ɔ

⁸ Nineve ma mi bi ɔmɛ bu kɛ je kpo kɛ je ma a mi kɛ fo kaa bɔ nɛ nyu bee yayaaya kɛ jee taku nɛ gba dɔ tlukaa mi ɔ. A nu ngmlaa ke, “Nyɛɛ da si! Nyɛɛ da si!” Se nɔ ko nɔ ko plɛ we nɛ e hyɛ e se.

Nahum 2:8 ပူးပေါင်းရင်းမြစ်များ

Kpojemi 17:15

Bɔfo ɔ ya nɔ nɛ e de mi ke, “Nyu kpekpemi ɔ nɛ o na nɛ yo ajuama a hii si ngɛ nɔ ɔ daa si ha mahi, je mahi, nimli slɔɔtoslɔɔtohi, kɛ gbi munomunohi.

Kpojemi 17:1

Enɛ ɔ se ɔ, bɔfo kpaago ɔmɛ nɛ hɛɛ kplu kpaago ɔmɛ a ti nɔ kake ba de mi ke, “Ba nɛ ma tsɔɔ mo bɔ nɛ Mawu maa gbla ajuama kpanaku ɔ tue ha. Jamɛ a ma kpetekpleenyɛ ɔ nɛ a ma ngɔ fɔ pahi babauu a tue ɔ i ngɛ tsɔɔe ɔ nɛ.

Nahum 3:17

O ma ní tsuli ɔmɛ hiɛ babauu kaa baalɛhi. Fĩɛ be mi ɔ, a laa a he ngɛ gbogbo ɔmɛ a mi. Se ke pu je pɛ a te, nɛ nɔ ko li he nɛ a yaa!

Yeremia 51:30

Babilonia ta buli ɔmɛ kpa ta hwumi, nɛ a hii si ngɛ a mɔ ɔmɛ a mi. A kɔni mi jɔ̃, nɛ a pee kaa yihi. Babilonia agbo ɔmɛ ku kɛ pueɔ si, nɛ we ɔmɛ sã.

Yeremia 50:16

Nyɛɛ fie ní duli, kɛ ní kpali kɛ a dɛ mi ha kɛ je Babilon. Nibwɔhi nɛ ngɛ ma a mi ɔ, a maa ye ta nɛ ba tua mɛ ɔ gbeye, nɛ a maa je kɛ ho mɛ nitsɛmɛ a zugba nɔ ya.”

Yeremia 46:5

Yawɛ bi ke, “Se mɛni i ngɛ hyɛe ɔ? Sawale nu Egipt tabo ɔ, nɛ a gbee senyasenya kɛ ma. A ye a ta buli kpanaa amɛ a nɔ; a kɛ gbenɔ kɛ kã tu fo kɛ ma kitikiti, nɛ a plɛ we nɛ a hyɛ a se.

Yesaya 48:20

Nyɛɛ je Babilon esɔesɔ; nyɛ wo fo! Nyɛ hwɔ lele nɛ a nu ngɛ he tsuaa he ke, “Yawɛ he e tsɔlɔ Israel yi wami!”

Yesaya 47:13

Nihi nɛ le hiɔwe níhi a mi, nihi nɛ kase dodoe ɔmɛ a he ní, kɛ nihi nɛ pee hiɔwe mi dlami ɔmɛ a he foni, nɛ a deɔ mo níhi nɛ maa ba o nɔ nyɔhiɔ tsuaa nyɔhiɔ mi ɔ, ha nɛ a ba nɛ a ba he o yi wami koo! Se pɔ tɔ mo kɛ a ga womi ɔmɛ!

Yesaya 13:14

“Nibwɔhi nɛ ngɛ Babilon ɔ maa ma fo kɛ ho mɛ nitsɛmɛ a zugbahi a nɔ ya; a maa gbɛ fĩa kaa odabɔhi nɛ ngɛ fo tue kɛ je de dali a blɔ mi, loo kaa tohi nɛ be hyɛlɔ.

Mose I, 10:11

Se e je lejɛ ɔ kɛ ya Asiria, nɛ e ya po mahi ngɛ Nineve, Rehobot Ir, Kala,

Yeremia 51:13

Pahi fuu ngɛ jamɛ a zugba a nɔ, nɛ a juetli hu hiɛ babauu. Se a nyagbe ɔ su; a po a wami kpa a.

Yeremia 47:3

A maa nu nɛ okpɔngɔhi a nane kokloto ngɛ si sie glɛi, glɛi, glɛi! A maa nu nɛ zugba lɛhi a nane ngɛ pɛe kplakatsa, kplakatsa, kplakatsa! Tsɛmɛ be plɛe nɛ a hyɛ a bimɛ; a nine mi maa je wu.

Nahum 1:1

Sɛ gbi nɛ kɔɔ Nineve ma a he ji nɛ ɔ nɛ. Nina nɛ Nahum nɛ je Elkosh ɔ na ngɛ Nineve he ji nɛ ɔ nɛ.

Yesaya 38:14

Ye gbi mia, he wami ko be hu. I ngɛ kɛmɛe kaa beleku lahuɛ. I hyɛ hiɔwe hluu kɛ ya si pɔ tɔ ye hɛngmɛ he. Nyɔmtsɛ, i kpa mo pɛɛ, e fi mi; jé mi kɛ je haomi nɛ ɔ mi.

Yesaya 59:11

Wɔ tsuo wa yeɔ gbeye, nɛ wa ní peeɔ mɔbɔ. Wa hyɛɛ Mawu blɔ kaa e ma ba he wa yi wami kɛ je pimi kɛ amimi mi, se lɛ tsuo peeɔ yaka.