Nahum 2:11 - BAIBLO ALOO NGMAMI KLƆUKLƆU Ɔ

¹¹ Jehanɛ, ma nɛ ngɛ kaa jatahi a hi he ɔ, jije e ngɛ? Ma nɛ a haa jata bihi ní ngɛ mi ɔ, jije e ngɛ? He nɛ jata ku, kɛ jata yo ngɔɔ a bihi kɛ yaa, konɛ nɔ́ ko kó sa a he ɔ, jije e ngɛ?

Nahum 2:11 ပူးပေါင်းရင်းမြစ်များ

Mose I, 49:9

Yuda ngɛ kaa jata nɛ ya ye de lo nɛ e kpale ba ba buu si, ngɛ e he jɔɔe; mɛnɔ ma nyɛ maa tsɛ̃ɛ̃ lɛ?

Yesaya 13:7

Nɔ tsuaa nɔ he mi maa po, nɛ sawale maa nu lɛ.

Yesaya 31:4

Yawɛ de mi ke, “Bɔ nɛ to hyɛli kɛ a ngmlaa babauu nyɛ we nɛ a fieɔ jata kɛ jee e de lo he ɔ, ja pɛpɛɛpɛ nɛ nɔ́ ko nɔ́ ko be nyɛe maa tsi imi, Yawɛ Tabohiatsɛ ɔ ye nya kaa ma bu Zion yo ɔ he.

Yesaya 5:29

Ta buli ɔmɛ hwɔ hoo kaa jatahi nɛ a gbe lohwe ko nɛ a ngɛ huãe ngɛ he, nɛ a kɛ yaa he nɛ nɔ ko nɔ ko be nyɛe ma kpɔ ngɛ a dɛ.

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.

Yeremia 4:7

Je ma amɛ a hɛ mi kpatalɔ ɔ ma kaa jata nɛ hia kpo kɛ je e laami he. E ma nɛ e ba kpata Yuda zugba a hɛ mi. Yuda ma amɛ maa pee ma dokuhi, nɛ nɔ ko nɔ ko be a mi hie hu.

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

Yeremia 50:44

“Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja imi Yawɛ, ma ba tlukaa nɛ ma ba fie Babilonia bi ɔmɛ kɛ je a ma a mi kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da?

Ezekiel 32:2

E de ke, “Nɔmlɔ adesa, la hɛdo la nɛ o kɛ bɔ Egipt matsɛ ɔ kɔkɔ. Ngɔɔ ye sɛ gbi nɛ ɔ kɛ ha lɛ: O peeɔ o níhi kaa nɔ́ nɛ jata ji mo ngɛ je ma amɛ a kpɛti; se o ngɛ kaa nyaka nɛ ngɛ pa gudue mohu. O tuɔ kɛ sɛɛ o pa amɛ a mi tsulaoo; o kɛ o nane gbidii nyu ɔ kɛ puɛɔ pa amɛ.

Yoel 2:6

Ke a ma kikɛ nɛ ɔ, sawale maa nu nɔ tsuaa nɔ, nɛ nɔ tsuaa nɔ hɛ mi ma tsake maa pee mɔbɔmɔbɔ.

Mika 5:6

A kɛ klaate maa ye Asiria bi ɔmɛ a nɔ kunimi, nɛ a ma je wɔ kɛ je Asiria bi ɔmɛ a dɛ mi, ke a ba tua wa zugba a.

Nahum 2:12

Jata ku ɔ ya gbe de lo, nɛ e tsɔtslɔɔ mi kɛ ha jata yo ɔ, kɛ e bi ɔmɛ; lo ɔ hyi e hi he ɔ tɔ.

Nahum 3:1

Mo Nineve ma, ma nɛ lakpa sɔuu a yeɔ ngɛ o mi, ma nɛ a pueɔ muɔ si ngɛ mi, ma nɛ hyi tɔ kɛ ní kpakpahi nɛ a kpɔ ngɛ nihi a dɛ, musu tloo mo!

Zefania 3:3

Tsɔli ɔmɛ ngɛ kaa jatahi nɛ ngɛ huãe. Kojoli ɔmɛ hu ngɛ kaa ogbeteehi nɛ hwɔ gbe mɛ; gbɔkuɛ ɔ, a yeɔ ní tsuatsuaatsua, nɛ ke je na a, a si we nɔ́ ko nɔ́ ko.

Mose IV, 23:24

Israel ma a ngɛ kaa jata katsɛ; e bu we si, nɛ e jɔɔ we e he, ja e ye de lo ɔ tsuatsuaatsua, nɛ e nu lohwe nɛ e gbe ɔ muɔ lolo.”