Nahum 2:4 - BAIBLO ALOO NGMAMI KLƆUKLƆU Ɔ

⁴ Ta zugba lɛ ɔmɛ ngɛ si poe hliididididi ngɛ gbɛjegbɛ ɔmɛ a nɔ, nɛ a ngɛ fo sae kɛ ngɛ yae kɛ ngɛ bae ngɛ ma kpe he ɔmɛ. A ngɛ kpɛe kaa jatɛ; nɛ a ngɛ gbae kɛ ngɛ yae kɛ ngɛ bae kaa oslabai.

Nahum 2:4 ပူးပေါင်းရင်းမြစ်များ

Abɛ Womi 31:21

Ke fĩɛ be su ɔ, e yi tsui kaa fĩɛ maa ye e we mi bimɛ, ejakaa mɛ tsuo a ngɛ kuutu tade.

Yesaya 37:24

O tsɔ o tsɔli kɛ ba ye imi Nyɔmtsɛ ɔ ye he fɛu, nɛ o de ke, ‘I ngɔ ye ta zugba lɛhi kɛ kuɔ yo ɔmɛ kɛ ya su Lebanon tɔɔ. I poo Lebanon seda tso gagaa amɛ, kɛ sɛsɛo saminyawiiwi ɔmɛ ngɔ pue si. I sɛ Lebanon hue kusuu ɔ mi kɛ ya tsitsaa lokoo.

Yesaya 66:15

Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Yeremia 46:9

Nyɛ okpɔngɔhi, nyɛɛ ya nyɛ hɛ mi esɔ. Nyɛ zugba lɛhi, nyɛ sa fo! Nyɛ katsɛmɛ, nyɛɛ je kpo: Sudan kɛ Libia tsɛi hɛɛli, kɛ Lidia kɛ̃ɛ̃ tsɛ̃li nɛ nyɛ nine nya da.’ ”

Ezekiel 23:24

Ta buli kɛ a ta zugba lɛhi babauu, kɛ a tlɔɔkehi kɛ a mi tlomi maa je omleyi je kɛ ba tua mo. A kɛ tsɛ̃i agbohi, tsɛ̃i wawi, kɛ dade pɛɛ ma gba ta kɛ wo o he. Ma ha a maa kojo mo ngɛ mɛ nitsɛmɛ a mlaa nya.

Ezekiel 26:10

E we okpɔngɔhi maa hiɛ babauu nɛ a se bunyuku ɔ maa laa o nɔ. Okpɔngɔ ɔmɛ, e ní gblami tlɔɔke ɔmɛ, kɛ e ta zugba lɛ ɔmɛ maa sɛ agbo ɔmɛ a mi gidigidi kaa a sɛɔ ma ko nɛ a ye e nɔ momo mi. A hoo peemi ɔ ma mimiɛ o gbogbo ɔmɛ tete.

Ezekiel 26:7

Nyɔmtsɛ Yawɛ ya nɔ nɛ e de ke, “Ma ha Nebukadnezar, Babilonia matsɛ nguaa pe kulaa a ma ba tua Tiro. E kɛ e tabo babauu nitsɛ, nihi nɛ hi okpɔngɔhi a nɔ, nihi nɛ ngɛ ta zugba lɛhi a mi, kɛ nihi nɛ nyɛɛ nane maa je omleyi je kɛ ba.

Daniel 11:40

“Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.