Nahum 2:5 - BAIBLO ALOO NGMAMI KLƆUKLƆU Ɔ

⁵ A tsɛ asafoatsɛmɛ ɔmɛ; nɛ benɛ a hɛɛ fo kitikiti kɛ yaa a, a ngɛ si tɛe. He nyɛli ɔmɛ a he sɔ kɛ ya su gbogbo ɔ he, nɛ a wo tsɛ̃i ɔ nɔ kɛ ma si.

Nahum 2:5 ပူးပေါင်းရင်းမြစ်များ

Yeremia 46:12

Je ma amɛ nu kaa nyɛ hɛ mi pue si; nɔ tsuaa nɔ nu ngmlaa nɛ nyɛ ngɛ kpae ɔ. Katsɛmɛ ɔmɛ ngɛ a sibi tɛe, nɛ a ngɛ si nɔɔe.

Nahum 3:18

Asiria matsɛ, o we amlaalo ɔmɛ gbo, nɛ o ma nimeli ɔmɛ hwɔ mahe kɛ yaa neneene! O we bi ɔmɛ gbɛ fĩa yo ɔmɛ a nɔ, nɛ nɔ ko be nɛ maa ngɔ mɛ kɛ ba we ekohu.

Nahum 3:3

Ta buli nɛ hi okpɔngɔhi a nɔ ba tua ma a; klaate ɔmɛ ngɛ la pãe nylamnylam! Nɛ akplɔ ɔmɛ ngɛ kpɛe plamplam! A bua ni gbogboe ɔmɛ a nya glekuuglekuu; nihi nɛ gbo ɔ hiɛ babauu; a li a yibɔ; a ngɛ mɛ tɛe, nɛ a ngɛ a nɔ nɔe ngɛ a blɔ mi!

Yeremia 50:29

“Nyɛ ha nɛ nihi nɛ le kɛ̃ɛ̃ tsɛ̃mi ɔ, a ya nɛ a ya tua Babilon. Nyɛ ha nɛ ni nɛmɛ tsuo nɛ tsuɔ kɛ̃ɛ̃ he ní ɔ, a ya sa ma a yi kɛ kpe, nɛ nɔ ko nɔ ko nɛ ko tu fo kɛ je. Nyɛɛ gbla e tue ngɛ níhi nɛ e pee ɔ tsuo he. Bɔ nɛ e pee ni kpa amɛ ɔ, nyɛɛ pee lɛ ngɔ to nane mi ja nɔuu; ejakaa e wo e he nɔ ngɛ imi Yawɛ, Israel Nɔ Klɔuklɔu ɔ, ye nɔ.

Yesaya 21:5

I na ngɛ nina a mi kaa a tsɛ ní yemi ko; nihi hii si ngɛ kuutuhi a nɔ kɛ ngɛ ní yee, nɛ a ngɛ ní nue. Tlukaa a, a nu nɛ a fa ke, “Ganɔhi! Nyɛɛ te si, nɛ nyɛɛ pɔ nyɛ tsɛ̃i ɔmɛ a he nu!”

Yesaya 5:27

Pɔ tɔɛ a ti nɔ ko nɔ ko he, nɛ nɔ ko nɔ ko hu tɛ we si. A di kɔnɛɛ, nɛ a hwɔ we mahe. A mlɛ mi fimi níhi gbɔle we, nɛ a nane tokota kpa amɛ hu tsɔ we.

Nahum 2:6

Tlukaa a, agbo ɔmɛ nɛ ngɛ pa a nya a bli, nɛ sawale nu nɔ tsuaa nɔ ngɛ matsɛ we ɔ mi.

Habakuk 1:8

“A we okpɔngɔ ɔmɛ a he sɔɔ pe ngatsɛhi, nɛ a hɛ mi ngɛ klamaklama pe ogbeteehi nɛ hwɔ ngɛ mɛ yee. A we okpɔngɔ nɔ hili ɔmɛ jeɔ ma se lokoo kɛ baa, nɛ okpɔngɔ ɔmɛ a nane hii si sie glɛi glɛi glɛi! A ba yuɔ nɔ nɔ kaa bɔ nɛ kɔlehi peeɔ kɛ saa lohwehi nɛ a ya yeɔ ɔ.