Nahum 2:1 - BAIBLO ALOO NGMAMI KLƆUKLƆU Ɔ1 Nineve, ta tua mo! Nyɛ ya da nyɛ blɔ hehi ngɛ gbogbo ɔmɛ a he! Nyɛɛ bu blɔ ɔmɛ a he! Nyɛɛ mia kɛ ha ta! အခန်းကိုကြည့်ပါ။ |
Je ma amɛ tsuo nɛ ma ba tua Zion yo ɔ, nɔ́ nɛ maa ba a nɔ ji nɛ ɔ nɛ. A sane maa pee kaa nyumuhi enyɔ komɛ a sane pɛ. Kekleekle nɔ ɔ ya hwɔ si kɛ e mi mi hwɔ; nɛ e nla nɛ e ngɛ ní yee. Se benɛ e hɛ tsɛ ɔ, hwɔ ngɛ lɛ yee kɛ mwɔɔ. Enyɔne ɔ hu ya hwɔ si benɛ kuma miɔ nɛ e gbe lɛ. Lɛ hu e nla nɛ e ngɛ nyu nue. Se benɛ e hɛ maa tsɛ ɔ, kuma ngɛ lɛ yee kɛ mwɔɔ.
‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.