Nahum 2:13 - BAIBLO ALOO NGMAMI KLƆUKLƆU Ɔ

¹³ Yawɛ Tabohiatsɛ ɔ ke, “I kɛ mo ná! Ma sã o ta zugba lɛ ɔmɛ. Ma kpata o ta buli ɔmɛ a hɛ mi ngɛ ta mi. Níhi tsuo nɛ o kpɔ ngɛ nihi a dɛ ɔ, ma ngɔ. A be o he wami he nue hu ngɛ je ɔ mi.”

Nahum 2:13 ပူးပေါင်းရင်းမြစ်များ

Matsɛmɛ II, 18:17

Asiria matsɛ ɔ wo ta buli babauu blɔ kɛ je Lakish kɛ ya tua Hezekia ngɛ Yerusalem. Senakerib we asafoatsɛmɛ kpanakpanaa etɛ ji a nyatsɛmɛ. Benɛ a su Yerusalem ɔ, a ya da si ngɛ blɔ ɔ nɔ he nɛ bo loli ɔmɛ tsuɔ ní ngɛ ɔ. Nyu dɔ ko ngɛ lejɛ ɔ, nɛ e mi lɛ nyu nɛ jee taku ɔ mi ngɛ yiti je ɔ guɔ.

Matsɛmɛ II, 18:19

Asiria asafoatsɛmɛ ɔmɛ a ti nɔ kake de mɛ ke matsɛ ngua nɛ ji Asiria matsɛ ɔ ngɛ hlae nɛ e le nɔ́ nɛ he je nɛ Matsɛ Hezekia heɔ e he yeɔ kikɛ nɛ ɔ.

Matsɛmɛ II, 19:23

O tsɔ o tsɔli kɛ ba ye Yawɛ he fɛu nɛ o de ke, ‘I ngɔ ye ta zugba lɛhi babauu kɛ kuɔ yoku ɔmɛ kɛ ya su Lebanon tɔɔ. I poo Lebanon seda tso gagaá amɛ, kɛ sɛsɛo saminyawiiwi ɔmɛ ngɔ pue si. I sɛ Lebanon hue kusuu ɔ mi kɛ ya tsitsaa lokoo.

Matsɛmɛ II, 19:9

Kɛkɛ nɛ gbi ko ba su Asiria matsɛ ɔ kaa Sudan matsɛ, Tirhaka hia ta kɛ nyɛɛ Egipt tabo ɔ hɛ mi kɛ ma nɛ e ba tua lɛ. Benɛ Asiria matsɛ ɔ nu sane nɛ ɔ, e ngma womi nɛ e tsɔ kɛ ya ha Yuda matsɛ, Hezekia.

Kronika II, 32:19

Tsɔli nɛ ɔmɛ tu Yerusalem Mawu ɔ he munyu kaa nɔ́ nɛ je ma amɛ a mawu ɔmɛ nɛ nimli kɛ a nine pee ɔ eko ji lɛ.

La 46:9

E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!

Yeremia 21:13

Mo Yerusalem, o maa si piɔpiɔɔpiɔ ngɛ kɔ̃ ɔmɛ a mi kaa tɛ sa ngɛ nga kplanaa nɔ. Se i kɛ mo maa to ní. O deɔ ke nɔ ko be nyɛe ma ba tua mo, nɛ nɔ ko be nyɛe maa sɛ o mɔ ɔmɛ a mi.

Yeremia 46:14

“Nyɛɛ fiɛ ngɛ Egipt ma amɛ a mi, ngɛ Migdol, Memfis, kɛ Tapanhes ke, ‘Nyɛɛ mia, nɛ nyɛɛ pee klaalo, ejakaa ta ngɛ ní puɛe ngɛ mahi nɛ bɔle nyɛ ɔ a mi kɛ ma!

Yeremia 50:31

“Babilonia bi, nyɛ woɔ nyɛ he nɔ. Enɛ ɔ he je ɔ, imi Nyɔmtsɛ Yawɛ Tabohiatsɛ ɔ, i kɛ nyɛ maa to ní. Nyɛ be ɔ su; be ɔ nɛ ma gbla nyɛ tue ɔ su.

Yeremia 51:25

Mo Babilonia nɛ o ngɛ kaa yoku, nɛ o ngɛ je ɔ tsuo hɛ mi kpatae, i kɛ mo na! Ma nu mo, nɛ ma kpɛne mo kɛ je tɛ sa amɛ a nɔ ba ko si, nɛ o maa pee kaa yo nɛ sã.

Ezekiel 13:8

Lɔ ɔ he ɔ, Nyɔmtsɛ Yawɛ ngɛ dee ke, “Akɛnɛ yakayaka níhi nyɛ gbaa, nɛ lakpa níhi nyɛ naa he je ɔ, niinɛ, i kɛ nyɛ ná! Imi, Nyɔmtsɛ Yawɛ lɛ i de.

Ezekiel 21:3

imi Yawɛ, nɔ́ nɛ i ngɛ dee ji i kɛ mo ná. Ma hia ye klaate kɛ je e kpo ɔ mi, nɛ ma kpata nɔ tsuaa nɔ hɛ mi, dalɔ jio, yayami peelɔ jio.

Ezekiel 26:3

“Lɔ ɔ he ɔ, bɔ nɛ imi Nyɔmtsɛ Yawɛ, i ngɛ dee ji: Tiro, i kɛ mo ná. Ma ha je mahi babauu ma ba tua mo; a maa ba nɔtonɔto kaa bɔ nɛ wo oslɔkehi kuɔ kɛ baa wo dɔ mi.

Ezekiel 28:22

De mɛ ke imi Nyɔmtsɛ Yawɛ, i ke i kɛ mɛ ná. Je ma amɛ maa wo ye hɛ mi nyami ngɛ nɔ́ nɛ ma pee Sidon ma a he. Ma gbla Sidon tue, konɛ a na bɔ nɛ i ngɛ klɔuklɔu ha. Kɛkɛ ɔ, a maa le kaa imi ji Yawɛ.

Ezekiel 29:10

i kɛ mo ná, nɛ i kɛ o Nilo pa a hu ná. Ma ha Egipt zugba a tsuo nɔ maa je gu; e maa pee ma dokuhi sɔuu kɛ je Migdol ngɛ omleyi je kɛ yaa su Aswan ngɛ leneyi je, hluu kɛ ma ya su Sudan bi ɔmɛ a huzu ɔ nya tɔɔ.

Ezekiel 29:3

De lɛ ke bɔ nɛ Nyɔmtsɛ Yawɛ ngɛ Egipt matsɛ ɔ dee ji nɛ ɔ nɛ: Mo wo mi lohwe gbeyegbeye, i kɛ mo ná. O ke Nilo pa a o nɔ, nɛ mo lɛ o pee.

Ezekiel 35:3

De lɛ ke bɔ nɛ imi Nyɔmtsɛ Yawɛ, i ngɛ dee ji, Edom, i kɛ mo ná! Ma pee mo pasaa.

Ezekiel 38:3

De lɛ ke imi Nyɔmtsɛ Yawɛ, i kɛ lɛ ná.

Ezekiel 39:1

Nyɔmtsɛ Yawɛ de mi ke, “Nɔmlɔ adesa, gbaa kɛ si Gog, ganɔ ngua nɛ yeɔ Meshek kɛ Tubal je ma amɛ a nɔ ɔ, nɛ o de lɛ ke, i kɛ lɛ ná.

Ezekiel 5:8

imi Nyɔmtsɛ Yawɛ hu, i kɛ mo ná. Ma gbla o tue ngɛ je ma amɛ a hɛ mi paa.

Nahum 2:12

Jata ku ɔ ya gbe de lo, nɛ e tsɔtslɔɔ mi kɛ ha jata yo ɔ, kɛ e bi ɔmɛ; lo ɔ hyi e hi he ɔ tɔ.

Nahum 3:1

Mo Nineve ma, ma nɛ lakpa sɔuu a yeɔ ngɛ o mi, ma nɛ a pueɔ muɔ si ngɛ mi, ma nɛ hyi tɔ kɛ ní kpakpahi nɛ a kpɔ ngɛ nihi a dɛ, musu tloo mo!

Nahum 3:12

O mɔ nguangua amɛ tsuo maa pee kaa ngmɔkɔ tsohi nɛ a nɔ yiblii fu. Nɔ ko nɛ huanya tso ɔ piɔ kaa yiblii ɔmɛ be tsɔe ba nɔ nɔ ɔ nya mi klom lo!

Nahum 3:15

Bɔ tsuaa bɔ nɛ pee ɔ, ja a sã mo, loo ja o nɔ ngɛ ta mi. Kaa bɔ nɛ baalɛ yeɔ ní kɛ pii si ɔ, jã a ma kpata o hɛ mi pɛsɛpɛsɛ. O fɔ babauu, nɛ o he hiɛ kaa baalɛ!

Nahum 3:5

Yawɛ Tabohiatsɛ ɔ ke, “Nineve, ma gbla o tue! Ma ha nɛ o maa hɛɛ o he gu, nɛ ma ha nɛ je ma amɛ maa na mo paslapaa kɛ o he zo ɔ tsuo.

Yoshua 11:6

Yawɛ de Yoshua ke, “Koo ye mɛ gbeye. Hwɔɔ be nɛ ɔ mi ɔ, i gbe mɛ tsuo pɛpɛɛpɛ kɛ ha Israel momo. O maa poo a we okpɔngɔ ɔmɛ a nane se pani, nɛ o maa sã a ta zugba lɛ ɔmɛ.”

Yoshua 11:9

Yoshua pee bɔ nɛ Yawɛ fa lɛ ke e pee ɔ; e poo a we okpɔngɔ ɔmɛ a nane se pani, nɛ e sã a ta zugba lɛ ɔmɛ.